മ​ന​സിലെ മു​റി​പ്പാ​ടു​ക​ള്‍​ക്ക് ഒ​രു വ​ര്‍​ഷം! ഓ​ര്‍​മ​ച്ചി​ത്ര​ങ്ങ​ള്‍ ഒ​ളി​മ​ങ്ങാ​തെ ക​ല്യോ​ട്ട് ഗ്രാ​മം

ശ്രീ​ജി​ത് കൃ​ഷ്ണ​ൻ

കാ​സ​ർ​ഗോ​ഡ്: ശ​ര​ത് ലാ​ലും കൃ​പേ​ഷും ക​ല്യോ​ട്ടി​ന്‍റെ നീ​റു​ന്ന ഓ​ര്‍​മ​ച്ചി​ത്ര​ങ്ങ​ളാ​യി മാ​റിയിട്ട് ഫെ​ബ്രു​വ​രി 17ന് ​ഒ​രു വ​ര്‍​ഷം തി​ക​യു​ന്നു. കേ​ര​ള​ത്തി​ന്‍റെ വ​ട​ക്കേ​യ​റ്റ​ത്ത് അ​തു​വ​രെ അ​ധി​ക​മൊ​ന്നും അ​റി​യ​പ്പെ​ടാ​തെ കി​ട​ന്നി​രു​ന്ന ക​ല്യോ​ട്ട് ഗ്രാ​മ​ത്തി​ല്‍ ആ​ര്‍​ക്കും​ത​ന്നെ ഒ​രു​പ​ക്ഷേ ഇ​ത്ര പെ​ട്ടെ​ന്ന് ഒ​രു വ​ര്‍​ഷം ക​ട​ന്നു​പോ​യെ​ന്നു വി​ശ്വ​സി​ക്കാ​നാ​വി​ല്ല.

ഈ ​നാ​ടി​ന്‍റെ ഓ​രോ സ്പ​ന്ദ​ന​ത്തി​ലും അ​ത്ര​മേ​ല്‍ നി​റ​ഞ്ഞു​നി​ല്ക്കു​ക​യാ​ണ് അ​വ​രി​പ്പോ​ഴും.​സ​ജീ​വ രാ​ഷ്ട്രീ​യ പ്ര​വ​ര്‍​ത്ത​ക​ര്‍ രാ​ഷ്ട്രീ​യ​സം​ഘ​ട്ട​ന​ങ്ങ​ളു​ടെ പേ​രി​ലോ പ്ര​തി​കാ​ര രാ​ഷ്ട്രീ​യ​ത്തിന്‍റെ ഇ​ര​ക​ളാ​യോ കൊ​ല​ചെ​യ്യ​പ്പെ​ടു​ന്ന​ത് കേ​ര​ള​ത്തി​ല്‍, പ്ര​ത്യേ​കി​ച്ചും വ​ട​ക്ക​ന്‍ കേ​ര​ള​ത്തി​ല്‍ പ​ല​വ​ട്ടം ആ​വ​ര്‍​ത്തി​ക്ക​പ്പെ​ട്ട ദു​ര​ന്ത​ങ്ങ​ളി​ലൊ​ന്നാ​ണ്.

അ​ങ്ങ​നെ അ​കാ​ല​ത്തി​ല്‍ പി​ട​ഞ്ഞു​വീ​ഴേ​ണ്ടി​വ​ന്ന ഓ​രോ​രു​ത്ത​രും അ​താ​ത് നാ​ടി​ന്‍റെ​യും കു​ടും​ബാം​ഗ​ങ്ങ​ളു​ടെ​യും സ​ഹ​പ്ര​വ​ര്‍​ത്ത​ക​രു​ടെ​യും മ​ന​സ്സി​ല്‍ തീ​രാ​ത്ത മു​റി​പ്പാ​ടു​ക​ളാ​യി അ​വ​ശേ​ഷി​ക്കു​ന്നു​മു​ണ്ട്.

പ​ക്ഷേ മു​ഴു​വ​ന്‍​സ​മ​യ രാ​ഷ്ട്രീ​യ​ക്കാ​രൊ​ന്നു​മാ​കാ​തെ ചെ​റു​പ്പ​ത്തി​ന്‍റെ പ്ര​സ​രി​പ്പോ​ടെ തി​ക​ച്ചും സാ​ധാ​ര​ണ​ക്കാ​രാ​യി ജീ​വി​ച്ച ര​ണ്ടു യു​വാ​ക്ക​ളു​ടെ ജീ​വ​ന്‍ ചെ​റി​യൊ​രു പ്രാ​ദേ​ശി​ക സം​ഘ​ര്‍​ഷ​ത്തി​ന്‍റെ പേ​രി​ല്‍ മാ​ത്രം ബ​ലി​കൊ​ടു​ക്കേ​ണ്ടി​വ​ന്ന​താ​ണ് ക​ല്യോ​ട്ടി​നെ വ്യ​ത്യ​സ്ത​മാ​ക്കു​ന്ന സാ​ഹ​ച​ര്യം.

