ജ​ന്മ​നാ ഇ​രു​കൈ​ക​ളു​മി​ല്ല! പ​രി​മി​തി​ക​ളെ ആ​ത്മ​വി​ശ്വാ​സ​വും നി​ശ്ച​യ​ദാ​ർ​ഢ്യ​വും​ കൊ​ണ്ടു തോ​ൽ​പ്പി​ച്ചു; കാ​ലു​കൊ​ണ്ടു വളയംപിടിക്കാനൊരുങ്ങി ജി​ലു​മോ​ൾ

കൊ​ച്ചി: കാ​ർ ഓ​ടി​ക്കു​ക​യെ​ന്ന ത​ന്‍റെ സ്വ​പ്നം യാ​ഥാ​ർ​ഥ്യ​മാ​ക്കാ​നൊ​രു​ങ്ങു​ക​യാ​ണു ജ​ന്മ​നാ ഇ​രു​കൈ​ക​ളു​മി​ല്ലാ​ത്ത ജി​ലു​മോ​ൾ മ​രി​യ​റ്റ് തോ​മ​സ്. ത​ന്‍റെ പ​രി​മി​തി​ക​ളെ ആ​ത്മ​വി​ശ്വാ​സ​വും നി​ശ്ച​യ​ദാ​ർ​ഢ്യ​വും​ കൊ​ണ്ടു തോ​ൽ​പ്പി​ച്ചു മു​ന്നേ​റു​ന്ന ജി​ലു​മോ​ൾ ഡ്രൈ​വിം​ഗും ത​നി​ക്കാ​വു​മെ​ന്നു തെ​ളി​യി​ക്കാ​നു​ള്ള ഒ​രു​ക്ക​ത്തി​ലാ​ണ്. ഹൈ​ക്കോ​ട​തി​യു​ടെ അ​നു​മ​തി​യോ​ടെ​യാ​ണു ജി​ലു​മോ​ൾ വാ​ഹ​നം ഓ​ടി​ക്കാ​ൻ പ​ഠി​ക്കു​ന്ന​ത്.

തൊ​ടു​പു​ഴ ക​രി​മ​ണ്ണൂ​ർ നെ​ല്ലാ​നി​ക്കാ​ട്ട് തോ​മ​സി​ന്‍റെ ര​ണ്ടാ​മ​ത്തെ മ​ക​ളാ​ണ് ജി​ലു. ഏ​താ​നും വ​ർ​ഷം മു​ന്പു വാ​ഹ​നം ഓ​ടി​ക്ക​ണ​മെ​ന്ന ആ​ഗ്ര​ഹ​ത്തി​ൽ ലൈ​സ​ൻ​സ് ന​ൽ​കു​മോ​യെ​ന്ന് അ​റി​യാ​ൻ തൊ​ടു​പു​ഴ ആ​ർ​ടി​ഒ ഓ​ഫീ​സി​ലെ​ത്തി​യ ജി​ലു​മോ​ളെ ഉ​ദ്യോ​ഗ​സ്ഥ​ർ പി​ന്തി​രി​പ്പി​ച്ച് അ​യ​ച്ചി​രു​ന്നു. തു​ട​ർ​ന്നു കാ​ർ ഓ​ടി​ക്കാ​ൻ പ​ഠി​ക്കാ​നു​ള്ള അ​നു​വാ​ദ​ത്തി​നാ​യി ഹൈ​ക്കോ​ട​തി​യെ സ​മീ​പി​ച്ചു. ഹൈ​ക്കോ​ട​തി​യി​ൽ​നി​ന്ന് അ​നു​കൂ​ല ഉ​ത്ത​ര​വു​ണ്ടാ​യ​തി​നെ​ത്തു​ട​ർ​ന്നു ക​ഴി​ഞ്ഞ​മാ​സം വീ​ണ്ടും തൊ​ടു​പു​ഴ ആ​ർ​ടി​ഒ​യെ സ​മീ​പി​ച്ച് ലേ​ണേ​ഴ്സ് ടെ​സ്റ്റി​നു​ള്ള അ​പേ​ക്ഷ ന​ൽ​കി.

