ഞ​ങ്ങ​ൾ​ക്ക് ശ്വ​സി​ക്കാ​ൻ ന​ല്ല വാ​യു വേ​ണം… അ​ന്ത​രീ​ക്ഷ മ​ലി​നീ​ക​ര​ണം: ഇ​ന്ത്യാ ഗേ​റ്റി​ൽ വീ​ണ്ടും പ്ര​തി​ഷേ​ധം

ന്യൂ​ഡ​ൽ​ഹി: രാ​ജ്യ​ത​ല​സ്ഥാ​ന​ത്ത് വാ​യു​ഗു​ണ​നി​ല​വാ​രം മോ​ശ​മാ​യി തു​ട​രു​ന്ന​തി​നി​ടെ അ​ടി​യ​ന്ത​ര സ​ർ​ക്കാ​ർ ഇ​ട​പെ​ട​ൽ ആ​വ​ശ്യ​പ്പെ​ട്ടു വീ​ണ്ടും ന​ഗ​ര​വാ​സി​ക​ളു​ടെ പ്ര​തി​ഷേ​ധം. വി​ദ്യാ​ർ​ഥി​ക​ളും യു​വാ​ക്ക​ളു​മ​ട​ങ്ങു​ന്ന പ്ര​തി​ഷേ​ധ​ക്കാ​ർ ഇ​ന്ത്യാ ഗേ​റ്റി​നു സ​മീ​പം ഒ​ത്തു​കൂ​ടി​യാ​ണ് വി​ഷ​മ​യ​മാ​യ വാ​യു​വി​നെ​തി​രേ പ്ര​തി​ഷേ​ധി​ച്ച​ത്.

രാ​ജ്യ​ത​ല​സ്ഥാ​ന മേ​ഖ​ല​യി​ലെ അ​ന്ത​രീ​ക്ഷ​വാ​യു ഗു​ണ​നി​ല​വാ​രം ഗു​രു​ത​ര​മാ​യ അ​വ​സ്ഥ​യി​ൽ തു​ട​രു​ന്ന​ത് ശാ​രീ​രി​ക​വും വൈ​കാ​രി​ക​വു​മാ​യ ദു​രി​ത​ങ്ങ​ൾ​ക്കു കാ​ര​ണ​മാ​കു​ന്ന ആ​രോ​ഗ്യ-​പാ​രി​സ്ഥി​തി​ക അ​ടി​യ​ന്ത​രാ​വ​സ്ഥ​യാ​ണെ​ന്ന് പ്ര​തി​ഷേ​ധ​ക്കാ​ർ ചൂ​ണ്ടി​ക്കാ​ട്ടി.

മ​ലി​നീ​ക​ര​ണം തു​ട​രു​ന്ന സാ​ഹ​ച​ര്യ​ത്തി​ൽ വ​ർ​ക്ക് ഫ്രം ​ഹോം സാ​ധ്യ​മാ​ക്ക​ണ​മെ​ന്നും സ്കൂ​ളു​ക​ൾ പൂ​ർ​ണ​മാ​യും ഓ​ണ്‍​ലൈ​നാ​ക്ക​ണ​മെ​ന്നും മ​ലി​നീ​ക​ര​ണ​ത്തെ സം​ബ​ന്ധി​ക്കു​ന്ന യ​ഥാ​ർ​ഥ വി​വ​ര​ങ്ങ​ൾ മ​റ​ച്ചു​വ​യ്ക്കാ​തെ പു​റ​ത്തു​വി​ട​ണ​മെ​ന്നും പ്ര​തി​ഷേ​ധ​ക്കാ​ർ ആ​വ​ശ്യ​പ്പെ​ട്ടു. ഇ​ന്ത്യാ​ഗേ​റ്റി​നു സ​മീ​പ​ത്തെ ക​ർ​ത്ത​വ്യ പ​ഥി​ൽ കു​ത്തി​യി​രു​ന്നു പ്ര​തി​ഷേ​ധി​ച്ച​വ​രെ പോ​ലീ​സ് ബ​ലം പ്ര​യോ​ഗി​ച്ചാ​ണു മാ​റ്റി​യ​ത്.

ശു​ദ്ധ​വാ​യു​വി​നു​വേ​ണ്ടി ര​ണ്ടാ​ഴ്ച​മു​ന്പ് ഇ​ന്ത്യാ ഗേ​റ്റി​നു സ​മീ​പം പ്ര​തി​ഷേ​ധി​ച്ച കു​ട്ടി​ക​ളു​മു​ൾ​പ്പെ​ടെ​യു​ള്ള​വ​രെ പോ​ലീ​സ് ക​സ്റ്റ​ഡി​യി​ലെ​ടു​ത്തി​രു​ന്നു. ഡ​ൽ​ഹി​യി​ലെ വാ​യു​വി​ന്‍റെ ഗു​ണ​നി​ല​വാ​രം ‘വ​ള​രെ മോ​ശം’, / ‘ഗു​രു​ത​രം’ എ​ന്നീ വി​ഭാ​ഗ​ങ്ങ​ളി​ൽ തു​ട​രു​ന്ന​തി​നി​ടെ, ഗ്രേ​ഡ​ഡ് റ​സ്പോ​ണ്‍​സ് ആ​ക്‌​ഷ​ൻ പ്ലാ​നി​ന്‍റെ (ഗ്രാ​പ്പ്) മൂ​ന്നാം​ഘ​ട്ട​ത്തി​ന്‍റെ ഭാ​ഗ​മാ​യി സ്വ​കാ​ര്യ ഓ​ഫീ​സു​ക​ളി​ൽ 50 ശ​ത​മാ​നം വ​ർ​ക്ക് ഫ്രം ​ഹോം ന​യം ന​ട​പ്പി​ലാ​ക്കാ​ൻ സം​സ്ഥാ​ന സ​ർ​ക്കാ​ർ നി​ർ​ദേ​ശി​ച്ചി​ട്ടു​ണ്ട്. നി​ർ​ദേ​ശ​ത്തി​ലൂ​ടെ ദേ​ശീ​യ ത​ല​സ്ഥാ​ന പ്ര​ദേ​ശ​ത്തെ (എ​ൻ​സി​ആ​ർ) വാ​ഹ​ന​ങ്ങ​ളു​ടെ എ​ണ്ണം വ​രും​ദി​വ​സ​ങ്ങ​ളി​ൽ കു​റ​യ്ക്കാ​നാ​ണു സ​ർ​ക്കാ​ർ ല​ക്ഷ്യ​മി​ടു​ന്ന​ത്.

സ്വ​ന്തം ലേ​ഖ​ക​ൻ