മലയാളം മിനിസ്‌ക്രീനിലെ മിന്നുംതാരമാണ് തെലുങ്ക് നടന്‍ സായ് കിരണ്‍. ഏഷ്യാനെറ്റില്‍ സംപ്രേക്ഷണം ചെയ്ത വാനമ്പാടി എന്ന സീരിയലില്‍ സായ് കിരണ്‍ അവതരിപ്പിച്ച മോഹന്‍കുമാര്‍ എന്ന ഗായക കഥാപാത്രം ഏറെ പ്രശംസ പിടിച്ചു പറ്റിയിരുന്നു.
തെലുങ്ക് സിനിമ-സീരിയല്‍ രംഗത്ത് സജീവമായിരുന്ന താരം ഇപ്പോള്‍ മലയാളത്തിലും തമിഴിലും അഭിനയിക്കുന്നുണ്ട്. തെലുങ്ക് സീരിയലായ കൊയിലമ്മയുടെ റീമേക്കാണ് വാനമ്പാടി. കൊയിലമ്മയിലെ നായകനെയും സായ്കിരണ്‍ തന്നെയാണ് അവതരിപ്പിച്ചത്.
ഇങ്ങനെയാണ് വാനമ്പാടിയില്‍ അതേ കഥാപാത്രമായി സായ്കിരണ്‍ വരുന്നത്. തനിക്ക് ആരാധകരില്‍ നിന്ന് നേരിട്ട ഒരു അനുഭവത്തെക്കുറിച്ച് തുറന്നുപറയുകയാണ് താരം ഇപ്പോള്‍.
സായ് കിരണിന്റെ വാക്കുകള്‍ ഇങ്ങനെ…കഴിഞ്ഞ ദിവസം ഒരു സ്ത്രീ എന്റെ അടുത്തേക്ക് വന്നു. പരിചയപ്പെടാനും കൂടെ നിന്ന് ഫോട്ടോ എടുക്കാനും വേണ്ടിയാണവര്‍ വന്നത്.
ഫോട്ടോ എടുത്ത ശേഷം എന്നെ ആലിംഗനം ചെയ്യാന്‍ എന്ന വണ്ണം അവര്‍ അടുത്തേക്ക് വരികയുണ്ടായി. വിരോധമില്ല എന്ന വിധം ഞാനും നിന്നു.
എന്നാല്‍ അപ്രതീക്ഷിതമായി അവര്‍ എന്നെ ദൃഢമായി കെട്ടിപ്പിടിക്കുകയും എന്റെ കവിളുകളില്‍ ശക്തമായി പിച്ചുകയും സോറി എന്നുറക്കെ അലറി വിളിച്ചുകൊണ്ട് ഓടി മറയുകയും ചെയ്തു.
കരയണോ ചിരിക്കണോ എന്ന അവസ്ഥയിലായി പോയി ഞാന്‍. രാത്രി മുഴുവനും വേദന കാരണം ഹോട്ട് വാട്ടര്‍ ബാഗ് വെയ്ക്കുകയായിരുന്നു.
ഇത് മൂന്നാം തവണയാണ് ഇത്തരമൊരു സംഭവം എനിക്ക് നേരെ ഉണ്ടാകുന്നത്. ഞാന്‍ ഇനി മുതല്‍ ആളുകളെ ദൂരെ നിര്‍ത്തി സംസാരിക്കാന്‍ പഠിക്കണം. സായ് പറയുന്നു.
