പെൺകുട്ടിയെ ഓ​ട്ടോ​റി​ക്ഷ​യി​ൽ ത​ട്ടി​ക്കൊണ്ടുപോകാൻ ശ്രമം; രക്ഷപ്പെടാൻ ഓട്ടോയിൽ നിന്ന് ചാടിയ പെൺകുട്ടിക്ക് ഗുരുതരപരിക്ക്; സംഭവത്തെക്കുറിച്ച് പെൺകുട്ടി പറ‍‍യുന്നത്

തി​രു​വ​നന്തപു​രം: എ​ൻ​ജി​നീ​യ​റിം​ഗ് വി​ദ്യാ​ർ​ഥി​നി​യെ ഓ​ട്ടോ​റി​ക്ഷ​യി​ൽ ത​ട്ടി​ക്കൊ​ണ്ട് പോ​കാ​ൻ ശ്ര​മി​ച്ച കേ​സി​ലെ ഓ​ട്ടോ​റി​ക്ഷ ഡ്രൈ​വ​റെ കോ​ട​തി റി​മാ​ൻഡ് ചെ​യ്തു. ന​രു​വാ​മൂ​ട് ച​ള്ളി​വി​ള വീ​ട്ടി​ൽ കു​മാ​ര​ൻ (42) നെ​യാ​ണ് കോ​ട​തി റി​മാ​ൻ​ഡ് ചെ​യ്ത​ത്. ഇ​യാ​ൾക്ക് മാ​ന​സി​കാ​സ്വാ​സ്ഥ്യ​മു​ള്ളതായി ബ​ന്ധു​ക്ക​ൾ പോ​ലീ​സി​നോ​ട് പ​റ​ഞ്ഞു. എ​ന്നാ​ൽ ഇതു സംബന്ധിച്ച ചി​കി​ത്സാ രേ​ഖ​ക​ൾ പോ​ലീ​സി​ന് ന​ൽ​കി​യി​ട്ടി​ല്ല.

ഓ​ട്ടോ​റി​ക്ഷ​യി​ൽ നി​ന്നും പു​റ​ത്തേ​ക്ക് ചാ​ടി ര​ക്ഷ​പ്പെ​ട്ട വി​ദ്യാ​ർ​ഥി​നി ചാ​ക്ക​യി​ലെ സ്വ​കാ​ര്യാ​ശു​പ​ത്രി​യി​ൽ ചി​കി​ത്സ​യി​ലാ​ണ്. പെ​ണ്‍​കു​ട്ടി സു​ഖം പ്രാ​പി​ച്ച് വ​രു​ന്ന​താ​യി ബ​ന്ധു​ക്ക​ൾ പോ​ലീ​സി​നോ​ട് പ​റ​ഞ്ഞു. ഇ​ന്ന​ലെ രാ​വി​ലെ എ​ട്ട​ര​യോ​ടെ​യാ​ണ് എ​ൻ​ജി​നി​യ​റിം​ഗ് കോ​ള​ജ് വി​ദ്യാ​ർ​ഥി​നി​യാ​യ പെ​ണ്‍​കു​ട്ടി ക​ണ്ണ​മ്മൂ​ല​യി​ലെ ഡാ​ൻ​സ് സ്കൂ​ളി​ൽ നി​ന്നും ക്ലാ​സ് ക​ഴി​ഞ്ഞ്  വീ​ട്ടി​ലേ​ക്ക് പോ​കാ​ൻ ഓ​ട്ടോ​റി​ക്ഷ​യി​ൽ ക​യ​റി​യ​ത്.

