തേ​ങ്ങാ​ക്കു​ല മുതൽ യുട്യൂബ് വരെ..! എ​ന്നെ ഇ​ഷ്ട​പ്പെ​ടു​ന്ന ഒ​രാ​ളെ​ങ്കി​ലും ഉ​ണ്ടാ​കു​മ​ല്ലോ; ഈ​ഗോ​യി​ല്ലാ​യ്മ​യെ തൊ​ലി​ക്ക​ട്ടി​യെ​ന്നു പ​റ​യു​മെ​ങ്കി​ൽ അ​താ​ണ് ന​മ്മു​ടെ വി​ജ​യം; പേ​ളി മാ​ണി മനസുതുറക്കുന്നു

ആ​ങ്ക​റിം​ഗ്, അ​ഭി​ന​യം, ബൈ​ക്ക് റൈ​ഡിം​ഗ് തു​ട​ങ്ങി വി​വി​ധ മേ​ഖ​ല​ക​ളി​ലൂ​ടെ മ​ല​യാ​ളി​ക​ളു​ടെ മനം ക​വ​ർ​ന്ന താ​ര​മാ​ണ് പേ​ളി മാ​ണി. ക​ളി​ചി​രി​യും ത​മാ​ശ​യും ബ​ഹ​ള​വു​മാ​യെ​ത്തി സൗ​ഹൃ​ദ സം​ഭാ​ഷ​ണം പോ​ലെ പു​ത്ത​ൻ അ​വ​ത​ര​ണ ശൈ​ലി​യി​ലൂ​ടെ പ്രേ​ക്ഷ​ക ഹൃ​ദ​യം നേ​ടി​യ ഈ ​പ്ര​തി​ഭ ഇ​ന്നു പു​തി​യൊ​രു ചു​വ​ടു​വ​യ്പി​ലേ​ക്കാ​ണ്. ഓ​ണ്‍​ലൈ​ൻ യുട്യൂബ് ഷോ​സി​ലൂ​ടെ ത​ന്നി​ലു​ള്ള ക​ല​യെ ലോ​ക​ത്തി​നു മു​ന്പി​ലേ​ക്കു അ​വ​ത​രി​പ്പി​ക്കാ​ൻ ഒ​രു​ങ്ങു​ക​യാ​ണ് പേ​ളി. അ​വ​ത​ര​ണ​ത്തിന്‍റെ ഒൗ​പ​ചാ​രി​ക​ത​യി​ല്ലാ​തെ മി​നി​സ്ക്രീ​നി​ലും നാ​യി​കാ സ​ങ്ക​ൽ​പ​ത്തി​ൽ നി​ന്നും മാ​റി ബി​ഗ്സ്ക്രീ​നി​ലും തി​ള​ങ്ങി​യ പേ​ളി മാ​ണി താ​ര​പ്ര​തി​ഭ​യു​ടെ മൂ​ടു​പ​ട​മി​ല്ലാ​തെ തന്‍റെ സ്വ​പ്ന സാ​ക്ഷാ​ത്കാ​ര​ത്തി​നെ​പ്പ​റ്റി സം​സാ​രി​ക്കു​ന്നു…

ആ​ങ്ക​റിം​ഗി​ൽ നി​ന്നും സി​നി​മ​യി​ലേ​ക്കെ​ത്തു​ന്ന​ത്

കോ​ള​ജി​ൽ പ​ഠി​ക്കു​ന്ന സ​മ​യ​ത്താ​ണ് ഞാ​ൻ ബൈ​ക്ക് റൈ​ഡ​റാ​കു​ന്ന​ത്. ആ ​സ​മ​യ​ത്ത് അ​മൃ​ത ടി​വി​യി​ൽ ഒ​രു ആ​ങ്ക​റി​നെ ആ​വ​ശ്യ​മാ​യി വ​ന്ന​പ്പോ​ഴാ​ണ് ഒ​രു സു​ഹൃ​ത്ത് എ​ന്നെ​പ്പ​റ്റി പ​റ​യു​ന്ന​ത്. ‘​ടേ​സ്റ്റ് ഓ​ഫ് കേ​ര​ള’ എ​ന്ന പ​രി​പാ​ടി​യു​ടെ ആ​ങ്ക​റാ​കു​ന്ന​ത് അ​ങ്ങ​നെ​യാ​ണ്. അ​തി​നു ശേ​ഷം ഡി ​ഫോ​ർ ഡാ​ൻ​സ്, കു​ട്ടി​ക​ൾ​ക്കൊ​പ്പ​മു​ള്ള ക​ട്ടു​റു​ന്പ് എ​ന്നി​ങ്ങ​നെ നി​ര​വ​ധി ചാ​ന​ലു​ക​ളി​ൽ ഹി​റ്റു പ​രി​പാ​ടി​ക​ൾ അ​വ​ത​രി​പ്പി​ച്ചു. എ​ല്ലാ​യി​ട​ത്തും എ​ന്‍റേതാ​യ ഒ​രു സ്പേ​സ് സൃ​ഷ്ടി​ക്കാ​നാ​യി.