ശ​ര​ത് ലാ​ലും കൃ​പേ​ഷും രാ​ഷ്ട്രീ​യ​പ്ര​വ​ര്‍​ത്ത​ന​ത്തി​ല്‍ മാ​ത്ര​മാ​യി​രു​ന്നി​ല്ല സ​ജീ​വ​മാ​യി​രു​ന്ന​ത്. വാ​ദ്യ​ക​ലാ​സം​ഘം എ​ന്നു പേ​രി​ട്ട ശി​ങ്കാ​രി​മേ​ളം ട്രൂ​പ്പ്, മി​മി​ക്‌​സ് കോ​മ​ഡി ഷോ, ​ക​മ്യൂ​ണി​ക്കേ​റ്റീ​വ് ഇം​ഗ്ലീ​ഷ് പ​രി​ശീ​ല​നം എ​ന്നി​ങ്ങ​നെ വേ​റി​ട്ട പ​ല മേ​ഖ​ല​ക​ളി​ലും അ​വ​ര്‍ പ്രാ​യ​ത്തി​ന്‍റെ ഊ​ര്‍​ജ​സ്വ​ല​ത​യോ​ടെ നി​റ​ഞ്ഞു​നി​ന്നി​രു​ന്നു.

മം​ഗ​ളൂ​രു​വി​ല്‍ ബി​ടെ​ക് പ​ഠ​നം ക​ഴി​ഞ്ഞ് തി​രി​ച്ചെ​ത്തി​യ ശേ​ഷ​മാ​ണ് സ്വ​ന്ത​ക്കാ​രും ബ​ന്ധു​ക്ക​ളും ജോ​ഷി എ​ന്നു വി​ളി​ക്കു​ന്ന ശ​ര​ത് ലാ​ല്‍ നാ​ട്ടി​ല്‍ എ​ല്ലാ കാ​ര്യ​ങ്ങ​ളി​ലും സ​ജീ​വ​മാ​കാ​ന്‍ തു​ട​ങ്ങി​യ​ത്.

രാ​ഷ്ട്രീ​യ സം​ഘ​ട്ട​ന​ങ്ങ​ള്‍ പു​തു​മ​യ​ല്ലാ​ത്ത നാ​ട്ടി​ല്‍ സ​ജീ​വ രാ​ഷ്ട്രീ​യ​പ്ര​വ​ര്‍​ത്ത​ന​ത്തി​നു പോ​കു​ന്ന​തി​ലെ അ​പ​ക​ട സാ​ധ്യ​ത​ക​ള്‍ വീ​ട്ടു​കാ​ര്‍ പ​റ​ഞ്ഞു മ​ന​സ്സി​ലാ​ക്കി​യി​രു​ന്ന​താ​ണ്. അ​തു​കൊ​ണ്ടു​ത​ന്നെ രാ​ഷ്ട്രീ​യ​ത്തേ​ക്കാ​ളേ​റെ സാം​സ്‌​കാ​രി​ക പ്ര​വ​ര്‍​ത്ത​ന​ങ്ങ​ളി​ലാ​ണ് ജോ​ഷി ശ്ര​ദ്ധ​വെ​ച്ചി​രു​ന്ന​ത്.

വാ​ദ്യ​ക​ലാ​സം​ഘ​വും കോ​മ​ഡി ഷോ​യു​മൊ​ക്കെ ശ​ര​ത്തി​ന്റെ പ്ര​തി​ഭ തെ​ളി​യി​ക്കു​ന്ന മേ​ഖ​ല​ക​ളാ​യി. ഇ​തോ​ടൊ​പ്പ​മാ​ണ് താ​ന്‍ പ​ഠി​ച്ചു​വ​ള​ര്‍​ന്ന ക​ല്യോ​ട്ട് ഗ​വ. ഹ​യ​ര്‍ സെ​ക്ക​ന്‍​ഡ​റി സ്‌​കൂ​ളി​ലെ സാ​ധാ​ര​ണ​ക്കാ​രാ​യ കു​ട്ടി​ക​ള്‍​ക്കു​വേ​ണ്ടി ക​മ്മ്യൂ​ണി​ക്കേ​റ്റീ​വ് ഇം​ഗ്ലീ​ഷ് പ​രി​ശീ​ല​ന ക്ലാ​സു​ക​ള്‍ തു​ട​ങ്ങി​യ​ത്.

പി ​എ​സ് സി ​പ​രീ​ശീ​ല​ന ക്ലാ​സു​ക​ള്‍ സം​ഘ​ടി​പ്പി​ക്കാ​നും ഉ​ദ്ദേ​ശി​ച്ചി​രു​ന്നു. നാ​ട്ടി​ലെ ഉ​ത്സ​വ​ങ്ങ​ളും വി​വാ​ഹ​ച്ച​ട​ങ്ങു​ക​ളു​മു​ള്‍​പ്പെ​ടെ ചെ​റു​തും വ​ലു​തു​മാ​യ എ​ല്ലാ പ​രി​പാ​ടി​ക​ളു​ടെ​യും അ​ണി​യ​റ​യി​ല്‍ ജോ​ഷി​യും കൂ​ട്ടു​കാ​രും സ​ജീ​വ​മാ​യി​രു​ന്നു.