മെ​ഡി​ക്ക​ൽ കോ​ള​ജി​ൽ സ​വാ​രി ക​ഴി​ഞ്ഞ് മ​ട​ങ്ങി വ​രി​ക​യാ​യി​രു​ന്ന കു​മാ​ര​ന്‍റെ ഓ​ട്ടോ​റി​ക്ഷ​യ്ക്ക് കൈ​കാ​ണി​ച്ച് നി​ർ​ത്തി ഓ​ട്ടോ​റി​ക്ഷ​യി​ൽ ക​യ​റി​യ പെ​ണ്‍​കു​ട്ടി​യോ​ട് കു​മാ​ര​ൻ മോ​ശ​മാ​യി സം​സാ​രി​ച്ചു. ഇ​യാ​ളു​ടെ സം​ഭാ​ഷ​ണ​ത്തി​ൽ  പെ​ണ്‍​കു​ട്ടി അ​നി​ഷ്ടം പ്ര​ക​ടി​പ്പി​ച്ചി​രു​ന്നു. ഇ​തി​നി​ടെ പേ​ട്ട പ​ള്ളി​മു​ക്കി​ലെ​ത്തി​യ​പ്പോ​ൾ ഓ​ട്ടോ നി​ർ​ത്താ​ൻ പെ​ണ്‍​കു​ട്ടി ആ​വ​ശ്യ​പ്പെ​ട്ടെ​ങ്കി​ലും കു​മാ​ര​ൻ ഓ​ട്ടോ​റി​ക്ഷ നി​ർ​ത്താ​തെ പേ​ട്ട ഭാ​ഗ​ത്തേ​ക്ക് പോ​യി.

പ​രി​ഭ്രാ​ന്ത​യാ​യ പെ​ണ്‍​കു​ട്ടി നി​ല​വി​ളി​ച്ചെ​ങ്കി​ലും കു​മാ​ര​ൻ ഓ​ട്ടോ​റി​ക്ഷ നി​ർ​ത്തി​യി​ല്ല. പെ​ണ്‍​കു​ട്ടി മൊ​ബൈ​ൽ  ഫോ​ണി​ൽ നി​ന്നും പോ​ലീ​സ് ക​ണ്‍​ട്രോ​ൾ റൂ​മി​ൽ വി​വ​രം അ​റി​യി​ച്ചു. ഗ​താ​ഗ​ത​കു​രു​ക്കി​നി​ടെ വ​ഴി മാ​റ്റി ഓ​ട്ടോ​റി​ക്ഷ ആ​ന​യ​റ​പ്പാ​ല​ത്തി​ലൂ​ടെ ഓ​ടി​ച്ച് പോ​ക​വെ പെ​ണ്‍​കു​ട്ടി​യു​ടെ നി​ല​വി​ളി കേ​ട്ട് ടൂ​വീ​ല​ർ യാ​ത്ര​ക്കാ​രും പോ​ലീ​സി​ൽ വി​വ​രം അ​റി​യി​ച്ചു. ഇ​തി​നി​ടെ ഓ​ടി​ക്കൊ​ണ്ടി​രു​ന്ന ഓ​ട്ടോ​റി​ക്ഷ​യി​ൽ നി​ന്നും പെ​ണ്‍​കു​ട്ടി പു​റ​ത്തേ​ക്ക് ചാ​ടി ര​ക്ഷ​പ്പെ​ടു​ക​യാ​യി​രു​ന്നു.

നി​ല​ത്ത് വീ​ണ പെ​ണ്‍​കു​ട്ടി​യെ നാ​ട്ടു​കാ​രും പോ​ലീ​സും ചേ​ർ​ന്ന് ചാ​ക്ക​യി​ലെ സ്വ​കാ​ര്യാ​ശു​പ​ത്രി​യി​ൽ പ്ര​വേ​ശി​പ്പി​ക്കു​ക​യാ​യി​രു​ന്നു. പോ​ലീ​സും നാ​ട്ടു​കാ​രും ചേ​ർ​ന്ന് കു​മാ​ര​നെ പി​ടി​കൂ​ടു​ക​യാ​യി​രു​ന്നു. ര​ക്ഷ​പ്പെ​ടു​ന്ന ശ്ര​മ​ത്തി​നി​ട​യി​ൽ പെ​ണ്‍​കു​ട്ടി​യു​ടെ ര​ണ്ട് പ​ല്ലു​ക​ൾ കൊ​ഴി​യു​ക​യും ത​ല​യ്ക്ക് പ​രി​ക്കേ​ൽ​ക്കു​ക​യു​മാ​യി​രു​ന്നു.  പ​ട്ടാ​പ്പ​ക​ൽ ന​ഗ​ര​ത്തി​ൽ പെ​ണ്‍​കു​ട്ടി​യെ ത​ട്ടി​ക്കൊ​ണ്ട് പോ​കാ​ൻ ശ്ര​മി​ച്ച സം​ഭ​വം അ​റി​ഞ്ഞ് നാ​ട്ടു​കാ​ർ പ​രി​ഭ്രാ​ന്തി​യി​ലാ​ണ്.