സഹപാഠിയെ ക്രൂരമായി പൊള്ളലേൽപ്പിച്ചു; ഉറ്റ സുഹൃത്ത് പോലീസ് കസ്റ്റഡിയിൽ; സംഭവം മറച്ചു വെച്ച മൂന്ന് കുട്ടികൾക്ക് സസ്പെൻഷൻ

തി​രു​വ​ന​ന്ത​പു​രം: വെ​ള്ളാ​യ​ണി കാ​ര്‍​ഷി​ക കോ​ള​ജി​ല്‍ പെ​ണ്‍​കു​ട്ടി​യെ ക്രൂ​ര​മാ​യി പൊള്ളലേല്‍പ്പിച്ച സം​ഭ​വത്തിൽ സ​ഹ​പാ​ഠി പോലീസ് കസ്റ്റഡിയില്‍. ആ​ന്ധ്രാ സ്വ​ദേ​ശി​നി​ ലോഹിതയാണ് പിടിയിലായത്.

ഈ മാസം 18 നായിരുന്നു സംഭവം. ആ​ന്ധ്രാ സ്വ​ദേ​ശി​നി​യാ​യ ദീപികയ്ക്കാണ് പൊ​ള്ള​ലേ​റ്റ​ത്. വെ​ള്ളാ​യ​ണി കാ​ര്‍​ഷി​ക കോ​ള​ജ് നാലാം വർഷ അഗ്രികൾച്ചർ വിദ്യാര്‍ഥികളാണ് ഇരുവരും. ഹോ​സ്റ്റ​ലി​ല്‍ ഒ​രു മു​റി​യി​ലാ​യി​രു​ന്നു താ​മ​സം. വഴക്കിനെ തുടർന്ന് ലോഹിത പൊള്ളലേൽപ്പിക്കുകയായിരുന്നു.

ഇന്‍ഡക്ഷന്‍ കുക്കറില്‍ ഉപയോഗക്കുന്ന സ്റ്റീല്‍ പാത്രമുപയോഗിച്ചാണ് പൊള്ളലേൽപ്പിച്ചത്. മൊബൈ ല്‍ ചര്‍ജര്‍ കൊണ്ട് തലയിലടിച്ച് പരിക്കേല്‍പ്പിക്കുകയുമുണ്ടായി. മാതാപിതാക്കള്‍ക്കൊപ്പം വിളിച്ചു വരുത്തിയ ലോഹിതയെ പോലീസ് കസ്റ്റഡിയില്‍ എടുക്കുകയായിരുന്നു.

വിഷയവുമായി ബന്ധപ്പെട്ട് ഒരു ആണ്‍കുട്ടിയും മലയാളി വിദ്യാര്‍ഥിനിയുമടക്കം മൂന്നു വിദ്യാര്‍ഥികളെ കോളജ് സസ്‌പെന്‍ഡ് ചെയ്തു. പൊള്ളലേല്‍പ്പിച്ച വിവരം മറച്ചുവച്ചതിനാണ് സസ്‌പെന്‍ഷന്‍.

Related posts

Leave a Comment