നഴ്‌സിംഗ് പാസായി, പക്ഷേ..! പിജി ഡോക്ടറാണെന്ന് തോന്നിക്കുന്ന രീതിയില്‍ മെഡിക്കല്‍ കോളജില്‍ കറങ്ങി നടന്ന് മോഷണം; പിടിയിലായത് ഇങ്ങനെ…

തി​രു​വ​ന​ന്ത​പു​രം:​ വ്യാ​ജ ഗൈ​ന​ക്കോ​ള​ജി​സ്റ്റ് ച​മ​ഞ്ഞ യു​വ​തി പി​ടി​യി​ൽ. മെ​ഡി​ക്ക​ൽ കോ​ള​ജ്   എ​സ്എ​ടി  ആ​ശു​പ​ത്രി​യി​ൽ നി​ന്നും വ്യാ​ജ ഗൈ​ന​ക്കോ​ള​ജി​സ്റ്റ്  ച​മ​ഞ്ഞ നെ​ടു​മ​ങ്ങാ​ട്  ക​ല്ല​റ പ​ച്ച​യി​ൽ ചി​ഞ്ചു​ഭ​വ​നി​ൽ  ആ​ര്യ(24)യാ​ണ്  മെ​ഡി​ക്ക​ൽ കോ​ള​ജ് പോ​ലീ​സി​ന്‍റെ പി​ടി​യി​ലാ​യ​ത്. ഇ​ന്ന​ലെ ഉ​ച്ച​യോ​ടെ  എ​സ്എ​ടി  ആ​ശു​പ​ത്രി​യി​ലെ  പി​ജി  ഡോ​ക്‌‌ട​ർ​മാ​രു​ടെ  റ​സ്റ്റ് റൂ​മി​ൽ നി​ന്നു​മാ​ണ്  ഇ​വ​രെ പി​ടി​കൂ​ടി​യ​ത്.  ര​ണ്ടു​ദി​വ​സം  മു​ൻ​പ്  ഇ​തേ മു​റി​യി​ൽ  വ​ച്ച് ഒ​രു പി​ജി ഡോ​ക്ട​റു​ടെ ബാ​ഗി​ൽ നി​ന്നും ര​ണ്ടാ​യി​രം രൂ​പ  ന​ഷ്ട​പ്പെ​ട്ടി​രു​ന്നു.

ആ സമയം സം​ശ​യാ​സ്പ​ദ​മാ​യ സാ​ഹ​ച​ര്യ​ത്തി​ൽ ഒ​രു യു​വ​തി അ​വി​ടെ ഉ​ണ്ടാ​യി​രു​ന്നു.  ഇ​വ​രോ​ട് ചോ​ദി​ച്ച​പ്പോ​ൾ   പി​ജി ഡോ​ക്ട​റാ​ണെ​ന്ന് പ​റ​ഞ്ഞ്  ഇ​റ​ങ്ങി പോ​കു​ക​യാ​യി​രു​ന്നു. തു​ട​ർ​ന്ന് ബു​ധ​നാ​ഴ്ച​യും ഈ ​യു​വ​തി​യെ  ക​ണ്ട​പ്പോ​ൾ പി​ജി  ഡോ​ക്‌‌ട​ർ​മാ​ർ  സു​ര​ക്ഷാ വി​ഭാ​ഗ​ത്തെ  കാ​ര്യ​മ​റി​യി​ക്കു​ക​യാ​യി​രു​ന്നു. ഇ​വ​ർ മെ​ഡി​ക്ക​ൽ കോ​ള​ജ്  പോ​ലീ​സി​ൽ  വി​വ​രം  അ​റി​യി​ച്ച​തി​നെ​ത്തു​ട​ർ​ന്ന്  പോ​ലീ​സ് സ്ഥ​ല​ത്തെ​ത്തി. ഐ​ഡ​ന്‍റി​റ്റി കാ​ർ​ഡ് കാ​ണി​ക്കാ​ൻ  ആ​വ​ശ്യ​പ്പെ​ട്ട​പ്പോ​ൾ അ​വ​ർ അ​തി​ന് ത​യാ​റാ​യി​ല്ല. തു​ട​ർ​ന്ന് ഇ​വ​രു​ടെ ബാ​ഗ് പ​രി​ശോ​ധി​ച്ച​പ്പോ​ൾ വ്യാ​ജ ഐ​ഡ​ന്‍റി​റ്റി​കാ​ർ​ഡ്, പ​ത്തു​രോ​ഗി​ക​ളു​ടെ ചി​കി​ത്സാ വി​വ​ര​ങ്ങ​ൾ അ​ട​ങ്ങി​യ കേ​സ് ഷീ​റ്റു​ക​ൾ, എ​സ്എ​ടി  റൈ​റ്റിം​ഗ് പാ​ഡ് ചു​രു​ക്കം ചി​ല  ഡോ​ക്ട​ർ​മാ​ർ  മാ​ത്രം ഉ​പ​യോ​ഗി​ക്കു​ന്ന വി​ദേ​ശ​നി​ർ​മി​ത​മാ​യ സ്റ്റെത​സ്കോ​പ്പ് എ​ന്നി​വ ഇ​വ​രി​ൽ നി​ന്നും ക​ണ്ടെ​ത്തി. പ്ല​സ് ടു ​പ​ഠ​നം ക​ഴി​ഞ്ഞ് ജ​ന​റ​ൽ ന​ഴ്സിം​ഗ് പാ​സാ​യ​തി​നു ശേ​ഷം പ്രൈ​വ​റ്റ് ആ​ശു​പ​ത്രി​യി​ൽ ജോ​ലി നോ​ക്കി വ​ര​വെ മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ താ​ത്ക്കാ​ലി​ക​മാ​യി ന​ഴ്സു​മാ​രെ നി​യ​മി​ക്കു​ന്ന​താ​യി  പ​ത്ര​വാ​ർ​ത്ത ക​ണ്ടു അപേക്ഷ  അ​യ​ച്ചെ​ങ്കി​ലും  ജോ​ലി ല​ഭി​ച്ചി​ല്ല. എ​ന്നാ​ൽ വീ​ട്ടി​ലും നാ​ട്ടി​ലും ത​നി​ക്ക് മെ​ഡി​ക്ക​ൽ കോ​ള​ജി​ൽ ജോ​ലി ല​ഭി​ച്ചു എ​ന്ന് പ​റ​ഞ്ഞ് ഇ​വ​ർ സ്ഥി​ര​മാ​യി  ആ​ശു​പ​ത്രി​യി​ൽ വ​രാ​റു​ണ്ട്.

