കോഴിക്കോട്: ഐസിയു പീഡനക്കേസിന്‍റെ അന്വേഷണവുമായി ബന്ധപ്പെട്ട അതിജീവിതയുടെ പരാതിയിൽ മൊഴിയെടുക്കാൻ നിർദേശം.
സിറ്റി പോലീസ് കമീഷണർ രാജ്‌പാൽ മീണയാണ്‌ മെഡിക്കൽ കോളജ് എസിപി സുദർശനന്‌ നിർദേശം നൽകിയത്‌. ഏഴിന്‌ പകൽ 11ന് മൊഴിയെടുത്ത്‌ അന്ന്‌ റിപ്പോർട്ട് കമ്മീഷണർക്ക്‌ കൈമാറണം.
അതിജീവിത കമ്മീഷണറെ കണ്ട്‌ പരാതിപ്പെട്ടതിനെ തുടർന്നാണ് നടപടി. വൈദ്യപരിശോധന നടത്തിയ ഗൈനക്കോളജിസ്‌റ്റ്‌ മൊഴി രേഖപ്പെടുത്തിയതിൽ പിഴവുണ്ടെന്ന്‌ കാണിച്ച്‌ അതിജീവിത നേരത്തെ പരാതി നൽകിയിരുന്നു.
ഇതിൽ പോലീസ് നടപടി സ്വീകരിച്ചില്ലെന്നായിരുന്നു ആക്ഷേപം. തുടർന്നാണ് കമ്മീഷണർ നിർദേശം നൽകിയത്‌.
