ബെര്‍ലിന്‍: ജര്‍മനിയില്‍ വളരെ വര്‍ഷങ്ങളായി ജീവിത നിലവാര സൂചികക്ക് അനുസരണമായി വര്‍ധിപ്പിക്കാതിരുന്ന പെന്‍ഷന്‍ ഈ വരുന്ന ജൂലൈ ഒന്നു മുതല്‍ വര്‍ധിപ്പിക്കുന്നു. ഇപ്പോഴത്തെ കണക്കനുസരിച്ച് 20.05 മില്യണ്‍ പെന്‍ഷന്‍ വാങ്ങുന്നവര്‍ക്കാണ് ഈ വര്‍ധന ലഭിക്കുന്നത്. പെന്‍ഷന്‍ തുകയുടെ വ്യത്യാസം അനുസരിച്ച് പടിഞ്ഞാറന്‍ സംസ്ഥാനങ്ങളില്‍ ഉള്ളവര്‍ക്ക് 4.25 ശതമാനവും കിഴക്കന്‍ സംസ്ഥാനങ്ങളില്‍ നിന്നുമുള്ളവര്‍ക്ക് 5.25 ശതമാനമാണു വര്‍ധന. ഈ വര്‍ധനയില്‍ പടിഞ്ഞാറന്‍ സംസ്ഥാനങ്ങളില്‍ ആയിരം യൂറോ മാസ പെന്‍ഷന്‍ തുക 42.50 യൂറോയും കിഴക്കന്‍ സംസ്ഥാനങ്ങളില്‍ 59.50 യൂറോയും ആയി വര്‍ധിക്കും.
പുതിയ പെന്‍ഷന്‍ വര്‍ധനയോടെ നികുതി നല്‍കാനുള്ള വാര്‍ഷിക വരുമാനം 8472 യൂറോ പടിഞ്ഞാറന്‍ സംസ്ഥാനങ്ങളില്‍ 180 യൂറോ വര്‍ധിപ്പിച്ച് 8652 ആക്കി. ദമ്പതികള്‍ക്ക് നികുതി നല്‍കാനുള്ള വാര്‍ഷിക വരുമാനം 17.304 യൂറോയും. വര്‍ഷത്തില്‍ അസാധാരണ ചെലവുകള്‍ക്ക് പരമാവധി നികുതി ഇളവ് 2016ല്‍ 22.767 യൂറോ ആണ്. ഈ വര്‍ഷം 2015 ല്‍ അസാധാരണ ചെലവുകള്‍ക്ക് പരമാവധി നികുതി ഇളവ് 22.172 മാത്രമാണ്.
ജര്‍മനിയിലെ ആദ്യകാല പ്രവാസികളില്‍ 90 ശതമാനത്തിലേറെ പെന്‍ഷന്‍ ആസ്വദിക്കുന്ന ഈ സമയത്ത് പെന്‍ഷന്‍ വര്‍ധനവ് വളരെയേറെ ആശ്വാസപ്രദമാണ്.
അതുപോല ജര്‍മനിയില്‍ പെന്‍ഷനായശേഷം വീട്ടില്‍ പാര്‍ട്ട് ടൈം ജോലി ചെയ്യുന്നവര്‍ക്ക് അവരുടെ ജോലി ചെയ്യുന്ന മുറിയുടെ ചെലവ് നികുതി ഇളവായി ലഭിക്കും. എന്നാല്‍ ഈ പാര്‍ട്ട് ടൈം ജോലിയില്‍ നിന്നും വരുമാനം ഉണ്ടായിരിക്കണം.
റിപ്പോര്‍ട്ട്: ജോര്‍ജ് ജോണ്‍
