സോഷ്യല്‍മീഡിയയില്‍ നിറഞ്ഞു നില്‍ക്കുന്ന താരമാണ് അതുല്യ പാലക്കല്‍. മുമ്പ് ടിക്‌ടോക്കിലും പിന്നീട് ഇന്‍സ്റ്റഗ്രാം റീല്‍സുമൊക്കെ വീഡിയോ ചെയ്താണ് അതുല്യ പ്രശസ്തയായത്.
ഇതിന് പിന്നാലെ മ്യൂസിക് വീഡിയോകളിലും ഷോര്‍ട് ഫിലിമുകളിലും അഭിനയിച്ചു. ഇപ്പോഴിതാ താരത്തിന്റെ ഒരു പോസ്റ്റാണ് സോഷ്യല്‍മീഡിയയില്‍ ചര്‍ച്ചയായി മാറിയിരിക്കുന്നത്.
താന്‍ വിവാഹിതയായെന്നു വെളിപ്പെടുത്തിയിരിക്കുകയാണ് താരം. തമിഴ്നാട് സ്വദേശിയും നടനും സംവിധായകനും നിര്‍മാതാവുമൊക്കെയായായ ദിലീപനാണ് അതുല്യയുടെ ഭര്‍ത്താവ്.
ഈ വര്‍ഷം റിലീസ് ചെയ്ത യെവന്‍ എന്ന ചിത്രം സംവിധാനം ചെയ്തതും നായകനായി എത്തിയതും ദിലീപനായിരുന്നു.
മെയ് നാലാം തിയതിയായിരുന്നു വിവാഹമെന്നും പ്രണയിച്ച ആളെ തന്നെയാണ് വിവാഹം ചെയ്തതെന്നും അതുല്യ ഇന്‍സ്റ്റഗ്രാം പോസ്റ്റില്‍ പറയുന്നു.
തന്റെ പ്രണയത്തിന് വീട്ടുകാര്‍ എതിരായിരുന്നു. അവരെ വിട്ടുപോകുകയല്ലാതെ മറ്റ് മാര്‍ഗമില്ലായിരുന്നുവെന്നും 28 വര്‍ഷം തനിക്കൊപ്പമുണ്ടായിരുന്ന വീട്ടുകാരെ വിട്ടുപോകണമെങ്കില്‍ ഈ തീരുമാനമെടുക്കാന്‍ അവര്‍ തന്നില്‍ എത്രത്തോളം സമ്മര്‍ദ്ദം ചെലുത്തിയിട്ടുണ്ടാവും ആലോചിച്ചാല്‍ മനസിലാവുന്നതേയുള്ളൂ എന്നും അതുല്യ പറയുന്നു.
പഴയകാലമല്ല, നമ്മള്‍ ഇപ്പോള്‍ 2023ലാണ് ജീവിക്കുന്നതെന്നും ഈ പുതിയ കാലത്തും ചിലര്‍ പ്രണയത്തിനൊക്കെ എതിരാണെന്നും താന്‍ നേരിട്ട സംഭവങ്ങളെല്ലാം ഉടന്‍ തന്നെ ഒരു പ്രസ് മീറ്റില്‍ പങ്കുവെക്കുമെന്നും അതുല്യ പറഞ്ഞു.
