കൊച്ചി: മുഖ്യമന്ത്രി പിണറായി വിജയനെതിരായ പ്രതിഷേധത്തിന് ആവേശം കൂട്ടി യൂത്ത് കോണ്ഗ്രസ് നേതാവ് രാഹുല് മാങ്കൂട്ടത്തിലിന്റെ ഫേസ്ബുക്ക് പോസ്റ്റ്.
യൂത്ത് കോണ്ഗ്രസ് സംസ്ഥാന പ്രസിഡന്റ് കൂടിയായ ഷാഫി പറമ്പില് എംഎല്എയെ ഉള്പ്പെടെ പോലീസ് തടയുന്നതിന്റെ വീഡിയോ പങ്കുവച്ച രാഹുല്, “തങ്ങളുടെ പ്രവർത്തകരെ തല്ലിയാൽ ചോദിക്കാൻ ഞങ്ങടെ പ്രസിഡന്റ് വരും’ എന്ന് കുറിച്ചു.
യൂത്ത് കോൺഗ്രസ്, കെഎസ്യു മാര്ച്ചിനെത്തുടര്ന്ന് കളമശേരി പോലീസ് സ്റ്റേഷനില് എത്തിയ ഷാഫിയെ അടക്കം തടഞ്ഞിരുന്നു.
മാർച്ചിനു നേരേ ലാത്തിചാര്ജും നടത്തി. സംഘർഷത്തിൽ എട്ട് പ്രവർത്തകർക്കും നാല് പോലീസുകാർക്കും പരിക്കേറ്റു.
അറസ്റ്റിലായവരെ സന്ദർശിക്കാനെത്തിയ എംഎൽഎമാരടക്കമുള്ളവരെ പോലീസ് കൈയേറ്റം ചെയ്തെന്ന് ആരോപിച്ച് പ്രവർത്തകർ കളമശേരി പോലീസ് സ്റ്റേഷൻ ഉപരോധിച്ചു.