Tag: zolgensma

ഒന്നര വയസ്സുകാരന്‍ മുഹമ്മദിന്റെ ജീവന്‍ നിലനിര്‍ത്താന്‍ 18 കോടി രൂപയുടെ മരുന്ന് വേണമെന്ന് സാമൂഹ്യമാധ്യമങ്ങളില്‍ പ്രചരിച്ചതോടെ സഹായഹസ്തവുമായി കേരളത്തിലങ്ങോളമിങ്ങോളമുള്ളവര്‍ മുമ്പോട്ടു വന്നിരിക്കുകയാണ്. ഈ സാഹചര്യത്തില്‍ എന്തുകൊണ്ട് ഈ മരുന്നിന് ഇത്രയധികം വിലയാകുമെന്ന് വിശദീകരിച്ച് കുറിപ്പെഴുതി രംഗത്തു വന്നിരിക്കുകയാണ് ഡോക്ടര്‍മാരായ മോഹന്‍ദാസ് നായരും കുഞ്ഞാലിക്കുട്ടിയും. ഇന്‍ഫോ ക്ലിനിക്കിന്റെ ഫേസ്ബുക്ക് പേജിലൂടെയാണ് ഇവര്‍ മരുന്നിനെക്കുറിച്ചുള്ള വിശദാംശങ്ങള്‍ പങ്കുവെച്ചത്. എന്തു കൊണ്ട് മരുന്നിന് ഇത്രയധികം വില വരുന്നുവെന്നും എങ്ങനെ ചെലവു കുറയ്ക്കാമെന്നുമുള്ളത് അടക്കമുള്ള കാര്യങ്ങള്‍ കുറിപ്പില്‍ പറയുന്നു. ഫേസ്ബുക്ക് കുറിപ്പ് പതിനെട്ട് കോടിയുടെ മരുന്നോ ? സ്‌പൈനല്‍ മസ്‌കുലര്‍ അട്രോഫി (SMA) എന്ന ഒരു ജനിതക രോഗമുണ്ട്. പേശികളുടെ ശക്തി തിരിച്ചു കിട്ടാത്ത വണ്ണം ക്രമേണ കുറഞ്ഞു വരുന്ന ഒരു രോഗമാണത്. പേശികളെ നിയന്ത്രിക്കുന്ന നെര്‍വുകള്‍ ഉല്‍ഭവിക്കുന്നത് സുഷുമ്‌നാ നാഡിയിലെ Anterior Horn Cell-കളില്‍ നിന്നാണ്. ഈ കോശങ്ങള്‍ ക്രമേണ നശിക്കുന്നത്…