നേപ്പാളിലുണ്ടായ കനത്ത പ്രളയത്തിൽ ദുരിതത്തിലായ കുട്ടികൾക്കും കുടുംബങ്ങൾക്കും കൈത്താങ്ങായി കെ-പോപ്പ് ബാന്റായ സ്ട്രേ കിഡ്സിലെ ലീ നോ. ദുരിതാശ്വാസ പ്രവർത്തനങ്ങൾക്കായി 10 കോടി വോൺ (ഏകദേശം 100 million won) ആണ് താരം സംഭാവന നൽകിയത്.
അന്താരാഷ്ട്ര ദുരിതാശ്വാസ സംഘടനയായ വേൾഡ് വിഷൻ കൊറിയ വഴി ഓഗസ്റ്റ് 28നാണ് അദ്ദേഹം തുക കൈമാറിയതെന്ന് ജെവൈപി എന്റർടൈൻമെന്റ് വ്യക്തമാക്കി. ദുരന്തബാധിതർക്ക് ഭക്ഷണം, താത്ക്കാലിക പാർപ്പിടം, കുടിവെള്ളം, ശുചിത്വ സൗകര്യങ്ങൾ എന്നിവ ഉറപ്പാക്കാൻ ഈ തുക വിനിയോഗിക്കും.
കഠിനമായ സാഹചര്യത്തിലൂടെ കടന്നുപോകുന്ന ജനങ്ങൾക്ക് തന്റെ ചെറിയ സംഭാവന ആശ്വാസമാകുമെന്ന് കരുതുന്നതായും, പ്രളയബാധിതരും ദുരിതാശ്വാസ പ്രവർത്തകരും എത്രയും വേഗം സാധാരണ ജീവിതത്തിലേക്ക് മടങ്ങിയെത്തട്ടെ എന്ന് പ്രാർത്ഥിക്കുന്നതായും 27-കാരനായ താരം പ്രസ്താവനയിൽ പറഞ്ഞു.
