കൊച്ചി: ഐപിഎല് ആവേശം തുടങ്ങാനിരിക്കെ, സൗജന്യ ലൈവ് സ്ട്രീമിംഗ് വാഗ്ദാനം ചെയ്ത് സൈബര് തട്ടിപ്പ്. ‘XMTV Live’ തുടങ്ങിയ വ്യാജ ആപ്പുകളെ കരുതിയിരിക്കണമെന്ന മുന്നറിയിപ്പുമായി സൈബര് പോലീസ് രംഗത്തെത്തി.
തട്ടിപ്പ് രീതി ഇങ്ങനെ…
സൗജന്യമായി ഐപിഎല് കാണാം എന്ന പരസ്യത്തിലൂടെ വ്യാജ ആപ്പുകള് ഇന്സ്റ്റാള് ചെയ്യാന് തട്ടിപ്പു സംഘം നിങ്ങളെ പ്രേരിപ്പിക്കുന്നു. ലിങ്കുകളില് ക്ലിക്ക് ചെയ്യുന്നതോടെ നിങ്ങളുടെ ഫോണിലെ നിയന്ത്രണം തട്ടിപ്പുകാരുടെ കൈകളിലെത്തുകയും ബാങ്ക് അക്കൗണ്ടുകളില് നിന്ന് പണം നഷ്ടപ്പെടുകയും ചെയ്തേക്കാം.
കരുതിയിരിക്കാം
- സൗജന്യ വാഗ്ദാനങ്ങള് വിശ്വസിക്കരുത്
- Free Sreaming എന്ന പേരിലുള്ള ലിങ്കുകളില് ക്ലിക്ക് ചെയ്യുന്നത് ഒഴിവാക്കുക.
- ആപ്പുകള് ഡൗണ്ലോഡ് ചെയ്യാന് ഒഫീഷ്യല് ആപ്പ് സ്റ്റോറുകള് മാത്രം ഉപയോഗിക്കണം.
- ഡൗണ്ലോഡ് ചെയ്ത അപരിചിത അപ്പുകളില് അനുമതികള് നല്കുമ്പോള് ഫോണിലെ എസ്എംഎസ്, ബാങ്കിംഗ് വിവരങ്ങള്, സ്ക്രീന് ഷെയറിംഗ് എന്നിവയ്ക്കുള്ള അനുമതി നല്കരുത്.
- ബാങ്ക് വിവരങ്ങള്, ഒടിപി എന്നിവ ആരുമായും കൈമാറരുത്.
- അപരിചിതമായ യാതൊരു പ്ലാറ്റ്ഫോമിലും നിങ്ങളുടെ യുപിഐ, പിന് വിവരങ്ങള് നല്കരുത്.
- സൈബര് തട്ടിപ്പിന് ഇരയായാല് ഉടന്തന്നെ 1930 എന്ന നമ്പറിലോ www.cybercrime.gov.in എന്ന പോര്ട്ടലിലോ പരാതി രജിസ്റ്റര് ചെയ്യുക.
- സ്വന്തം ലേഖിക