കൈ​വ​ച്ച മേ​ഖ​ല​ക​ളി​ലെ​ല്ലാം തി​ക​ഞ്ഞ നേ​തൃ​പാ​ട​വം പ്ര​ക​ടി​പ്പി​ക്കാ​നും ജോ​ഷി​ക്കു ക​ഴി​ഞ്ഞി​രു​ന്നു. അ​തി​നൊ​പ്പം ഒ​പ്പ​ന​യി​ല്‍ പെ​ണ്‍​വേ​ഷം കെ​ട്ടി മ​ണ​വാ​ട്ടി​യാ​യി രം​ഗ​ത്തെ​ത്തി​യ​തു​പോ​ലു​ള്ള ന​മ്പ​റു​ക​ളി​ലൂ​ടെ നാ​ട്ടു​കാ​രെ ചി​രി​പ്പി​ക്കാ​നും കൈ​യ​ടി നേ​ടാ​നും ക​ഴി​ഞ്ഞു.

പ്രാ​യ​മാ​യ ര​ണ്ട് സ്ത്രീ​ക​ള്‍ ത​മ്മി​ല്‍ നാ​ട്ടി​ലെ ഓ​രോ വി​ശേ​ഷ​ങ്ങ​ളും പ​ര​ദൂ​ഷ​ണ​ങ്ങ​ളും ര​സ​ക​ര​മാ​യി പ​ങ്കു​വ​യ്ക്കു​ന്ന രീ​തി​യി​ല്‍ ആ​വി​ഷ്‌​ക​രി​ച്ച ക​വ​ര എ​ന്ന പ​രി​പാ​ടി ശ​ര​ത്തി​ന്റെ​യും കൂ​ട്ടു​കാ​രു​ടെ​യും കോ​മ​ഡി ഷോ​യി​ലെ ഹൈ​ലൈ​റ്റു​ക​ളി​ലൊ​ന്നാ​യി​രു​ന്നു.

ഇ​തി​ല്‍ ഒ​രു സ്ത്രീ​യു​ടെ വേ​ഷം ശ​ര​ത്തും മ​റ്റേ സ്ത്രീ​യു​ടേ​ത് കൂ​ട്ടു​കാ​ര​നാ​യ ശ്രീ​കാ​ന്തു​മാ​ണ് ചെ​യ്തി​രു​ന്ന​ത്. സ്വ​കാ​ര്യ ചാ​ന​ലി​ല്‍ ന​ട​ന്‍ സു​രാ​ജ് വെ​ഞ്ഞാ​റ​മൂ​ട് അ​വ​ത​രി​പ്പി​ച്ചി​രു​ന്ന കോ​മ​ഡി പ​രി​പാ​ടി​യി​ല്‍ പ​ങ്കെ​ടു​ക്കാ​ന്‍ അ​പേ​ക്ഷ ന​ല്കി കാ​ത്തി​രി​ക്കു​മ്പോ​ഴാ​ണ് രാ​ഷ്ട്രീ​യ​വൈ​രി​ക​ളു​ടെ കൊ​ല​ക്ക​ത്തി​ക്ക് ഇ​ര​യാ​കേ​ണ്ടി​വ​ന്ന​ത്.

ജോ​ഷി​ക്കും കൂ​ട്ടു​കാ​ര്‍​ക്കു​മൊ​പ്പം എ​ല്ലാ പ​രി​പാ​ടി​ക​ളി​ലും പ​ങ്കെ​ടു​ക്കാ​നെ​ത്തു​ന്ന സ്‌​കൂ​ള്‍ വി​ദ്യാ​ര്‍​ഥി​ക​ള​ട​ക്ക​മു​ള്ള പു​തു​ത​ല​മു​റ​ക്കാ​ര്‍ സി​പി​എ​മ്മി​ന്‍റെ പോ​ഷ​ക​സം​ഘ​ട​ന​ക​ളാ​യ ബാ​ല​സം​ഘ​ത്തി​ല്‍ നി​ന്നും എ​സ്എ​ഫ്‌​ഐ​യി​ല്‍ നി​ന്നും അ​ക​ലു​ന്ന​ത് പ്രാ​ദേ​ശി​ക പാ​ര്‍​ട്ടി നേ​തൃ​ത്വ​ത്തെ പ്ര​കോ​പി​പ്പി​ച്ച കാ​ര​ണ​ങ്ങ​ളി​ലൊ​ന്നാ​യി​രു​ന്നു.

വ​ട​ക്ക​ന്‍ കേ​ര​ള​ത്തി​ല്‍ മി​ക്ക​യി​ട​ങ്ങ​ളി​ലും സം​ഭ​വി​ക്കു​ന്ന​തു​പോ​ലെ സാം​സ്‌​കാ​രി​ക പ്ര​വ​ര്‍​ത്ത​ന​ങ്ങ​ളും ഉ​ത്സ​വ​പ​രി​പാ​ടി​ക​ളു​മെ​ല്ലാം പാ​ര്‍​ട്ടി പോ​ഷ​ക​സം​ഘ​ട​ന​ക​ളു​ടെ ബാ​ന​റി​ല്‍ മാ​ത്ര​മേ ന​ട​ക്കാ​വൂ എ​ന്ന നി​ര്‍​ബ​ന്ധ​ബു​ദ്ധി ഇ​വി​ടെ​യും പ​ല​ര്‍​ക്കു​മു​ണ്ടാ​യി​രു​ന്നു.

