Set us Home Page

വരാപ്പുഴയിൽ ഹർത്താലിനിടെ മർദനം; ന്യൂ​ന​പ​ക്ഷ ക​മ്മീ​ഷ​ൻ കേ​സ് ര​ജി​സ്റ്റ​ർ ചെ​യ്തു

നെ​ടു​മ്പാ​ശേരി: വ​രാ​പ്പു​ഴ​യി​ൽ ഹ​ർ​ത്താ​ലി​നി​ടെ യു​വാ​വി​ന് ക്രൂ​ര​മാ​യി മ​ർ​ദന​മേ​റ്റ സം​ഭ​വ​ത്തി​ൽ സം​സ്ഥാ​ന ന്യൂ​ന​പ​ക്ഷ ക​മ്മീ​ഷ​ൻ കേ​സ് ര​ജി​സ്റ്റ​ർ ചെ​യ്തു.​ ക​മ്മീ​ഷ​ൻ ചെ​യ​ർ​മാ​ൻ ജ​സ്റ്റീ​സ് പി.​കെ. ​ഹ​നീ​ഫ​യു​ടെ നി​ർ​ദ്ദേ​ശ പ്ര​കാ​ര​മാ​ണ് കേ​സ് ര​ജി​സ്റ്റ​ർ ചെ​യ്തി​രി​ക്കു​ന്ന​ത്.​
ശ്രീ​ജി​ത്തി​ന്‍റെ ക​സ്റ്റ​ഡി മ​ര​ണ​ത്തി​ൽ പ്ര​തി​ഷേ​ധി​ച്ച് ക​ഴി​ഞ്ഞ തി​ങ്ക​ളാ​ഴ്ച്ച പ​റ​വൂ​ർ നി​യോ​ജ​ക മ​ണ്ഡ​ല​ത്തി​ൽ ബിജെപി ആ​ഹ്വാ​നം ചെ​യ്ത ഹ​ർ​ത്താ​ലി​നി​ടെ​യാ​ണ് കു​ന്നു​ക​ര വ​യ​ൽ​ക​ര സ്വ​ദേ​ശി അ​യ്യ​രു​കു​ഴി വീ​ട്ടി​ൽ മു​ഹ​മ്മ​ദ് ഷാ​ഫി​ക്ക് മ​ർ​ദന​മേ​റ്റ​ത്.​

ത​ന്‍റെ കാ​റി​ൽ പ​തി​ന​ഞ്ച് ദി​വ​സം മാ​ത്രം പ്രാ​യ​മാ​യ കൂ​ട്ടു​കാ​ര​ന്‍റെ കു​ട്ടി​യെ എ​റ​ണാ​കു​ള​ത്തെ ആ​ശു​പ​ത്രി​യി​ലേ​ക്ക് കൊ​ണ്ടു​പോ​കു​ന്ന വ​ഴി വ​രാ​പ്പു​ഴ​യി​ൽ വ​ച്ച് ഹ​ർ​ത്താ​ന​ലു​കൂ​ലി​ക​ൾ കാ​ർ ത​ട​യു​ക​യാ​യി​രു​ന്നു. കു​ട്ടി​യെ ആ​ശു​പ​ത്രി​യി​ലെ​ത്തി​ക്കാ​ൻ അ​നു​വ​ദി​ക്ക​ണ​മെ​ന്ന് മു​ഹ​മ്മ​ദ് ഷാ​ഫി അ​ഭ്യ​ർ​ഥിച്ചെങ്കിലും ഹർത്താൽ അനുകൂലികൾ ത​ട​യു​ക​യാ​യി​രു​ന്നു.​

