അമ്മ സംഘടനയുടെ തെരഞ്ഞെടുപ്പ് വിശേഷങ്ങള്‍ കേള്‍ക്കുമ്പോള്‍ ചിരി വരുന്നു എന്ന് ഷമ്മി തിലകൻ. ചില കാര്യങ്ങളില്‍ പ്രതികരിച്ചാല്‍ പിന്നെ മുഖം നഷ്ടപ്പെടുന്ന അവസ്ഥയാകും! അതുകൊണ്ട് ഈ വിഷയത്തില്‍…ഞാനീ നാട്ടുകാരനേയല്ല !എനിക്കൊന്നും പറയാനുമില്ല. പക്ഷേ,ഒരു കാര്യം ഉറപ്പ് എന്നാണ് ഷമ്മിയുടെ പ്രതികരണം.
കര്‍മം ഒരു ബൂമറാങ് പോലെയാണ്, അത് ചെയ്തവരിലേക്ക് തന്നെ തിരിച്ചെത്തും! ബൈബിള്‍ പറയുന്നു, നിങ്ങള്‍ മറ്റുള്ളവരോട് എങ്ങനെ പെരുമാറുന്നുവോ, അതുപോലെ നിങ്ങളോടും പെരുമാറപ്പെടും. (മത്തായി 7:2) ഈ തെരഞ്ഞെടുപ്പ് ഒരു പാഠപുസ്തകമാണ്.
ഓരോ നീക്കവും, ഓരോ വാക്കും, ഓരോ തീരുമാനവും ചരിത്രത്തില്‍ രേഖപ്പെടുത്തപ്പെടും. നാളെ, തലയുയര്‍ത്തി നില്‍ക്കാന്‍ ആര്‍ക്കൊക്കെ കഴിയും എന്നു കാലം തെളിയിക്കും. ചിലപ്പോള്‍, ചിരിപ്പിക്കുന്ന കാര്യങ്ങള്‍ പോലും പിന്നീട് ചിന്തിപ്പിക്കുന്നതാകാം. ഓര്‍ക്കുക,നിഷ്‌കളങ്കമായ ചിരിക്ക് പിന്നില്‍ വലിയ സത്യങ്ങളുണ്ടാകാം എന്ന് ഷമ്മി തിലകൻ പറഞ്ഞു.