ക​ല്യോ​ട്ട് ജം​ഗ്ഷ​നു സ​മീ​പ​ത്തെ കൊ​ച്ചു​മു​റി​യി​ല്‍ പ്ര​വ​ര്‍​ത്തി​ക്കു​ന്ന വാ​ദ്യ​ക​ലാ​സം​ഘ​ത്തി​ന്‍റെ ഓ​ഫീ​സ് പ​ല​വ​ട്ടം അ​ടി​ച്ചു​ത​ക​ര്‍​ത്ത​ത് ഈ ​അ​സ​ഹി​ഷ്ണു​ത​യു​ടെ പ്ര​തി​ഫ​ല​ന​മാ​യി​രു​ന്നു. ബാ​ല​സം​ഘ​ത്തി​നു ബ​ദ​ലാ​യി പ്ര​ദേ​ശ​ത്ത് ജ​വ​ഹ​ര്‍ ബാ​ല​ജ​ന​വേ​ദി​യു​ടെ പ്ര​വ​ര്‍​ത്ത​നം സ​ജീ​വ​മാ​യ​തും പാ​ര്‍​ട്ടി കു​ടും​ബ​ങ്ങ​ളി​ല്‍ നി​ന്നു​ള്‍​പ്പെ​ടെ​യു​ള്ള കു​ട്ടി​ക​ള്‍ അ​തി​ന്റെ പ്ര​വ​ര്‍​ത്ത​ന​ങ്ങ​ളി​ല്‍ പ​ങ്കെ​ടു​ത്ത​തും നേ​താ​ക്ക​ളെ പ്ര​കോ​പി​പ്പി​ച്ചി​രു​ന്നു.

ശ​ര​ത്തി​ല്‍ നി​ന്ന് വ്യ​ത്യ​സ്ത​മാ​യി സി​പി​എം പാ​ര​മ്പ​ര്യ​മു​ള്ള കു​ടും​ബ​ത്തി​ല്‍ നി​ന്നു വ​രു​ന്ന കൃ​പേ​ഷ് എ​സ്എ​ഫ്‌​ഐ കോ​ട്ട​യാ​യ പെ​രി​യ ഗ​വ. പോ​ളി​ടെ​ക്‌​നി​ക്കി​ല്‍ കെ ​എ​സ് യു​വു​മാ​യി ബ​ന്ധ​പ്പെ​ട്ട് പ്ര​വ​ര്‍​ത്തി​ച്ച​തോ​ടെ​യാ​ണ് പാ​ര്‍​ട്ടി​യു​ടെ ക​ണ്ണി​ലെ ക​ര​ടാ​യ​ത്.

കൃ​പേ​ഷി​ന്‍റെ അ​ച്ഛ​ന്‍ കൃ​ഷ്ണ​ന്‍ അ​ന്ന് സ​ജീ​വ സി​പി​എം പ്ര​വ​ര്‍​ത്ത​ക​നാ​യി​രു​ന്നു. എ​ന്നാ​ല്‍ മ​ക​ന്റെ താ​ല്‍​പ​ര്യ​ങ്ങ​ളെ എ​തി​ര്‍​ത്തി​രു​ന്നി​ല്ല. എ​സ്എ​ഫ്‌​ഐ നേ​താ​ക്ക​ളി​ല്‍ നി​ന്ന് പ​ല​വ​ട്ടം ഭീ​ഷ​ണി​യും മ​ര്‍​ദ്ദ​ന​വും ഒ​ടു​വി​ല്‍ അ​ധ്യാ​പ​ക​രി​ല്‍ നി​ന്നു​പോ​ലു​മു​ള്ള ഒ​റ്റ​പ്പെ​ടു​ത്ത​ലും കൊ​ണ്ട് കൃ​പേ​ഷ് പ​ഠ​നം പാ​തി​വ​ഴി​യി​ല്‍ നി​ര്‍​ത്താ​ന്‍ നി​ര്‍​ബ​ന്ധി​ത​നാ​യി.

അ​ച്ഛ​നൊ​പ്പം പെ​യി​ന്റിം​ഗ് ജോ​ലി​ക്ക് പോ​കാ​നി​റ​ങ്ങി​യ​ത് അ​ങ്ങ​നെ​യാ​ണ്. ശ​ര​ത് ലാ​ലി​നൊ​പ്പം വാ​ദ്യ​ക​ലാ​സം​ഘ​ത്തി​ല്‍ സ​ജീ​വ​മാ​കു​ന്ന​തും അ​തി​നി​ട​യി​ലാ​ണ്.

