സ്ത്രീ ഹോര്മോണുകളുടെ സന്തുലിതാവസ്ഥ നഷ്ടപ്പെടുന്ന ആരോഗ്യപ്രശ്നമാണ് പോളിസിസ്റ്റിക് ഓവറി സിന്ഡ്രോം. പ്രധാനമായും ജീവിതശൈലിയുമായി ബന്ധപ്പെട്ടിരിക്കുന്നു. ദിവസവും 45 മിനിട്ട് വ്യായാമത്തിന് മാറ്റിവയ്ക്കണം. പിസിഒഡിയുള്ളവർ ആഹാരശീലങ്ങളിൽ ശ്രദ്ധിക്കേണ്ട ചില കാര്യങ്ങൾ…
കടുംചുവപ്പ് നിറത്തിലുള്ള പഴങ്ങള്
ആന്റി ഓക്സിഡന്റുകള് സമ്പുഷ്ടമായ പഴങ്ങള് (മഞ്ഞയും, ചുവപ്പും നിറത്തിലുള്ളവ) പിസിഒഡി പ്രശ്നങ്ങള്ക്ക് വളരെ ഗുണകരമാണ്. ദിവസം കുറഞ്ഞത് രണ്ട് സെര്വിംഗ് പഴങ്ങളെങ്കിലും കഴിക്കണം. പഴങ്ങള് അഡ്രിനല് ഹോര്മോണുകളുടെ അസന്തുലിതാവസ്ഥ ഇല്ലാതാക്കുന്നു. കടുംചുവപ്പ് നിറത്തിലുള്ള പഴങ്ങള് അണ്ഡോത്പാദനത്തിന് സഹായിക്കുന്നു (ചുവന്ന മുന്തിരി, ബ്ലൂബെറി, ബ്ലാക്ബറി, ചെറി).
പച്ച ഇലക്കറികൾ, പച്ചക്കറികൾ
പച്ച ഇലക്കറികളിലും പച്ചക്കറികളിലും വിറ്റമിന് കെ, ഫോളേറ്റ്, ഇരുമ്പ് ഉള്പ്പെടെ ആവശ്യ വിറ്റാമിനുകളും ധാതുക്കളും ധാരാളം അടങ്ങിയിട്ടുണ്ട്. ഒരു ദിവസം കുറഞ്ഞത് രണ്ടര കപ്പ് പച്ചക്കറികള് എങ്കിലും കഴിക്കണം. ലഘുഭക്ഷണത്തിനായി പച്ചയായ സാലഡുകള് ഉപയോഗിക്കാം. കിഴങ്ങുവര്ഗങ്ങള് (മരച്ചീനി, ചേമ്പ്, ഉരുളക്കിഴങ്ങ്, കാച്ചില്) പോലുള്ളവ നിയന്ത്രിച്ച് മാത്രം ഉപയോഗിക്കാം.
പാടനീക്കിയ പാലുത്പന്നങ്ങൾ
പാടനീക്കിയ പാലുത്്പന്നങ്ങള് എന്നിവ 200 മില്ലി ലിറ്റർ എന്ന ക്രമത്തില് മാത്രമേ ഉപയോഗിക്കാവൂ. പാലുത്പന്നങ്ങളായ തൈര്, മോര് എന്നിവയില് കാല്സ്യം, ഫോസ്ഫറസ് എന്നിവ ധാരാളമടങ്ങിയിട്ടുണ്ട്. ഇത് ശരിയായ ആരോഗ്യം സംരക്ഷിക്കുന്നു.
ഒഴിവാക്കേണ്ട ആഹാരങ്ങള്
- സംസ്കരിച്ച ഭക്ഷണങ്ങള്, മധുരമുള്ള ലഘുഭക്ഷണങ്ങള്, ഫാസ്റ്റ് ഫുഡുകള്, കാര്ബണേറ്റഡ് ബിവറേജസുകള്, കൊഴുപ്പ് കൂടുതലുള്ള ആഹാരങ്ങള്, പഞ്ചസാര അടങ്ങിയ ശീതളപാനീയങ്ങള്, എനര്ജി ഡ്രിങ്കുകള് എന്നിവ ഒഴിവാക്കുന്നതാണ് നല്ലത്.
- കേക്കുകള്, മിഠായികള്, മറ്റു മധുര പലഹാരങ്ങള് എന്നിവ വളരെ കുറച്ചു മാത്രമേ കഴിക്കാന് പാടുള്ളൂ.
- കാപ്പി, ചായ എന്നിവയുടെ അമിത ഉപയോഗം നല്ലതല്ല.
- ചുവന്ന മാംസം, സോസേജുകള് എന്നിവയുടെ ഉപയോഗം പിസിഒഡി സാധ്യത വര്ധിപ്പിക്കുന്നു.
- ഉയര്ന്ന ഗ്ലൈസീമിക് ഇന്ഡക്സ് ഉള്ള ഭക്ഷണങ്ങളും ഡയറ്റില് നിന്നും ഒഴിവാക്കണം. പിസിഒഡി ഉള്ള സ്ത്രീകളില് മദ്യം കരളിന്റെ പ്രവര്ത്തനം, ഹോര്മോണ് ബാലന്സ്, ഇന്സുലിന് പ്രതിരോധം എന്നിവയെ ദോഷകരമായി ബാധിക്കും.
