ആരാണ് ഇഷ്ടപ്പെട്ട രാഷ്ട്രീയ നേതാവെന്ന ചോദ്യത്തിന് നടി താപ്സി പന്നു നല്കിയ മറുപടിയാണ് ഇപ്പോൾ സമൂഹമാധ്യമങ്ങളില് വൈറലാകുന്നത്. ഒരു ടെലിവിഷന് പരിപാടിയില് നിന്നുള്ള വീഡിയോ ക്ലിപ്പാണ് ഇപ്പോള് പ്രചരിക്കുന്നത്.
അവതാരകന് താരത്തിനോട് ആരാണ് നിങ്ങളുടെ പ്രിയപ്പെട്ട രാഷ്ട്രീയ നേതാവെന്ന് ചോദിച്ചുകൊണ്ട് പ്രധാനമന്ത്രി നരേന്ദ്ര മോദിയുടെയും ലോക്സഭാ പ്രതിപക്ഷ നേതാവ് രാഹുല് ഗാന്ധിയുടെയും ചിത്രങ്ങള് താപ്സിയെ കാണിക്കുന്നു.
പ്രധാനമന്ത്രി നരേന്ദ്ര മോദിയെയാണ് താപ്സി ചൂണ്ടിക്കാണിച്ചത്. എന്തുകൊണ്ടാണ് താപ്സി മോദിയെ തെരഞ്ഞെടുത്തതെന്ന് ചോദിച്ചപ്പോൾ താരം നല്കിയ മറുപടിയാണ് വേറലായിരിക്കുന്നത്.
‘എനിക്ക് ഇനിയും ഈ രാജ്യത്ത് ജീവിക്കണം’ എന്നായിരുന്നു അവര് പറഞ്ഞത്. നിരവധിപ്പേരാണ് താപ്സിയുടെ ഈ മറുപടിയെ പ്രശംസിച്ച് രംഗത്തെത്തിയത്. ഇതിഹാസപരമായ ട്രോളെന്നാണ് പലരും ഇതിനെ വിശേഷിപ്പിച്ചത്.