വാ​ട​ക​യ്‌​ക്കെ​ടു​ത്ത ചെ​ണ്ട​യും ചു​രു​ങ്ങി​യ സം​വി​ധാ​ന​ങ്ങ​ളും ഉ​പ​യോ​ഗി​ച്ച് ജി​ല്ല​യ്ക്കും സം​സ്ഥാ​ന​ത്തി​നും പു​റ​ത്തു​പോ​ലും ശി​ങ്കാ​രി​മേ​ളം അ​വ​ത​രി​പ്പി​ക്കാ​ന്‍ വാ​ദ്യ​ക​ലാ​സം​ഘ​ത്തി​ന് ക​ഴി​ഞ്ഞി​രു​ന്നു. കൂ​ടു​ത​ല്‍ യു​വാ​ക്ക​ള്‍ ഇ​വ​ര്‍​ക്കൊ​പ്പം ചേ​രു​ന്ന​തും സി​പി​എം നേ​തൃ​ത്വം ശ്ര​ദ്ധി​ച്ചി​രു​ന്നു.

തൊ​ട്ടു​പി​ന്നാ​ലെ​യാ​ണ് സി​പി​എം നി​യ​ന്ത്ര​ണ​ത്തി​ലു​ള്ള മു​ന്നാ​ട് പീ​പ്പി​ള്‍​സ് കോ​ള​ജി​ല്‍ കെ​എ​സ് യു​വി​ന് പ്ര​വ​ര്‍​ത്ത​ന​സ്വാ​ത​ന്ത്ര്യം അ​നു​വ​ദി​ക്കാ​ത്ത​തി​ന്‍റെ പേ​രി​ല്‍ ശ​ര​ത് ഉ​ള്‍​പ്പെ​ടെ​യു​ള്ള യൂ​ത്ത് കോ​ണ്‍​ഗ്ര​സ് പ്ര​വ​ര്‍​ത്ത​ക​ര്‍ ക​ല്യോ​ട്ടു​വ​ച്ച് കോ​ള​ജ് ബ​സ് ത​ട​ഞ്ഞ​ത്.

ശ​ബ​രി​മ​ല വി​വാ​ദ​ത്തി​ന്റെ പേ​രി​ല്‍ പ്ര​ക​ട​നം ന​ട​ത്തി​യ കെ ​എ​സ് യു ​പ്ര​വ​ര്‍​ത്ത​ക​ര്‍​ക്കെ​തി​രെ കോ​ള​ജ് അ​ധി​കൃ​ത​ര്‍ ന​ട​പ​ടി​യെ​ടു​ത്തി​രു​ന്നു. ബ​സ് ത​ട​ഞ്ഞ യൂ​ത്ത് കോ​ണ്‍​ഗ്ര​സ് പ്ര​വ​ര്‍​ത്ത​ക​രും വി​വ​ര​മ​റി​ഞ്ഞെ​ത്തി​യ സി​പി​എം നേ​താ​ക്ക​ളും ത​മ്മി​ല്‍ വാ​ക്കേ​റ്റ​മാ​യി.

സി​പി​എം ലോ​ക്ക​ല്‍ ക​മ്മി​റ്റി അം​ഗം പീ​താം​ബ​ര​നും ശ​ര​ത്തും ത​മ്മി​ല്‍ കൈ​യാ​ങ്ക​ളി​യു​ണ്ടാ​യ​തും അ​തി​നി​ട​യി​ല്‍ പീ​താം​ബ​ര​ന്‍ വീ​ണ് കൈ​യൊ​ടി​യു​ന്ന​തും ഇ​വി​ടെ​വ​ച്ചാ​ണ്. ഇ​തി​ന്‍റെ പേ​രി​ലാ​ണ് ശ​ര​ത് അ​ട​ക്ക​മു​ള്ള യൂ​ത്ത് കോ​ണ്‍​ഗ്ര​സ് പ്ര​വ​ര്‍​ത്ത​ക​രു​ടെ പേ​രി​ല്‍ വ​ധ​ശ്ര​മ​ക്കു​റ്റ​ത്തി​ന് കേ​സെ​ടു​ത്ത് അ​റ​സ്റ്റ് ചെ​യ്ത​ത്.

ജീ​വി​ത​ത്തി​ലാ​ദ്യ​മാ​യും അ​വ​സാ​ന​മാ​യും ശ​ര​ത്തി​ന് ഒ​രു കു​റ്റ​കൃ​ത്യ​ത്തി​ന്‍റെ പേ​രി​ല്‍ ജ​യി​ലി​ല്‍ പോ​കേ​ണ്ടി​വ​ന്ന​ത് അ​ങ്ങ​നെ​യാ​ണെ​ന്ന് കൂ​ട്ടു​കാ​ര്‍ പ​റ​യു​ന്നു. സം​ഭ​വ​സ്ഥ​ല​ത്തി​ല്ലാ​തി​രു​ന്ന കൃ​പേ​ഷ് ഈ ​കേ​സി​ല്‍ ഉ​ള്‍​പ്പെ​ട്ടി​രു​ന്നി​ല്ല.

