തിരുവനന്തപുരം: സംസ്ഥാന സർക്കാരിനെതിരെ മനുഷ്യാവകാശ കമ്മീഷൻ രംഗത്ത്. സർക്കാരിനു കമ്മീഷനിൽ സമ്മർ‌ദം ചെലുത്താനാവില്ലെന്ന് മനുഷ്യാവകാശ കമ്മീഷൻ ആക്ടിംഗ് ചെയർമാൻ പി. മോഹൻദാസ് പറഞ്ഞു.
കമ്മീഷനുമേൽ സംസ്ഥാന സർക്കാരിനു നിയന്ത്രണമില്ല. കമ്മീഷനിൽ ഭേദഗതി വരുത്തണമെങ്കിൽ പ്രധാനമന്ത്രിയടങ്ങുന്ന പാർലമെന്‍റ് സമിതി തീരുമാനിക്കണം. മനുഷ്യാവകാശ കമ്മീഷൻ അധ്യക്ഷ പദവി നിലനിർത്തേണ്ടത് സംസ്ഥാന സർക്കാരിന്‍റെ ബാധ്യതയാണെന്നും അദ്ദേഹം പറഞ്ഞു.
