ചെങ്ങന്നൂർ: പതിനാലു വയസ്സുള്ള പെൺകുട്ടിയെ പറ്റിച്ച് പണം കൈക്കലാക്കിയ ഓട്ടോ ഡ്രൈവർ പിടിയിൽ.
കിടങ്ങന്നൂർ പെരുംകുന്നിൽ സന്ദീപ് (35) പിടിയിലായത്. തൻ്റെ വീട്ടിൽ ഓട്ടം വരുന്ന ഓട്ടോ ഡ്രൈവറായ സന്ദീപിന്‍റെ കൈവശം 20000 രൂപയ്ക്ക് പണയം വെക്കാൻ പെൺകുട്ടി സ്വർണ്ണാഭരണങ്ങൾ നൽകി.
എന്നാൽ ഇയാൾ 60000 രൂപക്ക് പണയം വെച്ച ശേഷം 20000 രൂപ പെൺകുട്ടിക്ക് നൽകി ബാക്കി 40000 രൂപ കൈക്കലാക്കുകയായിരുന്നു.
സംഭവം വീട്ടുകാർ അറിഞ്ഞതിനെ തുടർന്ന് പെൺകുട്ടിയുമായി ചെങ്ങന്നൂർ സ്റ്റേഷനിലെത്തി പിതാവ് പരാതി നൽകി.
ഇതിന്‍റെ അടിസ്ഥാനത്തിൽ സി.ഐ ജോസ് മാത്യു ഇയാളെ അറസ്റ്റ് ചെയ്യുകയായിരുന്നു.