വാ​ദ്യ​ക​ലാ​സം​ഘ​ത്തി​ന്‍റെ​യും ജ​വ​ഹ​ര്‍ ബാ​ല​ജ​ന​വേ​ദി​യു​ടെ​യും പ്ര​വ​ര്‍​ത്ത​ന​ങ്ങ​ള്‍ സം​ഘ​ടി​പ്പി​ച്ച​തി​ന്‍റെ പേ​രി​ല്‍ ഭീ​ഷ​ണി​യും ആ​ക്ര​മ​ണ​ങ്ങ​ളു​മു​ണ്ടാ​യ​തോ​ടെ ത​ന്നെ ശ​ര​ത്തി​നെ നാ​ട്ടി​ല്‍ നി​ന്ന് മാ​റ്റി​നി​ര്‍​ത്താ​ന്‍ കു​ടും​ബാം​ഗ​ങ്ങ​ള്‍ തീ​രു​മാ​നി​ച്ചി​രു​ന്ന​താ​ണെ​ന്ന് അ​ച്ഛ​ന്‍ പി.​കെ. സ​ത്യ​നാ​രാ​യ​ണ​ന്‍ പ​റ​യു​ന്നു.

മു​ഴു​വ​ന്‍ സ​മ​യ രാ​ഷ്ട്രീ​യ പ്ര​വ​ര്‍​ത്ത​ന​ത്തി​ലും അ​ക്ര​മ​ങ്ങ​ളി​ലും പെ​ട്ടു​പോ​കാ​തി​രി​ക്കാ​ന്‍ ശ​ര​ത് പ​ര​മാ​വ​ധി ശ്ര​ദ്ധി​ച്ചി​രു​ന്നു. പീ​താം​ബ​ര​നു​മാ​യി ന​ട​ന്ന പ്ര​ശ്‌​ന​ത്തോ​ടെ​യാ​ണ് അ​ത് കൈ​വി​ട്ടു​പോ​യ​ത്. വ​ധ​ശ്ര​മ​ക്കേ​സ് ഒ​ഴി​വാ​ക്കി ശ​ര​ത്തി​നെ വി​ദേ​ശ​ത്ത് ജോ​ലി​ക്കു പോ​കാ​ന്‍ അ​നു​വ​ദി​ക്ക​ണ​മെ​ന്ന് ബ​ന്ധ​പ്പെ​ട്ട പ​ല​രും സി​പി​എം നേ​താ​ക്ക​ളോ​ട് അ​പേ​ക്ഷി​ച്ചി​രു​ന്നു.

ഇ​തി​നാ​യി പാ​ര്‍​ട്ടി ആ​വ​ശ്യ​പ്പെ​ടു​ന്ന പ​ണം ന​ല്കാ​നും താ​ന്‍ സ​ന്ന​ദ്ധ​നാ​യി​രു​ന്നു. ശ​ര​ത്തി​നും ഇ​ക്കാ​ര്യം സ​മ്മ​ത​മാ​യി​രു​ന്നു. പ​ക്ഷേ സി​പി​എം നേ​താ​ക്ക​ളി​ല്‍ നി​ന്ന് മ​റു​പ​ടി​യൊ​ന്നും ല​ഭി​ച്ചി​ല്ല. ഒ​രു​പ​ക്ഷേ പാ​ര്‍​ട്ടി കോ​ട​തി​യു​ടെ തീ​രു​മാ​നം മ​റ്റൊ​ന്നാ​യി​രി​ക്ക​ണം.

ര​ണ്ടാ​ഴ്ച​യ്ക്കു ശേ​ഷം കേ​സി​ല്‍ ജാ​മ്യം ല​ഭി​ച്ചി​റ​ങ്ങി ദി​വ​സ​ങ്ങ​ള്‍​ക്കു​ള്ളി​ലാ​ണ് ശ​ര​ത്തും ഒ​പ്പ​മു​ണ്ടാ​യി​രു​ന്ന കൃ​പേ​ഷും കൊ​ല​ചെ​യ്യ​പ്പെ​ട്ട​ത്. ശ​ര​ത്തി​നൊ​പ്പം കൃ​പേ​ഷും പാ​സ്‌​പോ​ര്‍​ട്ട് അ​ട​ക്ക​മു​ള്ള രേ​ഖ​ക​ള്‍ സ​മ്പാ​ദി​ച്ച് വി​ദേ​ശ​ത്ത് ജോ​ലി​ക്കു പോ​കു​ന്ന​തി​നു​ള്ള മു​ന്നൊ​രു​ക്ക​ങ്ങ​ള്‍ പൂ​ര്‍​ത്തി​യാ​ക്കി​യ​താ​യി​രു​ന്നു.

ഇ​ക്ക​ഴി​ഞ്ഞ ഡി​സം​ബ​റി​ല്‍ ക​ല്യോ​ട്ട് ഭ​ഗ​വ​തി ക്ഷേ​ത്ര​ത്തി​ലെ പെ​രു​ങ്ക​ളി​യാ​ട്ടം ക​ഴി​യു​ന്ന​തു​വ​രെ നാ​ട്ടി​ല്‍ നി​ല്ക്കാ​നാ​യി​രു​ന്നു ഇ​രു​വ​രു​ടെ​യും ആ​ഗ്ര​ഹം. അ​തി​നു​മു​മ്പ് വി​ദേ​ശ​ത്ത് ജോ​ലി​ക്കു ചേ​ര്‍​ന്നാ​ല്‍ കാ​ല​ങ്ങ​ള്‍​ക്കു ശേ​ഷം നാ​ട്ടി​ല്‍ വ​ലി​യൊ​രു ഉ​ത്സ​വം ന​ട​ക്കു​മ്പോ​ള്‍ അ​തു കാ​ണാ​ന്‍ ത​ങ്ങ​ള്‍ നാ​ട്ടി​ലി​ല്ലാ​തെ പോ​യാ​ലോ എ​ന്നാ​യി​രു​ന്നു ര​ണ്ടു​പേ​രു​ടെ​യും വി​ഷ​മം.