ആ​ങ്ക​റിം​ഗി​ലെ പു​തി​യ അ​വ​ത​ര​ണ ശൈ​ലി

കാ​മ​റ​യ്ക്കു മു​ന്നി​ൽ ഫോ​ർ​മ​ലാ​കാ​തെ ഞാ​നാ​യി ത​ന്നെ നി​ൽ​ക്കാ​നാ​ണ് ശ്ര​മി​ച്ച​ത്. എന്‍റേതാ​യ ഒ​രു തോ​ന്ന്യവാ​സം എ​ന്നു പ​റ​യാം. പ​ല​രും ക​ളി​യാ​ക്കു​ന്നു​ണ്ടെ​ങ്കി​ലും അ​തി​ലും ഒ​രു സ്നേ​ഹം ന​മു​ക്ക​റി​യാ​ൻ സാ​ധി​ക്കും. പി​ന്നെ നെ​ഗ​റ്റീ​വാ​യി​ട്ടു​ള്ള കാ​ര്യ​ങ്ങ​ൾ മാ​ത്രം കേ​ൾ​ക്കു​ന്ന ഇ​ന്ന​ത്തെ ലോ​ക​ത്തി​ൽ ആ​ൾ​ക്കാ​രെ കു​റ​ച്ചു നേ​രം ചി​രി​പ്പി​ക്കാ​നും വി​നോ​ദം പ​ക​രാ​നു​മാ​ണ് ഞാ​ൻ ശ്ര​മി​ക്കു​ന്ന​ത്. അ​തു ചി​ല​പ്പോ​ൾ കോ​പ്രാ​യ​ങ്ങ​ളാ​കാം. അ​വി​ടെ എന്‍റെ ഈ​ഗോ​യ​ല്ല, എ​ന്‍റെ ജോ​ലി​യാ​ണ് ഞാ​ൻ നോ​ക്കു​ന്ന​ത്.

സ്റ്റേ​ജി​ൽ നി​ന്നും സി​നി​മ​യി​ലേ​ക്ക്

ബൈ​ക്ക് ഓ​ടി​ക്കു​ന്ന​തു​കൊ​ണ്ടാ​ണ് ദു​ൽ​ഖ​റിന്‍റെ നീ​ലാ​കാ​ശം പ​ച്ച​ക്ക​ട​ൽ ചു​വ​ന്ന ഭൂ​മി​യി​ലേ​ക്ക് അ​ഭി​ന​യി​ക്കാ​ൻ വി​ളി​ക്കു​ന്ന​ത്. അ​തു ക​ഴി​ഞ്ഞ് ലാ​സ്റ്റ് സ​പ്പ​ർ, ര​ഞ്ജി​ത് സാ​റിന്‍റെ ഞാ​ൻ, ജോ ​ആ​ൻഡ് ​ബോ​യി, ലോ​ഹം, പ്രേ​തം തു​ട​ങ്ങി പ​തി​നാ​ലോ​ളം സി​നി​മ​യി​ൽ അ​ഭി​ന​യി​ച്ചു. നാ​ഗ​ശൗ​ര്യ നാ​യ​ക​നാ​യി ന​ന്ദി​നി റെ​ഡി സം​വി​ധാ​നം ചെ​യ്ത ക​ല്യാ​ണ വൈ​ഭോ​ഗ​മേ എ​ന്ന തെ​ലു​ങ്കു ചി​ത്ര​ത്തി​ലും നാ​യി​ക​യാ​യി​രു​ന്നു. മ​മ്മൂ​ക്ക​യു​ടെ ശ്യം​ധ​റിന്‍റെ ചി​ത്ര​മാ​ണ് ഇ​പ്പോ​ൾ ചെ​യ്ത​ത്. ഒ​രു ജേ​ർ​ണ​ലി​സ്റ്റി​ന്‍റെ വേ​ഷ​ത്തി​ലാ​ണ് അ​ഭി​ന​യി​ച്ചി​രി​ക്കു​ന്ന​ത്.

