Set us Home Page

ക​ളി മ​റ​ന്നു, ക​ളം മ​റ​ന്നു, ജ​യം കൈ​വി​ട്ടു; ബ്ലാ​സ്റ്റേ​ഴ്സി​ന് വീ​ണ്ടും സ​മ​നി​ല​ക്കു​രു​ക്ക്‌

കൊ​ച്ചി: ജ​യി​ച്ചെ​ന്നു​റ​പ്പി​ച്ച ക​ളി എ​ങ്ങ​നെ കൈ​വി​ട്ടു​ക​ള​യാ​മെ​ന്ന് ബ്ലാ​സ്റ്റേ​ഴ്സി​ൽ​നി​ന്നും പ​ഠി​ക്കാം. ക​ളി തീ​രാ​ൻ അ​ഞ്ച് മി​നി​റ്റു മാ​ത്രം ശേ​ഷി​ക്കെ ക​ളി​മ​റ​ന്ന കേ​ര​ള ബ്ലാ​സ്റ്റേ​ഴ്സ് സ​മ​നി​ല ചോ​ദി​ച്ചു​വാ​ങ്ങി. 2-1 ന് ​മു​ന്നി​ട്ടു​നി​ന്ന ബ്ലാ​സ്റ്റേ​ഴ്സി​നെ 91 ാം മി​നി​റ്റി​ൽ ലെ​നി റോ​ഡ്രി​ഗ്ര​സി​ന്‍റെ ഗോ​ളി​ൽ ഗോ​വ സ​മ​നി​ല​യി​ൽ കു​രു​ക്കി. ര​ണ്ടാം പ​കു​തി​യി​ൽ‌ പ​ത്തു​പേ​രാ​യി ചു​രു​ങ്ങി​യ ഗോ​വ​യാ​ണ് സ​മ​നി​ല നേ​ടി ര​ക്ഷ​പെ​ട്ട​ത്.

ഇ​ഞ്ചു​റി ടൈ​മി​ലെ ബ്ലാ​സ്റ്റേ​ഴ്സ് പ്ര​തി​രോ​ധ​ത്തി​ന്‍റെ അ​ല​സ​ത​യും പി​ഴ​വു​മാ​ണ് അ​ർ​ഹി​ച്ച മൂ​ന്നു പോ​യി​ന്‍റ് ന​ഷ്ട​മാ​ക്കി​യ​ത്. ബ്ലാ​സ്റ്റേ​ഴ്സ് പ്ര​തി​രോ​ധ താ​രം ജ​സ​ലി​ന്‍റെ വ​മ്പ​ൻ പി​ഴ​വാ​ണ് ഗോ​ളി​ൽ ക​ലാ​ശി​ച്ച​ത്. ക്ലി​യ​ർ ചെ​യ്യാ​നു​ള്ള ജ​സ​ലി​ന്‍റെ ശ്ര​മം ഗോ​വൻ താ​ര​ത്തെ ത​ട്ടി ബോ​ക്സി​ലേ​ക്ക്.

പ​ന്ത് കാ​ലി​ൽ കി​ട്ടി​യ മ​ന്ദ​ർ റാ​വു ദേ​ശാ​യി ബോ​ക്സി​നു​ള്ളി​ലേ​ക്ക് ക​യ​റി ക​ന​ത്ത ഷോ​ട്ട്. ബ്ലാ​സ്റ്റേ​ഴ്സ് ഗോ​ളി ര​ഹ​നേ​ഷ് സു​ന്ദ​ര​മാ​യി പ​ന്ത് ത​ട്ടി​യ​ക​റ്റി. എ​ന്നാ​ൽ റീ​ബോ​ണ്ട് പി​ടി​ച്ചെ​ടു​ത്ത ലെ​നി അ​നാ​യാ​സം കേ​ര​ള പോ​സ്റ്റി​ലേ​ക്ക് പ​ന്തി​നെ ത​ട്ടി​വി​ട്ടു. ബ്ലാ​സ്റ്റേ​ഴ്സ് ആ​രാ​ധ​ക​ർ അ​വി​ശ്വ​സ​നീ​യ​ത​യോ​ടെ ത​ല​യി​ൽ കൈ​വ​ച്ച നി​മി​ഷം.

ക​ളി​യു​ടെ ര​ണ്ടാം മി​നി​റ്റി​ൽ ത​ന്നെ ലീ​ഡെ​ടു​ത്ത കേ​ര​ള​ത്തെ ര​ണ്ടു​വ​ത​ണ പി​ന്നി​ലാ​യ ശേ​ഷ​മാ​ണ് ഗോ​വ പി​ടി​ച്ച​ത്. സെ​ർ​ജി​യോ സി​ഡോ​ഞ്ച​യാ​ണ് കേ​ര​ള​ത്തെ ആ​ദ്യം മു​ന്നി​ലെ​ത്തി​ച്ച​ത്. സി​ഡോ ബോ​ക്സി​നു വെ​ളി​യി​ൽ​നി​ന്നെ​ടു​ത്ത ലോം​ഗ് ഷോ​ട്ട് ഗോ​വ വ​ല​കു​ലു​ക്കി. എ​ന്നാ​ൽ 41 ാം മി​നി​റ്റി​ൽ മൗ​ർ​താ​ഡ ഫോ​ളി​ലൂ​ടെ ഗോ​വ ഒ​പ്പ​മെ​ത്തി. ജാ​ക്കി​ചാ​ന്ദ് സിം​ഗി​ന്‍റെ ഉ​യ​ർ​ന്നു​വ​ന്ന ക്രോ​സി​ന് ഫോ​ൾ ത​ല​വ​യ്ക്കു​ക​യാ​യി​രു​ന്നു.

എ​ന്നാ​ൽ ര​ണ്ടാം പ​കു​തി​യി​ൽ കേ​ര​ളം വീ​ണ്ടും മു​ന്നി​ലെ​ത്തി. പ്ര​ശാ​ന്ത് ന​ൽ​കി​യ ക്രോ​സ് മെ​സി ബൗ​ളി ഗോ​ളാ​ക്കു​ക​യാ​യി​രു​ന്നു. 52 ാം മി​നി​റ്റി​ൽ ഫോ​ൾ ചു​വ​പ്പ് കാ​ർ​ഡ് ല​ഭി​ച്ച് പു​റ​ത്തു​പോ​യി​ട്ടും കേ​ര​ള​ത്തി​ന് ഈ ​മു​ൻ​തൂ​ക്കം മു​ത​ലാ​ക്കാ​നാ​യി​ല്ല. മെ​സി, ക്യാ​പ്റ്റ​ൻ ഒ​ഗ്ബ​ച്ചെ എ​ന്നി​വ​ർ സു​വ​ർ​ണാ​വ​സ​ര​ങ്ങ​ൾ പാ​ഴാ​ക്കു​ക കൂ​ടി ചെ​യ്ത​തോ​ടെ ദു​ര​ന്തം പൂ​ർ​ണ​മാ​യി.

രാഷ്ട്രദീപിക വാര്‍ത്തകള്‍ ഫേസ്ബുക്കില്‍ പിന്തുടരാന്‍ ഞങ്ങളുടെ പേജ് ലൈക്ക് ചെയ്യൂ...

https://www.facebook.com/RashtraDeepika/

LATEST NEWS