രൂ​പ​മാ​റ്റം വ​രു​ത്തി​യ കാ​റു​മാ​യി വ​രാ​ൻ ആ​ർ​ടി​ഒ നി​ർ​ദേ​ശി​ച്ച​തോ​ടെ ല​യ​ണ്‍​സ് ക്ല​ബ് ജി​ലു​മോ​ളു​ടെ സ്വ​പ്ന​സാ​ക്ഷാ​ത്കാ​ര​ത്തി​നാ​യി രം​ഗ​ത്തെ​ത്തി. ഹൈ​റേ​ഞ്ച് ല​യ​ണ്‍​സ് ട​ച്ച് ഓ​ഫ് ലൈ​ഫ് ആ​ൻ​ഡ് റീ​ജി​യ​ണ്‍ ഒ​രു പു​തി​യ മാ​രു​തി സെ​ലേ​റി​യോ കാ​ർ ജി​ലു​മോ​ൾ​ക്കു സ​മ്മാ​നി​ക്കാ​മെ​ന്ന് അ​റി​യി​ച്ചു. കാ​റി​ന്‍റെ താ​ക്കോ​ൽ​ദാ​നം ഇ​ന്നു രാ​വി​ലെ 11ന് ​ഇ​ട​പ്പ​ള്ളി​യി​ലെ സാ​യി സ​ർ​വീ​സി​ൽ ന​ട​ക്കും. കാ​ർ പി​ന്നീ​ടു രൂ​പ​മാ​റ്റം വ​രു​ത്തി ജി​ലു​മോ​ൾ​ക്ക് ഓ​ടി​ക്കാ​ൻ ക​ഴി​യു​ന്ന രീ​തി​യി​ലാ​ക്കും.

ഈ ​വാ​ഹ​ന​ത്തി​ൽ ഡ്രൈ​വിം​ഗ് പ​ഠി​ച്ച​ശേ​ഷം ലൈ​സ​ൻ​സ് ടെ​സ്റ്റി​ൽ പ​ങ്കെ​ടു​ക്കാ​നാ​ണു തീ​രു​മാ​നം. നി​ല​വി​ൽ ഹൈ​ക്കോ​ട​തി ഉ​ത്ത​ര​വി​ന്‍റെ അ​ടി​സ്ഥാ​ന​ത്തി​ൽ ഓ​ട്ടോ​മാ​റ്റി​ക് കാ​റി​ൽ ജി​ലു​മോ​ൾ പ​രി​ശീ​ല​നം ന​ട​ത്തു​ന്നു​ണ്ട്. ലൈ​സ​ൻ​സ് ക​ര​സ്ഥാ​ക്കി പൊ​തു​നി​ര​ത്തി​ലൂ​ടെ വാ​ഹ​നം ഓ​ടി​ക്കു​ന്പോ​ൾ ഇ​രു കൈ​ക​ളു​മി​ല്ലാ​തെ കാ​ലു​ക​ൾ​കൊ​ണ്ട് മാ​ത്രം വാ​ഹ​നം ഓ​ടി​ക്കു​ന്ന ലോ​ക​ത്തി​ലെ മൂ​ന്നാ​മ​ത്തെ വ​നി​ത​യും ഏ​ഷ്യ ഭൂ​ഖ​ണ്ഡ​ത്തി​ലെ ആ​ദ്യ വ​നി​ത​യു​മെ​ന്ന ഖ്യാ​തി ജി​ലു​മോ​ൾ​ക്ക് സ്വ​ന്ത​മാ​കും.

നാ​ലാം വ​യ​സി​ൽ അ​മ്മ​യു​ടെ മ​ര​ണ​ശേ​ഷം ച​ങ്ങ​നാ​ശേ​രി ചെ​ത്തി​പ്പു​ഴ​യി​ലെ മേ​ഴ്സി ഹോ​മി​ലാ​ണ് ജിലുമോൾ വ​ള​ർ​ന്ന​ത്. ചെ​റു​പ്രാ​യ​ത്തി​ൽ ത​ന്നെ ജി​ലു​മോ​ൾ കാ​ലു കൊ​ണ്ട് ചി​ത്ര​ങ്ങ​ൾ വ​ര​ക്കു​മാ​യി​രു​ന്നു. പ​ഠ​ന​കാ​ല​ത്ത് ത​ന്നെ കാ​ലു കൊ​ണ്ട് കം​പ്യൂ​ട്ട​റും പ​രി​ശീ​ലി​ച്ചു.

എ​സ്എ​സ്എ​ൽ​സി​ക്കും പ്ല​സ്ടു​വി​നും ഉ​യ​ർ​ന്ന മാ​ർ​ക്കു നേ​ടി​യ ജി​ലു​മോ​ൾ ച​ങ്ങ​നാ​ശേ​രി മീ​ഡി​യ വി​ല്ലേ​ജി​ൽ​നി​ന്ന് ബി​എ ആ​നി​മേ​ഷ​ൻ ആ​ൻ​ഡ് ഗ്രാ​ഫി​ക് ഡി​സൈ​ൻ കോ​ഴ്സ് പൂ​ർ​ത്തി​യാ​ക്കി. നി​ല​വി​ൽ എ​റ​ണാ​കു​ളം അ​ങ്ക​മാ​ലി അ​തി​രൂ​പ​ത​യു​ടെ കീ​ഴി​ൽ കൊ​ച്ചി​യി​ൽ പ്ര​വ​ർ​ത്തി​ക്കു​ന്ന വി​യാ​നി പ്രി​ന്‍റിം​ഗി​ൽ ഗ്രാ​ഫി​ക് ഡി​സൈ​ന​റാ​ണ് ജി​ലു​മോ​ൾ.