മാന്നാർ: പ്രളയബാധിതർക്ക് കേന്ദ്രസർക്കാർ നിശ്ചയിച്ചിരിക്കുന്ന മാനദണ്ഡങ്ങളുടെ മൂന്നിരട്ടി തുക നഷ്ടപരിഹാരമായി നൽകുമെന്ന് ധനകാര്യ വകുപ്പ്മന്ത്രി ഡോ.തോമസ് ഐസക്ക് പറഞ്ഞു.മാന്നാറിൽ നിർമ്മിക്കുന്ന സബ് ട്രഷറി കെട്ടിടത്തിന്റെ ശിലാസ്ഥാപന കർമ്മം നിർവ്വഹിച്ച് പ്രസംഗിക്കുകയായിരുന്നു അദേഹം.
നഷ്ടപരിഹാരത്തിന്റെ കണക്കുകൾ സയമബന്ധിതമായി പൂർത്തികരിക്കുമെന്നും മന്ത്രി പറഞ്ഞു.കേരളത്തിൽ അഴിമതി ഇല്ലാത്ത വകുപ്പാണ് ട്രഷറിയെന്നും ഇൻഡ്യിൽ ട്രഷറി സേവിംഗ് ബാങ്ക് അകൗണ്ട് ഉള്ള ഏക സംസ്ഥാന കേരളമാണെന്നും അദേഹം കൂട്ടിചേർത്തു.
സജി ചെറിയാൻ എംഎൽഎ അധ്യക്ഷനായിരുന്നു.കൊടിക്കുന്നിൽ സുരേഷ് എംപി മുഖ്യപ്രഭാഷണം നടത്തി.ബ്ലോക്ക് പഞ്ചായത്ത്പ്രസിഡന്റുമാരായ കെ.രഘുപ3സാദ്,എൻ.സുധാമണി,ഈപ്പൻ കുര്യൻ,ജില്ലാ പഞ്ചായത്ത് അംഗം ജോജി ചെറിയാൻ,ഗ്രാമപഞ്ചായത്ത്പ്രസിഡന്റ് പ്രമോദ് കണ്ണാടിശേരിൽ,ഷൈനാ നവാസ്,മുഹമ്മദ് അജി,പ്രൊഫ.പി.ഡി.ശശിധരൻ,മാന്നാർ അബ്ദുൾലത്തീഫ്,കെ.എൻ.ബാലകൃഷ്ണൻ എന്നിവർ പ്രസംഗിച്ചു.