മി​നി​സ്ക്രീ​നി​ലും ബി​ഗ് സ്ക്രീ​നി​ലേ​ക്കെ​ത്തു​ന്പോ​ൾ

ആ​ങ്ക​റിം​ഗും സി​നി​മ​യും എ​നി​ക്ക് ഏ​റെ ഇ​ഷ്ട​മാ​ണ്. പി​ന്നെ സി​നി​മ കു​റ​ച്ചുകൂ​ടി ച​ല​ഞ്ചിം​ഗാ​ണ്. ഞാ​ൻ മ​റ്റൊ​രാ​ളാ​യി മാ​റു​ക​യാ​ണ് അ​വി​ടെ. സി​നി​മ ആ​യാ​ലും ടെ​ലി​വി​ഷ​ൻ പ​രി​പാ​ടി​യാ​ണെ​ങ്കി​ലും ഏ​തു ടീ​മി​നൊ​പ്പ​വും ചേ​ർ​ന്നു പോ​കാ​ൻ പ​റ്റു​മെ​ങ്കി​ൽ ഞാ​ൻ കം​ഫ​ർ​ട്ട​ബി​ളാ​ണ്.

സി​നി​മ​യു​ടെ മ​റ്റു ​മേ​ഖ​ല​ക​ൾ

സം​വി​ധാ​ന​ത്തി​നോ​ട് എ​നി​ക്ക് ഏ​റെ ഇ​ഷ്ട​മു​ണ്ട്. മു​ന്പ് ദി ​പെ​ർ​ഫെ​ക്ഷ​നി​സ്റ്റ് എ​ന്ന സി​നി​മ​യ്ക്കാ​യി തി​ര​ക്ക​ഥ എ​ഴു​തി​യി​രു​ന്നു. യു​ട്യൂബി​ൽ അ​തി​ന്‍റെ ട്രെ​യി​ല​റു​ണ്ട്. ഞാ​ൻ തി​ര​ക്ക​ഥ​യും അ​ജ​യ് ദേ​വ് ലോ​ക സം​വി​ധാ​ന​വും നി​ർ​വ​ഹി​ച്ച​താ​ണ്. പ​ക്ഷേ, ആ ​ചി​ത്രം ഞ​ങ്ങ​ൾ​ക്കു പൂ​ർ​ത്തി​യാ​ക്കാ​ൻ സാ​ധി​ച്ചി​ല്ല.

സി​നി​മ​യും ആ​ങ്ക​റിം​ഗു​മ​ല്ലാ​തെ​യു​ള്ള ഇ​ഷ്ട​ങ്ങ​ൾ

ആ​ങ്ക​റിം​ഗും സി​നി​മ​യു​മൊ​ക്കെ യാ​ദൃ​ച്ഛി​ക​മാ​യി സം​ഭ​വി​ച്ച​താ​ണ്. എ​ന്‍റെ ഡാ​ഡി ഇന്‍റർ​നാ​ഷ​ണ​ൽ ത​ല​ത്തി​ൽ മോ​ട്ടി​വേ​ഷ​ൻ സ്പീ​ക്കിം​ഗ് ന​ട​ത്തു​ന്ന ആ​ളാ​ണ്. അ​പ്പോ​ൾ എ​ന്‍റേതാ​യ രീ​തി​യി​ൽ ഒ​രു മോ​ട്ടി​വേ​ഷ​ൻ സ്പീ​ക്ക​റാ​കാ​നാ​ണ് എ​നി​ക്കി​ഷ്ടം. പ​ക്ഷേ എ​ന്‍റെ ഇ​ടം കു​ട്ടി​ക​ളോ​ടൊ​ത്താ​ണ്. മ​ന​സി​നെ​പ്പ​റ്റി പ​ഠി​പ്പി​ക്കു​ന്പോ​ൾ അ​തു ചെ​റു​പ്പ​ത്തി​ൽ ത​ന്നെ പ​ഠി​ക്കു​മെ​ങ്കി​ൽ ഈ​സി​യാ​കും.

