മുംബൈ: പശുവിനെ തൊടുന്നത് ദുസ്വഭാവങ്ങളെ അകറ്റുമെന്നു മഹാരാഷ്ട്ര കോണ്ഗ്രസ് മന്ത്രി. ഉദ്ധവ് താക്കറെ സർക്കാരിൽ വനിതാ ശിശുക്ഷേമ മന്ത്രിയായ കോണ്ഗ്രസ് എംഎൽഎ യശ്മോതി താക്കുറിന്‍റെയാണു പരാമർശം.
പശുവിനെ തൊടുന്നത് എല്ലാ ദുസ്വഭാവങ്ങളും (നെഗറ്റിവിറ്റി) അകറ്റുമെന്നാണു നമ്മുടെ സംസ്കാരം പറയുന്നത്. പശു വിശുദ്ധ മൃഗമാണ്. പശുവാണെങ്കിലും ഏതു മൃഗമാണെങ്കിലും അതിനെ തൊടുന്നതു സ്നേഹത്തിന്‍റെ അനുഭവം നൽകും- യശ്മോഹി പറഞ്ഞു. പിന്നീട് താൻ പറഞ്ഞതിൽ വിശദീകരണം നടത്തിയ മന്ത്രി, താൻ പറഞ്ഞതിൽ എന്താണു തെറ്റെന്നും ചോദിച്ചു.
ഇത് ആദ്യമായല്ല മന്ത്രി വിവാദ പരാമർശങ്ങൾ നടത്തുന്നത്. തങ്ങൾ ഇപ്പോൾ അധികാരത്തിലെത്തിയതേ ഉള്ളുവെന്നും പോക്കറ്റ് നിറഞ്ഞു തുടങ്ങിയില്ലെന്നുമായിരുന്നു മന്ത്രിയുടെ പരാമർശം. ആരുടെ കൈയിൽനിന്നു പണം വാങ്ങിയാലും കോണ്ഗ്രസിന് വോട്ടു ചെയ്യണമെന്ന് ആവശ്യപ്പെട്ടും മന്ത്രി പുലിവാൽ പിടിച്ചു.
