മലയാളികളുടെ പ്രിയപ്പെട്ട താരദമ്പതികളായ ജയറാമിന്‍റെയും പാർവതിയുടെയും മകൾ മാളവിക എന്ന ചക്കിയുടെ വിവാഹവും മറ്റ് ആഘോഷപരിപാടികളും സോഷ്യൽ മീഡിയയിൽ വൈറലായിരുന്നു. ചക്കിയുടെ മേക്കപ്പ്, വിവാഹ വസ്ത്രങ്ങൾ, ആഭരണങ്ങൾ തുടങ്ങിയവയൊക്കെ ശ്രദ്ധ നേടി.
ചക്കിയെപ്പോലെ തന്നെ പാർവതിയുടെ വേഷങ്ങളും മേക്കപ്പുമൊക്കെ പ്രേക്ഷക ശ്രദ്ധയാകർഷിച്ചു. റിസപ്ഷന് മകൾക്കൊപ്പം നൃത്തം ചെയ്യുന്ന ജയറാമിന്‍റെയും പാർവതിയുടെയും വീഡിയോയും വൈറലായിരുന്നു.
എന്നാൽ സംഗീത് ചടങ്ങിൽ ചക്കിക്കായി പാർവതി അവതരിപ്പിച്ച നൃത്തമാണ് ഇപ്പോൾ സമൂഹ മാധ്യമങ്ങളിൽ വൈറലാകുന്നത്. ‘ഒരു ദൈവം തന്ത പൂവേ’ എന്ന ഗാനത്തിനാണ് പാർവതി നൃത്തം ചെയ്തതിരിക്കുന്നത്. വളരെ വൈകാരികമായാണ് ജയറാമും ചക്കിയും ചക്കിയുടെ ഭർത്താവ് നവനീതുമൊക്കെ പാർവതിയുടെ നൃത്തം കണ്ടത്. മൂന്ന് മില്യണിലധികം വ്യൂസ് ആണ് ഒറ്റദിവസം കൊണ്ട് വീഡിയോയ്ക്ക് ലഭിച്ചത്.