ആ​ങ്ക​റിം​ഗ്, സി​നി​മ ഇ​നി അ​ടു​ത്ത സ്റ്റെ​പ്

നാ​ള​ത്തെ ലോ​കം സോ​ഷ്യ​ൽ മീ​ഡി​യ​യു​ടേ​താ​ണ്. ഒ​രു ഷോ ​ആ​ങ്ക​ർ എ​ന്ന നി​ല​യി​ൽ ഇ​നി​യു​ള്ള ലോ​ക​ത്തി​ൽ യു​ട്യൂബ് ഷോ​സി​നു​ള്ള സ്കോ​പ്പി​നെ​പ്പ​റ്റി തി​രി​ച്ച​റി​വു​ണ്ട്. യു​ട്യൂബ് ചാ​ന​ൽ ലോ​ഞ്ച് ചെ​യ്ത​വ​ർ ബി​ല്യ​നേ​ഴ്സാ​ണ്. അ​വി​ടേ​ക്കി​ന്നു നി​ര​വ​ധി സ്പോ​ൺ​സേ​ഴ്സും ഇ​ൻ​വെ​സ്റ്റേ​ഴ്സും ക​ട​ന്നുവ​ന്നി​രി​ക്കു​ന്നു. യു​ട്യൂബ് ഷോ​സി​ലൂ​ടെ എ​ന്‍റെ ക്രി​യേ​റ്റി​വി​റ്റി​യു​മാ​യി ലോ​ക​ത്തിന്‍റെ മു​ന്പി​ലേ​ക്കാ​ണ് ഞാ​ൻ പെ​ർ​ഫോം ചെ​യ്യാ​നെ​ത്തു​ന്ന​ത്. അ​തു​കൊ​ണ്ട് ഇം​ഗ്ലീ​ഷി​ലാ​യി​രി​ക്കും ഷോ​സ് ചെ​യ്യു​ന്ന​ത്. മോ​ട്ടി​വേ​ഷ​ൻ ചി​ന്ത​ക​ൾ ലോ​ക​ത്തി​നോ​ട് പ​ങ്കു​വ​യ്ക്കു​ന്പോ​ൾ അ​തു മ​ല​യാ​ള​ത്തി​ലാ​യാ​ൽ പ്രാ​ദേ​ശി​ക​മാ​യി​പ്പോ​കും. ഷോ​സി​ന് എ​ന്‍റേ​താ​യ ശൈ​ലി​യും സ്വ​ഭാ​വ​വും ഉ​ണ്ടാ​കും. അ​ത് ഓ​രോ കാ​ഴ്ച​ക്കാ​ര​നും സ്വ​യം എ​ന്തെ​ന്നു തി​ര​ച്ച​റി​യാ​നു​ള്ള ക​രു​ത്ത് പ​ക​രു​ന്ന​താ​യി​രി​ക്കും.

യു​ട്യൂബ് ഷോ​സി​നു​ള്ള ത​യാ​റെ​ടു​പ്പു​ക​ൾ

അ​തി​ന്‍റെ സ്ക്രി​പ്ടിം​ഗ് വ​ർ​ക്കു​ക​ൾ ന​ട​ക്കു​ക​യാ​ണ്. എ​ല്ലാ ചൊ​വ്വാ​ഴ്ച​യും ഒ​രു എ​പ്പി​സോ​ഡ് എ​ന്ന നി​ല​യി​ൽ അപ് ലോ​ഡ് ചെ​യ്യാ​നാ​ണ് വി​ചാ​രി​ക്കു​ന്ന​ത്. ഇ​പ്പോ​ൾ ത​ന്നെ 4000 ഫോ​ളോ​വേ​ഴ്സ് യൂ​ട്യൂ​ബി​ലും ഇ​രു​പ​തു ല​ക്ഷ​ത്തി​ല​ധി​കം ഫോ​ളോ​വേ​ഴ്സ് ഫേ​സ്ബു​ക്കി​ലും ഏ​ഴു​ല​ക്ഷ​ത്തോ​ളം ഫോ​ളോ​വേ​ഴ്സ് ഇ​ൻ​സ്റ്റാ​ഗ്രാ​മി​ലും എ​നി​ക്കു​ണ്ട്. ന​മ്മു​ടെ ടാ​ല​ന്‍റാ​ണ് പ്രേ​ക്ഷ​ക​രി​ലേ​ക്കെ​ത്തി​ക്കാ​ൻ ശ്ര​മി​ക്കു​ന്ന​ത്. വി​നോ​ദം പ​ക​രു​ന്ന​തി​നേ​ക്കാ​ൾ മ​റ്റു​ള്ള​വ​രു​ടെ ജീ​വി​ത​ത്തി​ൽ മാ​റ്റം വ​രു​ത്തു​ന്ന​തി​നു ന​മു​ക്കു കാ​ര​ണ​മാ​ക​ണം. അ​താ​ണ് എ​നിക്ക് എ​ന​ർ​ജി പ​ക​രു​ന്ന​ത്.

