പ്രായപൂര്‍ത്തിയാകാത്ത കുട്ടികളുടെ അശ്ലീല ചിത്രങ്ങള്‍ കൈവശം വയ്ക്കുകയും വിതരണം ചെയ്യുകയും ചെയ്ത ജുവനൈല്‍ കോടതി ജഡ്ജിയെ കസ്റ്റഡിയില്‍ എടുത്തു.
അമേരിക്കയിലെ വിസ്‌കോണ്‍സിനിലാണ് സംഭവം. കുട്ടികളുടെ അശ്ലീല ചിത്രങ്ങള്‍ വിതരണം ചെയ്തതിന് രണ്ട് കേസുകള്‍ ചുമത്തിയിട്ടുണ്ട്.
മില്‍വാക്കി കൗണ്ടി സര്‍ക്യൂട്ട് ജഡ്ജി ബ്രെറ്റ് ബ്ലോം ആണ് കുറ്റക്കാരന്‍. ഇദ്ദേഹം ഇത്തരം കാര്യങ്ങളില്‍ സജീവമായി ഏര്‍പ്പെട്ടിരുന്നുവെന്നാണ് ഇപ്പോള്‍ വ്യക്തമാകുന്നത്.
ബുധനാഴ്ച കോടതിയില്‍ ഹാജരാക്കിയ ശേഷമാണ് ജുവനൈല്‍ കോടതി ജഡ്ജിയെ കസ്റ്റഡിയില്‍ എടുത്തത്. കഴിഞ്ഞ ഒക്ടോബര്‍, നവംബര്‍ മാസങ്ങളില്‍ 27 തവണ കിക്ക് മെസേജിംഗ് ആപ്പ് വഴി ജഡ്ജി കുട്ടികളുടെ അശ്ലീല ചിത്രങ്ങള്‍ അപ്ലോഡ് ചെയ്തതായാണ് കണ്ടെത്തിയിരിക്കുന്നത്.
ഇതില്‍ ദേശീയ അഭയകേന്ദ്രത്തില്‍ നിന്ന് കാണാതായതും ചൂഷണം ചെയ്യപ്പെട്ടതുമായ കുട്ടികള്‍ക്കായുള്ള സൂചന ലഭിച്ചതിനെ തുടര്‍ന്നാണ് ഫെബ്രുവരിയില്‍ ബ്ലോമിനെതിരായ അന്വേഷണം ആരംഭിച്ചതെന്ന് പോലീസ് പറയുന്നു.
അന്വേഷണം ആരംഭിച്ചതോടെ, മാര്‍ച്ചില്‍ സംസ്ഥാന സുപ്രീം കോടതി ശമ്പളമില്ലാതെ ബ്ലോമിനെ ജോലിയില്‍ നിന്ന് സസ്പെന്‍ഡ് ചെയ്തിരുന്നു.
2020 ഏപ്രിലില്‍ തിരഞ്ഞെടുക്കപ്പെട്ട ശേഷം ഓഗസ്റ്റ് മുതല്‍ ബെഞ്ചിലായിരുന്നു. എന്നാല്‍, ഈ ആരോപണങ്ങളില്‍ താന്‍ കുറ്റക്കാരനല്ലെന്നാണ് ബ്രെറ്റ് ബ്ലോമിന്റെ വാദം.
എന്നാല്‍ അന്വേഷണം തുടരുന്നതോടെ ഇത്തരം കുറ്റകൃത്യങ്ങളില്‍ ജഡ്ജിയുടെ പങ്ക് കൂടുതല്‍ വെളിവാകുമെന്നാണ് കരുതുന്നത്.
