പ്രഭുദേവ, തമന്ന, ഹിന്ദി നടൻ സോനു സൂദ് എന്നിവർ പ്രധാന കഥാപാത്രങ്ങളെ അവതരിപ്പിച്ച് ശ്രദ്ധേയമായ തമിഴ് ചിത്രമായിരുന്നു ദേവി. എ.എൽ. വിജയ് സംവിധാനം ചെയ്ത ഈ ചിത്രം വൻഹിറ്റായിരുന്നു. ദേവി 2 എന്ന പേരിൽ ചിത്രത്തിന്‍റെ രണ്ടാം ഭാഗവുമായി എത്തുകയാണ് എ.എൽ വിജയ്. പ്രഭുദേവയും തമന്നയും തന്നെയാണ് രണ്ടാം ഭാഗത്തിലും പ്രധാന വേഷങ്ങളിലെത്തുന്നത്.
ദേവി 2വിലെ റെഡി റെഡി എന്ന ഗാനം ഇപ്പോൾ പുറത്തിറങ്ങിയിരിക്കുകയാണ്. ഗാനത്തേക്കാൾ ഗാനരംഗമാണ് ആരാധകർ ഏറ്റെടുത്തിരിക്കുന്നത്. കാരണം മറ്റൊന്നുമല്ല, അതീവ ഗ്ലാമറസായാണ് തമന്ന ഗാനരംഗത്ത് പ്രത്യക്ഷപ്പെടുന്നത്. സാം സി.എസ് ആണ് സംഗീത സംവിധാനം. നന്ദിത ശ്വേത, ഡിന്പിൾ ഹയാതി എന്നിവരും ചിത്രത്തിൽ പ്രധാന കഥാപാത്രങ്ങളായി എത്തുന്നു.
