കൊല്ലം: യുഎസ്- ഇസ്രയേൽ സംയുക്ത ആക്രമണം ആരംഭിച്ചതിനെത്തുടർന്ന് ഇറാൻ ഗൾഫ് രാജ്യങ്ങളെ വ്യാപകമായി ആക്രമിക്കാൻ ആരംഭിച്ചതോടെ ഹോങ്കോംഗില്നിന്ന് സൗദി അറേബ്യയിലേക്ക് പോകുകയായിരുന്ന കപ്പല് കൊല്ലം തുറമുഖത്ത് അടുപ്പിച്ചു.
ഓഫ് ഷോര് സപ്ലൈ വെസല് ആണ് കൊല്ലം തുറമുഖത്ത് നങ്കൂരമിട്ടത്. ആക്രമണം വ്യാപിച്ചിരിക്കുന്നതിനാല് സൗദി അറേബ്യന് തീരത്തേക്കു പോകാന് കഴിയാത്ത സാഹചര്യത്തില് കൊല്ലം തുറമുഖത്ത് നങ്കൂരമിടുന്നതിന് കപ്പല് അധികൃതര് അനുമതി തേടുകയായിരുന്നു.
കസ്റ്റംസ്, ഇമിഗ്രേഷന് ക്ലിയറന്സ് പൂര്ത്തിയാക്കി കപ്പല് സുരക്ഷിത കേന്ദ്രത്തില് അടുപ്പിച്ചിട്ടുണ്ട്. ഗള്ഫ് മേഖലയില് ആക്രമണം തുടങ്ങിയതിനു പിന്നാലെ അത്യാവശ്യ ഘട്ടത്തില് കപ്പലുകള് അടുപ്പിക്കാനുള്ള സൗകര്യം ഒരുക്കണമെന്ന് പോര്ട്ട് അധികൃതര്ക്ക് കേന്ദ്രസർക്കാർ നിര്ദേശം നല്കിയിരുന്നു.
