ഒരു കാലത്ത് തെന്നിന്ത്യന്‍ സിനിമയെ പിടിച്ചുകുലുക്കിയ നടിയാണ് സില്‍ക്ക് സ്മിത. തമിഴില്‍ രജനീകാന്ത്, കമല്‍ഹാസന്‍ എന്നിവരടക്കമുള്ള സൂപ്പര്‍ താരങ്ങള്‍ക്കൊപ്പവും സില്‍ക്ക് വേഷമിട്ടിട്ടുണ്ട്. എന്നാല്‍ തന്റെ 36-ാം വയസില്‍ ആത്മഹത്യയിലൂടെ സില്‍ക്ക് സ്മിത ജീവിതം അവസാനിപ്പിക്കുകയായിരുന്നു. ഇപ്പോള്‍ സില്‍ക് സ്മിതയുടെ രൂപ സാദൃശ്യമുള്ള പെണ്‍കുട്ടിയുടെ ടിക് ടോക് വിഡിയോയാണ് സമൂഹമാധ്യമങ്ങളില്‍ വൈറലാവുന്നത്.
സ്മിതയും രജനീകാന്തും അഭിനയിച്ച ‘പേസ കൂടാത്’ എന്ന ഗാനമാണ് പെണ്‍കുട്ടി ടിക് ടോക്കിനായി തിരഞ്ഞെടുത്തത്. വീഡിയോയിലെ പെണ്‍കുട്ടിയെ കണ്ടാല്‍ ഒറ്റനോട്ടത്തില്‍ ആരും സില്‍ക്ക് സ്മിത തന്നെയാണെന്നേ പറയൂ. വിഡിയോ കണ്ടവരൊക്കെ പെണ്‍കുട്ടി സില്‍ക്ക് സ്മിതയെ ഓര്‍മ്മിപ്പിക്കുന്നുവെന്നാണ് പറയുന്നത്. ചിലര്‍ സ്മിത പുനര്‍ജനിച്ചതാണോയെന്നും ചോദിക്കുന്നുണ്ട്.
തമിഴില്‍ വിനു ചക്രവര്‍ത്തിയുടെ ‘വണ്ടിചക്ര’ എന്ന ചിത്രത്തിലൂടെയണ് സില്‍ക്ക് സ്മിത അഭിനയ രംഗത്തെത്തുന്നത്. 1970 ല്‍ ഇണയേത്തേടി എന്ന ചിത്രത്തിലൂടെ മലയാളത്തിലുമെത്തി. 1996ല്‍ ചെന്നൈയിലെ തന്റെ വീട്ടില്‍ വച്ച് സ്മിത ജീവനൊടുക്കുകയായിരുന്നു. അതിന്റെ കാരണം ഇന്നും അവ്യക്തമായി തുടരുകയാണ്. സ്മിതയുടെ സ്വകാര്യ ജീവിതം ദുരൂഹമായിരുന്നതിനാല്‍ ഇത് സ്മിതയുടെ മകളാവാനും സാധ്യതയുണ്ടെന്ന് ചിലര്‍ അഭിപ്രായപ്പെടുന്നു.
சிலுக்கு 😍😍 pic.twitter.com/cIaGRpikWV
— ⭐கருப்பு மன்னன்⭐️ (@yaar_ni) October 10, 2019
