പൈപ്പിനുള്ളില്‍ കുടുങ്ങിയ പൂച്ചക്കുട്ടിയ്ക്കു മുമ്പില്‍ രക്ഷകനായി അവതരിച്ച് സിവില്‍ ഡിഫന്‍സ് വൊളന്റിയര്‍. പുതുഗ്രാമത്തില്‍ റിട്ട. ഐസിഡിഎസ് ഓഫിസര്‍ എന്‍.വിജയലക്ഷ്മിയുടെ വീട്ടിലാണ് ഒന്നര മാസം പ്രായമുള്ള പൂച്ചക്കുട്ടി ഒരടിയില്‍ താഴെ നീളമുള്ള പൈപ്പിനകത്തു കുടുങ്ങിയത്. മൂന്നു മണിക്കൂറോളം നീണ്ട ശ്രമത്തിനൊടുവില്‍ ചിറ്റൂര്‍ അഗ്‌നിരക്ഷാ നിലയത്തിലെ സിവില്‍ ഡിഫന്‍സ് വൊളന്റിയറും അയല്‍വാസിയുമായ എന്‍.ബി.പ്രശാന്ത് പൈപ്പ് മുറിച്ച് ഒരു പോറല്‍ പോലുമേല്‍ക്കാതെ പൂച്ചക്കുട്ടിയെ രക്ഷപ്പെടുത്തി. വിഷുവിനാണ് അമ്മപ്പൂച്ച വിജയലക്ഷ്മിയുടെ വീടിനു മുകളില്‍ പ്രസവിച്ചത്. പൂച്ചകള്‍ക്ക് ഈ കുടുംബം ഭക്ഷണം നല്‍കിയിരുന്നു. ശനിയാഴ്ച രാവിലെ വീടിനു മുകളിലെ പൂച്ചക്കുട്ടിയെ നോക്കാനായി വിജയലക്ഷ്മിയുടെ മകള്‍ കെ.എസ്.ലക്ഷ്മി കയറിയ സമയത്തു പൂച്ചക്കുട്ടി തല ഒരു ഭാഗത്തും ഇടുപ്പിന്റെ ഭാഗം മറുവശത്തുമെന്ന നിലയില്‍ പൈപ്പിനകത്തു കുടുങ്ങിക്കിടക്കുകയായിരുന്നു. രക്ഷപ്പെടാനുള്ള ശ്രമത്തിനിടെ കാലുകളും പൈപ്പിനകത്തായി. ലക്ഷ്മി സഹോദരന്‍ കെ.എസ്.കൃഷ്ണന്റെ സഹായത്തോടെ രക്ഷപ്പെടുത്താന്‍ ശ്രമിച്ചെങ്കിലും പറ്റാതായതോടെ പ്രശാന്തിന്റെ സഹായം തേടുകയായിരുന്നു. തുടര്‍ന്ന്…
Read Moreപൈപ്പിന്റെ ഒരു വശത്ത് തല മറുവശത്ത് കാലുകളും ! ആകെ കുടുക്കിലായി പൂച്ചക്കുട്ടി; ഒടുവില്‍ സംഭവിച്ചത്…
