പത്തനംതിട്ട: മുമ്പ് പോലീസ് സ്റ്റേഷന്‍ പ്രവര്‍ത്തിച്ചിരുന്ന കെട്ടിടത്തില്‍ നിന്ന് 595 ലിറ്റര്‍ കോടയും വാറ്റുപകരണങ്ങളും പത്തനംതിട്ട എക്സൈസ് എന്‍ഫോഴ്സ്‌മെന്‍റ് ആന്‍ഡ് ആന്‍റി നര്‍കോട്ടിക് സ്പെഷല്‍ സ്‌ക്വാഡ് അസി. എക്സൈസ് ഇന്‍സ്‌പെക്ടര്‍ മനോജിന്‍റെ നേതൃത്വത്തിലുള്ള സംഘം പിടിച്ചെടുത്തു.
ആങ്ങംമൂഴി – ഗവി പൊതുമരാമത്ത് റോഡിനോടു ചേര്‍ന്ന് കൊച്ചാണ്ടിക്കു സമീപം മൂഴിയാര്‍ പോലീസ് സ്റ്റേഷന്‍ പ്രവര്‍ത്തിച്ചു കൊണ്ടിരുന്ന കെട്ടിടത്തിലാണ് വാറ്റുകേന്ദ്രം പ്രവര്‍ത്തിച്ചുവന്നിരുന്നത്.
സംഭവവുമായി ബന്ധപ്പെട്ട് ആങ്ങമൂഴി കൊച്ചാണ്ടി പുത്തന്‍വീട്ടില്‍ പ്രദീപ്, കൊച്ചാണ്ടി കരയില്‍ കാരക്കല്‍ പ്രസന്നന്‍ എന്നിവരെ പ്രതിയാക്കി എക്സൈസ് കേസെടുത്തു.
പ്രിവന്‍റീവ് ഓഫീസര്‍ ഗിരീഷ്, സിവില്‍ എക്സൈസ് ഓഫീസര്‍മാരായ രാഹുല്‍, അജിത്, കൃഷ്ണകുമാര്‍ എന്നിവര്‍ പരിശോധനയില്‍ പങ്കെടുത്തു.
