കൊച്ചിയിൽ പ്രമുഖ നടി ആക്രമിക്കപ്പെട്ടതിന് ശേഷം തുടങ്ങിയ വിവാദങ്ങൾ വീണ്ടും ശക്തി പ്രപിച്ചു കൊണ്ടിയിരിക്കുകയാണ്. അതിനിടെ സന്തോഷ് പണ്ഡിറ്റിന്റെ ഫേസ്ബുക്ക് പോസ്റ്റ് ശ്രദ്ധേയമാവുകയാണ്. കുറച്ചു നാളുകൾക്ക് മുന്പ് നടന്നതും ഇപ്പോൾ കേരളത്തിൽ നടക്കുന്നതുമായ കാര്യങ്ങളെ ചൂണ്ടിക്കാണിച്ചു കൊണ്ടാണ് സന്തോഷ് പണ്ഡിറ്റ് പോസ്റ്റിട്ടിരിക്കുന്നത്.
പ്രമുഖ നടിക്ക് എത്രയും പെട്ടെന്ന് നീതി കിട്ടണം….യഥാർഥ പ്രതികളെ പോലീസ് ഉടനെ അറസ്റ്റ് ചെയ്യും എന്നു കരുതുന്നു….രാവിലെ മുതൽ രാത്രി വരെയുള്ള ചാനൽ ചർച്ചകളും നിഴലുനോക്കി വെടിവയ്ക്കുന്ന ഉൗഹാപോഹങ്ങളും കണ്ടു മടുത്തു..വാട്ട് ഈസ് ട്രൂത്ത്? (ഈശ്വരാ ആ പ്രതി …പ്രമുഖനായ വല്ല ബംഗാളിയും… ആകല്ലേ എന്ന് പ്രാർത്ഥിക്കുന്നു..) ഹോപ് ഫോർ ബെസ്റ്റ്.
അതോടൊപ്പം മഹാനായ കലാകാരൻ കലാഭവൻ മണി സാറിന്‍റെ മരണകാരണം അറിയുവാനും എല്ലാവർക്കും താത്പരൃമുണ്ട്. മിഷേലിന്‍റെ മരണകാരണം ഇനിയും സത്യം തെളിഞ്ഞോ? ഈ വാർത്തകൾക്കിടയിൽ പാവം നഴ്സുമാരുടെ ന്യായമായ അവകാശത്തിനു വേണ്ടിയുള്ള സമരവും, ജിഎസ്ടിയുടെ മറവിൽ ചിലർ നടത്തുന്ന കൊള്ള ലാഭത്തിന്‍റെയും ന്യൂസ്, ചൈനയുടെ യുദ്ധ ഭീഷണി, മൂന്നാർ കൈയേറ്റ ഇഷ്യൂ, കണ്ണൂരിലെ രാഷ്ട്രീയ സത്യങ്ങളടക്കം ഒന്നും ആർക്കും ചർച്ച ചെയ്യുവാൻ സമയമില്ല, കഷ്ടം… ഇങ്ങനെയാണ് സന്തോഷ് പണ്ഡിറ്റ് ഫേസ് ബുക്കിൽ കുറിച്ചിരിക്കുന്നത്. ഇതിനകം തന്നെ സന്തോഷിന്റെ അഭിപ്രായങ്ങൾ വൈറലായി മാറിയിരിക്കുകയാണ്. പോസ്റ്റിനൊപ്പം തന്‍റെ ചില ഫോട്ടോകളും താരം പങ്കുവച്ചിട്ടുണ്ട്.
