പു​ഴ​പ്പാ​ലം പ​മ്പു​ഹൗ​സ് ത​ട​യ​ണ​യി​ൽ പാ​ഴ്ച്ചെ​ടി ചീ​ഞ്ഞ് വെ​ള്ള​ത്തി​നു ദു​ർ​ഗ​ന്ധം രൂ​ക്ഷം;   തടയണ ശുചീകരിക്കണമെന്ന ആവശ്യം ശക്തമായി

ചി​റ്റൂ​ർ: വാ​ട്ട​ർ അ​ഥോ​റി​റ്റി​ക്കു കീ​ഴി​ലു​ള്ള പു​ഴ​പ്പാ​ലം പ​ന്പു​ഹൗ​സി​നോ​ടു ചേ​ർ​ന്ന ത​ട​യ​ണ​യി​ൽ പാ​ഴ്ചെ​ടി​ക​ൾ ചീ​ഞ്ഞ് വെ​ള്ള​ത്തി​നു ദു​ർ​ഗ​ന്ധം രൂ​ക്ഷം. പു​ഴ​പ്പാ​ലം​മു​ത​ൽ പാ​റ​ക്ക​ളം നി​ല​ന്പ​തി​പ്പാ​ലം​വ​രെ അ​ര​കി​ലോ​മീ​റ്റ​ർ ദൂ​ര​ത്തി​ലാ​ണ് ത​ട​യ​ണ​യി​ൽ വെ​ള്ളം ശേ​ഖ​രി​ക്കു​ന്ന​ത്. ത​ട​യ​ണ​യു​ടെ മേ​ൽ​ഭാ​ഗ​ത്ത് ചെ​ടി​ത്തൂ​പ്പു​ക​ൾ നി​റ​ഞ്ഞ് ര​ണ്ടാ​ഴ്ച​മു​ന്പ് മീ​നു​ക​ൾ കൂ​ട്ട​ത്തോ​ടെ ച​ത്തു​പൊ​ങ്ങി​യി​രു​ന്നു.

ക​ഴി​ഞ്ഞ​മാ​സം ചി​റ്റൂ​ർ-​ത​ത്ത​മം​ഗ​ലം ന​ഗ​ര​സ​ഭ പു​ഴ സം​ര​ക്ഷ​ണ​ന​ട​പ​ടി സ്വീ​ക​രി​ച്ച് പു​ഴ​യ്ക്ക് ഇ​രു​വ​ശ​ത്തെ പാ​ഴ്ചെ​ടി​ക​ൾ നീ​ക്കം ചെ​യ്തി​രു​ന്നു.എ​ന്നാ​ൽ കു​ടി​വെ​ള്ള ത​ട​യ​ണ​യി​ൽ അ​ടി​ഞ്ഞു​കൂ​ടി​യ പാ​ഴ്ചെ​ടി​ക​ൾ നീ​ക്കം ചെ​യ്തി​രു​ന്നി​ല്ല. മ​തി​യാ​യ ശു​ചീ​ക​ര​ണ​മി​ല്ലാ​ത്ത​തി​നാ​ൽ ക​ഴി​ഞ്ഞ​വ​ർ​ഷം മേ​യി​ൽ കു​ടി​വെ​ള്ള​വി​ത​ര​ണം അ​ഥോ​റി​റ്റി ഒ​രാ​ഴ്ച​യോ​ളം നി​ർ​ത്തി​വ​ച്ചി​രു​ന്നു.

ജ​ന​ങ്ങ​ളു​ടെ പ​രാ​തി​യെ തു​ട​ർ​ന്ന് അ​ന്ന​ത്തെ ജി​ല്ലാ ക​ള​ക്ട​ർ ചി​റ്റൂ​ർ​പു​ഴ ത​ട​യ​ണ പ്ര​ദേ​ശ​ത്തെ ജ​ല​വി​ത​ര​ണം നി​ർ​ത്തി​വ​യ്ക്കാ​നും ത​ട​യ​ണ​യി​ലെ വെ​ള്ളം ഒ​ഴു​ക്കി​ക​ള​യാ​നും നി​ർ​ദേ​ശം ന​ല്കി​യി​രു​ന്നു. പി​ന്നീ​ട് കു​ന്ദം​കാ​ട്ടു​പ​തി​യി​ൽ​നി​ന്നും വെ​ള്ളം​വി​ട്ടാ​ണ് കു​ടി​വെ​ള്ള​വി​ത​ര​ണം പു​ന​രാ​രം​ഭി​ച്ച​ത്.

ചി​റ്റൂ​ർ-​ത​ത്ത​മം​ഗ​ലം ന​ഗ​ര​സ​ഭ​യു​ടെ ചി​ല ഭാ​ഗ​ങ്ങ​ളി​ലേ​ക്ക് പു​തു​ന​ഗ​രം, പെ​രു​വെ​ന്പ്, കൊ​ടു​വാ​യൂ​ർ എ​ന്നി​വി​ട​ങ്ങ​ളി​ലേ​ക്കും കു​ടി​വെ​ള്ളം വി​ത​ര​ണം ചെ​യ്യു​ന്ന​ത് പു​ഴ​പ്പാ​ലം ജ​ല​സം​ഭ​ര​ണി​യി​ൽ​നി​ന്നാ​ണ്. എ​ത്ര​യും​വേ​ഗം ത​ട​യ​ണ​യി​ൽ വ്യാ​പി​ച്ച പാ​ഴ്ചെ​ടി​ക​ൾ ശു​ചീ​ക​രി​ച്ച് ജ​ലം സം​ര​ക്ഷി​ക്ക​ണ​മെ​ന്നാ​ണ് ജ​ന​ങ്ങ​ൾ ആ​വ​ശ്യ​പ്പെ​ടു​ന്ന​ത്.