നെ​ഗ​റ്റീ​വു​ക​ളോ​ടു​ള്ള സ​മീ​പ​നം

ഞാ​ൻ നോ​ക്കു​ന്ന​ത് എ​ന്നെ ഇ​ഷ്ട​പ്പെ​ടു​ന്ന ഒ​രാ​ളെ​ങ്കി​ലും ഉ​ണ്ടാ​കു​മ​ല്ലോ എ​ന്ന​താ​ണ്. ഈ​ഗോ​യി​ല്ലാ​യ്മ​യെ തൊ​ലി​ക്ക​ട്ടി​യെ​ന്നു പ​റ​യു​മെ​ങ്കി​ൽ അ​താ​ണ് ന​മ്മു​ടെ വി​ജ​യം. ഏ​റെ വി​മ​ർ​ശ​നം ഉ​യ​ർ​ന്ന ‘​തേ​ങ്ങാ​ക്കു​ല’ എ​ന്ന വീ​ഡി​യോ വ​ന്ന​പ്പോ​ൾ ആ​ദ്യ​മെ​നി​ക്കു വി​ഷ​മം ഉ​ണ്ടാ​യി​രു​ന്നു. അ​തി​നും മു​ക​ളി​ൽ പോ​സി​റ്റീ​വാ​യി ജീ​വി​ത​ത്തെ കാ​ണാ​ൻ സാ​ധി​ച്ച​തു​കൊ​ണ്ടാ​ണ് ഇ​പ്പോ​ഴും പ്രേ​ക്ഷ​ക​രു​ടെ മു​ന്നി​ലെ​നി​ക്കു നി​ൽ​ക്കാ​ൻ സാ​ധി​ക്കു​ന്ന​ത്. ലോ​ക​ത്തി​ൽ ന​മ്മ​ളെ ന​ന്നാ​ക്കാ​ൻ ആ​രും ശ്ര​മി​ക്കി​ല്ല. അ​തി​നു ന​മ്മ​ൾ ത​ന്നെ വി​ചാ​രി​ക്ക​ണം.

തി​ര​ക്കു​ക​ൾ​ക്കി​ട​യി​ൽ വി​വാ​ഹം

എ​നി​ക്കു ചു​റ്റു​മു​ള്ള​വ​രി​ൽ പോ​സി​റ്റീ​വ് ചി​ന്ത​ക​ൾ പ​ക​ർ​ന്ന് കൂ​ടു​ത​ൽ പേ​രി​ലേ​ക്കെ​ത്തി​ക്കേ​ണ്ട​താ​ണ് എ​ന്‍റെ ക​ർ​ത്ത​വ്യം. അ​തി​നു ശേ​ഷം മാ​ത്ര​മാ​ണ് എ​ന്‍റേ​താ​യ കാ​ര്യ​ങ്ങ​ളി​ലേ​ക്കു ശ്ര​ദ്ധി​ക്കൂ. എ​ല്ലാ​വ​രും സ​ന്തോ​ഷ​ത്തോ​ടും സ്നേ​ഹ​ത്തോ​ടും പ​ങ്കു​വ​ച്ചും ക​രു​തി​യും ജീ​വി​ക്കു​ന്ന​തി​ലേ​ക്കാ​ണ് ന​മ്മ​ൾ ചി​ന്തി​ക്കേ​ണ്ട​ത്. ഇ​തി​നി​ട​യി​ൽ ക​ല്യാ​ണ​വും സം​ഭ​വി​ക്കാം. എ​ങ്കി​ലും ഇ​പ്പോ​ഴ​തി​ൽ ഫോ​ക്ക​സ് ചെ​യ്യു​ന്നി​ല്ല.

കു​ടും​ബ​വും വി​ദ്യാ​ഭ്യാ​സ​വും

ഡാ​ഡി​യും മ​മ്മി​യും ഒ​രു അ​നു​ജ​ത്തി​യു​മാ​ണ് എ​നി​ക്കു​ള്ള​ത്. ബി.​ബി.​എ​യ്ക്കു ശേ​ഷം ബാം​ഗ്ലൂ​ർ ക്രൈ​സ്റ്റ് കോ​ള​ജി​ൽ നി​ന്നും മീ​ഡി​യ സൈ​ക്കോ​ള​ജി പൂ​ർ​ത്തി​യാ​ക്കി​യാ​ണ് ഈ ​ഫീ​ൽ​ഡി​ലേ​ക്കെ​ത്തു​ന്ന​ത്.

ലി​ജി​ൻ കെ ​ഈ​പ്പ​ൻ