ക​ഴി​ഞ്ഞ ഫെ​ബ്രു​വ​രി 17 ന് ​പെ​രു​ങ്ക​ളി​യാ​ട്ട​ത്തി​ന്റെ സ്വാ​ഗ​ത​സം​ഘം രൂ​പീ​ക​ര​ണ​യോ​ഗ​ത്തി​ല്‍ ഇ​രു​വ​രും വോ​ള​ണ്ടി​യ​ര്‍​മാ​രാ​യി പ​ങ്കെ​ടു​ത്തി​രു​ന്നു. അ​ന്നു രാ​ത്രി വീ​ട്ടി​ലേ​ക്കു മ​ട​ങ്ങു​ന്ന വ​ഴി​യാ​ണ് രാ​ഷ്ട്രീ​യ അ​ക്ര​മ​ത്തി​ന് ഇ​ര​ക​ളാ​യ​ത്.

ശ​ര​ത് ലാ​ലും കൃ​പേ​ഷും ആ​റ്റു​നോ​റ്റു കാ​ത്തി​രു​ന്ന ഉ​ത്സ​വം ഡി​സം​ബ​ര്‍ അ​വ​സാ​ന​വാ​ര​ത്തി​ല്‍ അ​വ​രു​ടെ ഭൗ​തി​ക സാ​ന്നി​ധ്യ​മി​ല്ലാ​തെ ത​ന്നെ ക​ട​ന്നു​പോ​യി. പ​ക്ഷേ മ​റ്റു ജി​ല്ല​ക​ളി​ല്‍ നി​ന്നു​പോ​ലും ഉ​ത്സ​വം കാ​ണാ​നെ​ത്തി​യ എ​ല്ലാ​വ​രു​ടെ​യും മ​ന​സ്സി​ല്‍ ക​ല്യോ​ട്ടെ​ന്നു കേ​ള്‍​ക്കു​മ്പോ​ള്‍ ത​ന്നെ ആ​ദ്യം ക​ട​ന്നു​വ​ന്ന​ത് അ​വ​രു​ടെ മു​ഖ​മാ​യി​രു​ന്നു.

അ​തി​ന്റെ തെ​ളി​വാ​യി​രു​ന്നു പ്രാ​യ​മാ​യ​വ​രും സ്ത്രീ​ക​ളും കു​ട്ടി​ക​ളു​മു​ള്‍​പ്പെ​ടെ ഉ​ത്സ​വ​ത്തി​നെ​ത്തി​യ ല​ക്ഷ​ക്ക​ണ​ക്കാ​യ ജ​ന​സ​ഞ്ച​യ​മ​ത്ര​യും അ​വ​രു​ടെ സ്മൃ​തി​മ​ണ്ഡ​പ​ത്തി​ലും വ​ലം​വ​യ്ക്കാ​നെ​ത്തി​യ​ത്. ആ ​ജ​ന​ക്കൂ​ട്ട​ത്തി​ല്‍ രാ​ഷ്ട്രീ​യ​ഭേ​ദ​മു​ണ്ടാ​യി​രു​ന്നി​ല്ല.

ശ​ര​ത്‌​ലാ​ലി​ന്റെ​യും കൃ​പേ​ഷി​ന്റെ​യും ചി​താ​ഭ​സ്മ ഘോ​ഷ​യാ​ത്ര തു​ട​ങ്ങി​യ​പ്പോ​ള്‍ തൊ​ട്ട​ടു​ത്ത ക​ല്യോ​ട്ട് സ്‌​കൂ​ളി​ലെ ക്ലാ​സ്മു​റി​ക​ളു​ടെ ജ​ന​ലു​ക​ള്‍ പി​ടി​ച്ചു​നി​ന്ന് വി​തു​മ്പി​യ കു​ഞ്ഞു​ങ്ങ​ള്‍​ക്കും രാ​ഷ്ട്രീ​യ​മെ​ന്തെ​ന്ന് അ​റി​യു​മാ​യി​രു​ന്നി​ല്ല.

താ​ര​ത​മ്യേ​ന ചെ​റി​യൊ​രു പ്രാ​ദേ​ശി​ക സം​ഘ​ര്‍​ഷ​ത്തെ ര​ണ്ടു വ​ലി​യ രാ​ഷ്ട്രീ​യ കൊ​ല​പാ​ത​ക​ങ്ങ​ളി​ലെ​ത്തി​ച്ച​തി​ന്റെ പേ​രി​ല്‍ എ​ന്തു​നേ​ടി​യെ​ന്ന ചോ​ദ്യം സി​പി​എം നേ​തൃ​ത്വ​ത്തി​നു മു​ന്നി​ലു​മു​ണ്ട്.

