മുംബൈ: ഐപിഎല് ട്വന്റി-20 ക്രിക്കറ്റിലെ എല് ക്ലാസിക്കോ എന്നു വിശേഷിപ്പിക്കപ്പെടുന്ന ചെന്നൈ സൂപ്പര് കിംഗ്സ് x മുംബൈ ഇന്ത്യന്സ് പോരാട്ടം ഇന്ന്. മുംബൈ വാങ്കഡെ സ്റ്റേഡിയത്തില് രാത്രി 7.30നാണ് എല് ക്ലാസിക്കോ.
ഐപിഎല് ചരിത്രത്തില് ഏറ്റവും കൂടുതല് (അഞ്ച്) ചാമ്പ്യന്മാരായതിന്റെ റിക്കാര്ഡ് പങ്കിടുന്ന ടീമുകളാണ് ചെന്നൈയും മുംബൈയും. എന്നാല്, 2023നുശേഷം ചെന്നൈയ്ക്കും 2020നുശേഷം മുംബൈക്കും കിരീടത്തിലേക്ക് അടുക്കാന് സാധിച്ചിട്ടില്ല.
ഈ സീസണില് എവേ മൈതാനത്ത് ഒരു ജയം പോലും നേടാന് ചെന്നൈ സൂപ്പര് കിംഗ്സിനു സാധിച്ചിട്ടില്ല. 2026 സീസണില് മുംബൈയും ചെന്നൈയും ഫോമില്ലാതെ വിഷമിക്കുകയാണ്. ആറ് മത്സരങ്ങള് പൂര്ത്തിയാക്കിയ ഇരുടീമിനും രണ്ട് ജയം വീതമാണ് നേടാന് സാധിച്ചത്. മുംബൈയുടെ മുന്ക്യാപ്റ്റന് രോഹിത് ശര്മയും ചെന്നൈയുടെ മുന് ക്യാപ്റ്റന് എം.എസ്. ധോണിയും കളത്തിലേക്കു തിരിച്ചെത്തുന്നതിനും ആരാധകര് കാത്തിരിക്കുന്നു.
