തിരുവനന്തപുരം: കേരളത്തിൽ ഇത്തവണയും ക്രിസ്തുമസ് തലേന്ന് റെക്കോർഡ് മദ്യവിൽപ്പന. 70.73 കോടിയുടെ മദ്യവിൽപ്പനയാണ് ക്രിസ്മസ് തലേന്ന് സംസ്ഥാനത്ത് നടന്നത്. കഴിഞ്ഞ വർഷം 69.55 കോടിയുടെ മദ്യമാണ് വിറ്റത്.
ചാലക്കുടി ഔട്ട് ലെറ്റിലാണ് ഏറ്റവും കൂടുതൽ മദ്യവിൽപ്പന നടന്നത്. 6385290 രൂപയുടെ മദ്യമാണ് ചാലക്കുടിയിൽ ക്രിസ്മസ് തലേന്ന് വിറ്റത്.
ചങ്ങനാശേരിയിൽ 6287120 രൂപയുടെയും, ഇരിഞ്ഞാലക്കുടയിൽ 6231140 രൂപയുടെയും പവർഹൗസിൽ 6008130 രൂപയുടെയും നോർത്ത്‌ പറവൂരിൽ 5199570 രൂപയുടെയും മദ്യവിൽപ്പന നടന്നു.
154.77 കോടി രൂപയുടെ മദ്യമാണ് ബെവ്കോ ഔട്ട്‌ലെറ്റ് വഴി മൂന്ന് ദിവസം കൊണ്ട് വിറ്റത്. 84.04 കോടി രൂപയുടെ മദ്യ വിൽപ്പന ഡിസംബർ 22 , 23 തീയതികളിൽ ഉണ്ടായി. എന്നാൽ 75.41 കോടി രൂപയുടെ മദ്യമാണ് 2022 ഡിസംബർ 22, 23 തീയതികളിൽ വിറ്റത്.