തു​ട​ർ​ന്ന് ഇ​വ​രെ  പോ​ലീ​സ് ചോ​ദ്യം ചെ​യ്ത​തി​ൽ നി​ന്നും ക​ഴി​ഞ്ഞ ഒ​രു വ​ർ​ഷ​ക്കാ​ല​മാ​യി മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ സ്ഥി​ര​മാ​യി വ​രാ​റു​ണ്ടെ​ന്നും  സ്റ്റെത​സ്കോ​പ്പ് മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ നി​ന്നും മോ​ഷ്ടി​ച്ച​താ​ണെ​ന്നും ഡി​സ്ചാ​ർ​ജ് കേ​സ് ഷീ​റ്റു​ക​ൾ എ​സ്എ​ടി​യി​ലെ വാ​ർ​ഡു​ക​ളി​ൽ നി​ന്നും എ​ടു​ത്ത​താ​ണെ​ന്നും പോ​ലീ​സി​നോ​ട് പ​റ​ഞ്ഞു. പ്ര​ഥ​മ​ദൃ​ഷ്ട്യാ പി​ജി ഡോ​ക്ട​റാ​ണെ​ന്ന് തോ​ന്നി​ക്കു​ന്ന രീ​തി​യി​ലാ​ണ് യു​വ​തി മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ ക​റ​ങ്ങി ന​ട​ന്ന​ത്. ഇ​വ​ർ ഏ​തെ​ങ്കി​ലും ത​ര​ത്തി​ലു​ള്ള കു​റ്റ​കൃ​ത്യം ന​ട​ത്തി​യി​ട്ടു​ണ്ടോ​യെ​ന്നും  ഡോ​ക്ട​റാ​ണെ​ന്ന് പ​റ​ഞ്ഞ് ആ​രെ​യെ​ങ്കി​ലും ക​ബ​ളി​പ്പി​ച്ചി​ട്ടു​ണ്ടോ​യെ​ന്നും    ആ​ശു​പ​ത്രി​യി​ൽ ഇ​വ​ർ​ക്ക് സ​ഹാ​യി​ക​ളാ​രെ​ങ്കി​ലു​മു​ണ്ടോ​യെ​ന്നും  പോ​ലീ​സ് അ​ന്വേ​ഷി​ച്ചു വ​രു​ന്നു​ണ്ട്. കോ​ട​തി​യി​ൽ ഹാ​ജ​രാ​ക്കി​യ  പ്ര​തി​യെ റി​മാ​ൻ​ഡ് ചെ​യ്തു.