ശ​ക്ത​മാ​യ എ​തി​ര്‍ ത​രം​ഗ​ങ്ങ​ളു​ണ്ടാ​യ​പ്പോ​ള്‍ പോ​ലും ഉ​ല​യാ​തെ നി​ന്നി​രു​ന്ന കാ​സ​ര്‍​ഗോ​ഡ് ലോ​ക്‌​സ​ഭാ സീ​റ്റ​ട​ക്കം കൈ​വി​ട്ടു​പോ​യ​ത് ഇ​തി​ന്റെ ബാ​ക്കി​പ​ത്ര​മാ​ണെ​ന്ന വി​ല​യി​രു​ത്ത​ലി​നാ​ണ് മു​ന്‍​തൂ​ക്കം.

ഉ​ദു​മ മേ​ഖ​ല​യി​ലും സ​മീ​പ​പ്ര​ദേ​ശ​ങ്ങ​ളി​ലും പാ​ര്‍​ട്ടി​ക്കു സം​ഭ​വി​ച്ച ക്ഷീ​ണം വ​രു​ന്ന ത​ദ്ദേ​ശ​തെ​ര​ഞ്ഞെ​ടു​പ്പി​ലും നി​യ​മ​സ​ഭ തെ​ര​ഞ്ഞെ​ടു​പ്പി​ലും പ്ര​തി​ഫ​ലി​ക്കാ​നു​ള്ള സാ​ധ്യ​ത​യും നി​ല​നി​ല്ക്കു​ന്നു. തൊ​ട്ടു​മു​മ്പു ന​ട​ന്ന ക​ണ്ണൂ​രി​ലെ ഷു​ഹൈ​ബ് വ​ധ​ത്തി​ലെ​ന്ന​പോ​ലെ സം​സ്ഥാ​ന​ത​ല​ത്തി​ല്‍ ത​ന്നെ പാ​ര്‍​ട്ടി പ്ര​തി​രോ​ധ​ത്തി​ലാ​യ​ത് അ​തി​നു പു​റ​മേ​യും.

ഒ​രു വ​ര്‍​ഷ​ത്തി​നി​പ്പു​റം ശ​ര​ത്തി​ന്റെ അ​ച്ഛ​ന്‍ സ​ത്യ​നാ​രാ​യ​ണ​ന്‍ മ​ക​നു മു​മ്പേ തു​ട​ങ്ങി​യ സാ​മൂ​ഹ്യ​പ്ര​വ​ര്‍​ത്ത​ന​ങ്ങ​ളു​ടെ തി​ര​ക്കി​ല്‍ ദു​ര​ന്ത​സ്മൃ​തി​ക​ളി​ല്‍ നി​ന്ന് അ​ക​ന്നു​നി​ല്ക്കാ​ന്‍ ശ്ര​മി​ക്കു​ക​യാ​ണ്.

ഇ​ട​യ്‌​ക്കൊ​ക്കെ മ​ന​സ്സ് ത​ള​രു​മ്പോ​ള്‍ സ്മൃ​തി​മ​ണ്ഡ​പ​ത്തി​ലെ​ത്തി ഓ​ര്‍​മ​ക​ള്‍​ക്ക് കൂ​ട്ടാ​യി​രി​ക്കും. കൃ​പേ​ഷി​ന്റെ അ​ച്ഛ​ന്‍ കൃ​ഷ്ണ​നും പൊ​തു​പ​രി​പാ​ടി​ക​ളി​ല്‍ കൂ​ട്ടാ​യെ​ത്തു​ന്നു​ണ്ട്.

ശ​ര​ത്തി​ന്റെ സ​ഹോ​ദ​രി അ​മൃ​ത സി​വി​ല്‍ സ​ര്‍​വീ​സ് പ​രി​ശീ​ല​ന​വു​മാ​യി തി​രു​വ​ന​ന്ത​പു​ര​ത്തും കൃ​പേ​ഷി​ന്റെ ഇ​ള​യ സ​ഹോ​ദ​രി കൃ​ഷ്ണ​പ്രി​യ ബി​രു​ദ​പ​ഠ​ന​ത്തി​നാ​യി കോ​ഴി​ക്കോ​ട് ദേ​വ​ഗി​രി സെ​ന്റ് ജോ​സ​ഫ്‌​സ് കോ​ള​ജി​ലു​മാ​ണ്.

കൃ​പേ​ഷി​ന്റെ കു​ടും​ബ​ത്തി​നാ​യി ഹൈ​ബി ഈ​ഡ​ന്‍ എം​പി​യു​ടെ നേ​തൃ​ത്വ​ത്തി​ല്‍ നി​ര്‍​മി​ച്ചു ന​ല്കി​യ കി​ച്ചൂ​സ് എ​ന്ന വീ​ട്ടി​ല്‍ അ​മ്മ​യ്ക്കു കൂ​ട്ടാ​യി ചേ​ച്ചി കൃ​പ​യും കൃ​പേ​ഷി​ന് കാ​ണാ​ന്‍ ഭാ​ഗ്യ​മി​ല്ലാ​തെ പോ​യ ചേ​ച്ചി​യു​ടെ കു​ഞ്ഞു​വാ​വ​യു​മു​ണ്ട്.

Related posts

Leave a Comment