ഇ​തേ​തു​ട​ർ​ന്ന് കാ​റി​ന് പു​റ​ത്തി​റ​ങ്ങി​യ ഷാ​ഫി കു​ഞ്ഞി​ന് അ​ടി​യ​ന്തി​ര ചി​കി​ൽ​സ ല​ഭ്യ​മാ​ക്ക​ണ​മെ​ന്ന കാ​ര്യം ഇ​വ​രെ പ​റ​ഞ്ഞ് ബോ​ധ്യ​പ്പെ​ടു​ത്താ​ൻ ശ്ര​മി​ക്കു​ന്ന​തി​നി​ടെ ഹർത്താൽ നടത്തിയവർ ഇ​യാ​ളെ വ​ള​ഞ്ഞി​ട്ട് മ​ർ​ദിക്കു​ക​യാ​യി​രു​ന്നു. പോ​ലീ​സി​ന്‍റെയും മാ​ധ്യ​മ പ്ര​വ​ർ​ത്ത​ക​രു​ടെ​യും സാ​ന്നി​ദ്ധ്യ​ത്തി​ൽ ഉ​ണ്ടാ​യ സം​ഭ​വം മാ​ധ്യ​മ​ങ്ങ​ൾ വ​ള​രെ പ്രാ​ധാ​ന്യ​ത്തോ​ടെ​യാ​ണ് റി​പ്പോ​ർ​ട്ട് ചെ​യ്ത​ത്.​

എ​ന്നാ​ൽ സം​ഭ​വം ന​ട​ന്ന് ഒ​രാ​ഴ്ച്ച പി​ന്നി​ട്ടി​ട്ടും ഹ​ർ​ത്താ​ലി​ന്‍റെ മ​റ​വി​ൽ ന​ട​ന്ന ആ​ക്ര​മ​ണ​ത്തി​ൽ കേ​സ് ര​ജി​സ്റ്റ​ർ ചെ​യ്യാ​ൻ പോ​ലീ​സ് ത​യാറാ​യി​ല്ലെ​ന്ന മാ​ധ്യ​മ റി​പ്പോ​ർ​ട്ടു​ക​ൾ ശ്ര​ദ്ധ​യി​ൽ​പ്പെ​ട്ട​തി​നെ തു​ട​ർ​ന്നാ​ണ് സം​സ്ഥാ​ന ന്യൂ​ന​പ​ക്ഷ ക​മ്മീ​ഷ​ൻ ചെ​യ​ർ​മാ​ർ ജ​സ്റ്റി​സ് പി.​കെ.​ഹ​നീ​ഫ​യു​ടെ നേ​രി​ട്ടു​ള്ള ന​ട​പ​ടി. ഇ​ക്കാ​ര്യ​ത്തി​ൽ ഈ ​മാ​സം 25 ന് ​ആ​ലു​വ പാ​ല​സി​ൽ ന​ട​ക്കു​ന്ന ക​മ്മീ​ഷ​ൻ സി​റ്റിം​ഗി​ൽ വി​ശ​ദ​മാ​യ റി​പ്പോ​ർ​ട്ട് ഹാ​ജ​രാ​ക്കാ​ൻ ആ​ലു​വ റൂ​റ​ൽ എ​സ്പി​ക്ക് ക​മ്മീ​ഷ​ൻ നി​ർ​ദ്ദേ​ശം ന​ൽ​കി.​

ക​ഴി​ഞ്ഞ ദി​വ​സം വ​യ​ൽ​ക​ര​യി​ലെ വീ​ട്ടി​ലെ​ത്തി ഷാ​ഫി​യെ സ​ന്ദ​ർ​ശി​ച്ച കെപിസിസി വൈ​സ് പ്ര​സി​ഡ​ന്റ് വി.​ഡി. ​സ​തീ​ശ​ൻ എംഎ​ൽഎ സം​ഭ​വ​ത്തി​ൽ കേ​സ് ര​ജി​സ്റ്റ​ർ ചെ​യ്യാ​ത്ത പോ​ലീ​സി​ന്‍റെ ന​ട​പ​ടി​യി​ൽ ശ​ക്ത​മാ​യ പ്ര​തി​ഷേ​ധം രേ​ഖ​പ്പെ​ടു​ത്തി​യി​രു​ന്നു.

രാഷ്ട്രദീപിക വാര്‍ത്തകള്‍ ഫേസ്ബുക്കില്‍ പിന്തുടരാന്‍ ഞങ്ങളുടെ പേജ് ലൈക്ക് ചെയ്യൂ...

https://www.facebook.com/RashtraDeepika/

LATEST NEWS