ചൈനയിൽ നടന്ന ഒരു മരണാനന്തര ചടങ്ങിനെക്കുറിച്ചുള്ള വിവാദമായ ചർച്ചകളാണ് സമൂഹ മാധ്യമങ്ങൾ ഇപ്പോൾ അരങ്ങേറുന്നത്. ഒരു കുടുംബത്തിലെ മരിച്ചയാളുടെ മൃതശരീരം കിടക്കുന്നതിന് സമീപം ആഢംബര കാർ കുഴിച്ചിട്ടത്,
ലിയോണിംഗ് പ്രവിശ്യയിലെ ജിൻ കുടുംബാംഗങ്ങൾ നടത്തിയ മരണാന്തര ചടങ്ങിലാണ് സംഭവം. അന്ത്യകർമങ്ങൾ നടത്തുന്നതിന്റെ ഭാഗമായാണ് മൃതദേഹത്തിനടുത്ത് ആഢംബര വാഹനം കുഴിച്ചുമൂടിയത്. ചൈനീസ് സമൂഹ മാധ്യമങ്ങളിൽ പ്രചരിക്കുന്ന വീഡിയോയിൽ മൃതദേഹത്തിനരികിലുള്ള കുഴിയിൽ ജെസിബി ഉപയോഗിച്ച് വാഹനം താഴെയിറക്കി അതിലേക്ക് മണ്ണ് വാരിയിടുന്നതുമാണ് ദൃശ്യങ്ങൾ.
റിപ്പോർട്ടുകൾ പ്രകാരം, 1.49 കോടി രൂപയുടെ മെഴ്സിഡസ് ബെൻസ് ആഢംബര വാഹനമാണ് കുഴിയിൽ പുതച്ചത്. 8888 എന്ന രജിസ്റ്റർഡ് നന്പറാണ് വാഹനത്തിന്റേത്. ചൈനീസ് സംസ്കാരത്തിൽ 8 എന്ന സംഖ്യ സമാധാനത്തിന്റെയും ഐശ്വര്യത്തിന്റെയും പ്രതീകമാണ്.
ജിൻ കുടുംബത്തെ സംബന്ധിച്ച് ഒരാളുടെ മരണത്തിനുശേഷം ആത്മാവിനു ശാന്തിയും സമാധാനും ലഭിക്കുന്നതിനും ചൈനീസ് ആചാരപ്രകാരം വിശ്വാസത്തിന്റെയും അടയാളമാണ്.
എന്നാൽ, മരണാനന്തര ചടങ്ങിൽ ഒരു ആഢംബര വാഹനം പുതയ്ക്കുന്നത് ഞെട്ടലോടെയാണ് സമൂഹ മാധ്യമങ്ങൾ ഏറ്റെടുത്ത്.
സംഭവത്തെതുടർന്ന് സമൂഹ മാധ്യമങ്ങളിൽ സമ്മിശ്ര പ്രതികരണങ്ങളാണ് രേഖപ്പെടുത്തിയിരിക്കുന്നത്. വലിയ തോതിലുള്ള ചർച്ചകൾക്കും വിവാദങ്ങൾക്കുമാണ് വീഡിയോ വഴിവച്ചത്. പ്രതിഷേധങ്ങളെ തുടർന്ന് ജിൻ കുടുംബാംഗങ്ങൾ ക്ഷാമപണവുമായി രംഗത്തെത്തി.
