കൊച്ചി: സംസ്ഥാനത്ത് ഇന്ധനവില ഇന്നും വർധിച്ചു. പെട്രോളിനു 20 പൈസയുടെയും ഡീസലിനു 19 പൈസയുടെയും വർധനവാണ് രേഖപ്പെടുത്തിയിട്ടുള്ളത്. ഇതോടെ കഴിഞ്ഞ ഒന്പതു ദിവസത്തിനിടെമാത്രം പെട്രോളിനു 1.46 രൂപയുടെയും ഡീസലിന് ലിറ്ററിന് 1.31 രൂപയുമാണു വർധിച്ചത്. ആഗോള വിപണിയിൽ അസംസ്കൃത എണ്ണവില ഇടിയുന്പോഴാണു ഇന്ധനവില വർധിക്കുന്നത്.
ഏഷ്യൻ വിപണിയിൽ ബ്രെൻഡ് ക്രൂഡിന്‍റെ വില കഴിഞ്ഞ ദിവസം ഏഴുശതമാനം ഇടിഞ്ഞിരുന്നു. തിരുവനന്തപുരത്ത് ഒരു ലിറ്റർ പെട്രോളിന്റെ ശരാശരി വില 80.07 രൂപയാണ്. ഡീസലിനാക ട്ടെ ശരാശരി ലിറ്ററിനു 73.43 രൂപയും.ഇന്നലെയിത് യഥാക്രമം 79.87 രൂപയും 73.24 രൂപയുമായിരുന്നു. കൊച്ചിയിൽ ഒരു ലിറ്റർ പെട്രോളിന്റെ ഇന്നത്തെ ശരാശരി വില 78.83 രൂപയും ഡീസലിന് ശരാശരി 72.27 രൂപയുമാണ്.
