നാഗ്പുർ: നായകൻ വിരാട് കോഹ്ലിയാണെങ്കിലും ഇന്ത്യൻ ക്രിക്കറ്റ് ടീമിലെ സൂപ്പർ താരം ഇപ്പോഴും എം.എസ്. ധോണിയാണ്. ഗ്രൗണ്ടിൽ മാത്രമല്ല, ആരാധകർക്കൊപ്പമുള്ള അദ്ദേഹത്തിന്‍റെ നിമിഷങ്ങളും വാർത്തയാകാറുണ്ട്. ഇത്തരത്തിലൊരു ദൃശ്യമാണ് ഇപ്പോൾ സമൂഹമാധ്യമങ്ങളിൽ വ്യാപകമായി പ്രചരിക്കുന്നത്. ഇന്ത്യ-ഓസ്ട്രേലിയ രണ്ടാം ഏകദിനത്തിനിടെ ധോണിയുടെ സമീപമെത്താൻ ശ്രമിച്ച ആരാധകനു ധോണി നൽകിയ പ്രതികരണമാണ് വീഡിയോ വൈറലാകാൻ കാരണം. ഇന്ത്യ പിന്നീട് ഫീൽഡിംഗിന് ഇറങ്ങവെ ഒരു ആരാധകൻ ധോണിയുടെ സമീപത്തേക്ക് ഓടിയെത്തി. ഇതുകണ്ട ധോണി ആരാധകൻ അടുത്തുവരാതിരിക്കാനെന്ന വ്യാജേന സഹതാരങ്ങൾക്കിടയിലൂടെ ഓടുകയായിരുന്നു. ആരാധകൻ സമീപത്തേക്കു വന്നതോടെ ഓടിമാറിയ ധോണി ആദ്യം രോഹിത് ശർമയ്ക്ക് പിന്നിൽ മറഞ്ഞിരുന്നു. പിന്നീട് സഹതാരങ്ങൾക്കിടയിലൂടെ ഓടി മാറി. ഒടുവിൽ ക്രീസിനു സമീപം ഓട്ടമവസാനിപ്പിച്ച ധോണിയെ ആരാധകൻ ആലിംഗനം ചെയ്യുന്നതും വീഡിയോയിലുണ്ട്. പിന്നീട് സുരക്ഷാ ഉദ്യോഗസ്ഥരെത്തി ആരാധകനെ പുറത്തേക്കു കൂട്ടിക്കൊണ്ടുപോയി. രസകരമായ വീഡിയോ നിമിഷനേരംകൊണ്ട് സമൂഹമാധ്യമങ്ങളിൽ വൈറലായി. When Dhoni becomes…
Read Moreഗ്രൗണ്ടിൽ ആരാധകനെ ഓടിത്തോൽപ്പിച്ച് ധോണി, ചിരിയോടെ സഹതാരങ്ങൾ (വീഡിയോ)
