വിദ്യാലയം എന്നു പറഞ്ഞാൽ ദേവാലയം പോലെയാണ്. ഓരോ വിദ്യാലയവും കാത്തുസൂക്ഷിക്കേണ്ടതും ഈ തത്വമാണ്. ഇന്നു പുറത്തുവിട്ട ആഘോഷം എന്ന സിനിമയുടെ ട്രെയിലറിൽ ഈ സന്ദേശം ഏറെ ഹൈലൈറ്റ് ചെയ്യന്നുണ്ട്.
ഏറെ ചർച്ച ചെയ്യപ്പെടുകയും, ജനപ്രീതി നേടുകയും ചെയ്ത ഗുമസ്ഥൻ എന്ന ചിത്രത്തിനു ശേഷം അമൽ.കെ.ജോബി തിരക്കഥ രചിച്ച് സംവിധാനം ചെയ്യുന്ന ചിത്രമാണ് ആഘോഷം. ഒരു കാന്പസിന്റെ എല്ലാ നെഗളിപ്പും കോർത്തിണക്കി പ്രത്യേകിച്ചും പുതിയ തലമുറക്ക് ഏറെ ആകർഷകമായിട്ടാണ് ട്രയിലർ പുറത്തുവിട്ടിരിക്കുന്നത്.
ചങ്ങനാശേരി അസംപ്ഷൻ കോളജിൽ ചിത്രത്തിന്റെ അഭിനേതാക്കളും അണിയറ പ്രവർത്തകരും പങ്കെടുത്ത ചടങ്ങിലൂടെയായിരുന്നു ട്രെയിലർ പ്രകാശന കർമം നടന്നത്. ആഘോഷം ഒരു കാമ്പസ് ചിത്രമായതിനാൽ, ചിത്രവുമായി ബന്ധപ്പെട്ട ചില ചടങ്ങുകൾ കാന്പസിൽ കുട്ടികളുടെ പങ്കാളിത്തത്തോടെ ആയിരിക്കുന്നത് ഗുണകരമാകുമെന്നു മനസിലാക്കിയതു കൊണ്ടാണ് ഈ ചടങ്ങ് ഇവിടെ സംഘടിപ്പിച്ചത്.
ആട്ടവും, ഇമ്പമാർന്ന ഗാനങ്ങളും, നർമ മുഹൂർത്തങ്ങൾക്കുമൊപ്പം കൊട്ടുറപ്പുള്ള ഒരു കഥയുടെ പിൻബലവുമായി, ക്ലീൻ എന്റർടൈനറായിട്ടാണ് ഈ ചിത്രത്തിന്റെ അവതരണമെന്ന് ട്രയിലർ പരിശോധിച്ചാൽ മനസിലാകും.
ക്രിസ്മസ് പ്രദർശനത്തിനെത്തുന്ന ഈ ചിത്രത്തിന്റെ റിലീസിനു മുന്നോടിയായുള്ള പ്രൊമോഷന്റെ ഭാഗമായാണ് ഈ ട്രെയിലർ പ്രകാശന കർമം നടന്നത്. ഗ്ലോബൽ മൂവി മേക്കേഴ്സിന്റെ ബാനറിൽ ഡോ. ലിസി .കെ.ഫെർണാണ്ടസ്, ഡോ.പ്രിൻസ് പോസി’ആസ്ട്രിയ എന്നിവർ നിർമിക്കുന്ന ഈ ചിത്രത്തിന്റെ എക്സിക്കുട്ടീവ് പ്രൊഡ്യൂസേർസ് ഡോ. ദേവസി കുര്യൻ, റോണിജോസ്, ജെസി മാത്യു, ബൈജു എസ്.ആർ.ജോർഡി ഗോഡ്വിൻ ലൈറ്റ്ഹൗസ് മീഡിയ.
കാന്പസിന്റെ പശ്ചാത്തലത്തിൽ ഫുൾ ഫൺ തില്ലർ ജോണറിൽ അവതരിപ്പിക്കുന്ന ഈ ചിത്രത്തിൽ നരേൻ, ധ്യാൻശ്രീനിവാസൻ, വിജയരാഘവൻ, അജു വർഗീസ്, രഞ്ജി പണിക്കർ,ജെയ്സ് ജോസ്, ബോബി കുര്യൻ റോസ്മിൻ,, ദിവ്യദർശൻ,ഷാജു ശ്രീധർ, സുമേഷ് എക്സ്ചന്ദ്രൻ, മഗ്ബൂർ സൽമാൻ, റുഷിൻ ഷാജി കൈലാസ്, നിഖിൽ രൺജി പണിക്കർ, കോട്ടയം രമേഷ്, ജോയ് ജോൺ ആന്റണി, നാസർ ലത്തീഫ്, സ്വപ്നാ പിള്ള, അഞ്ജലി ജോസഫ്, ആർദ്രാ മോഹൻ ദിനിൽ ദാനിയേൽ,എന്നി
വരാണ് പ്രധാന അഭിനേതാക്കൾ.
ഛായാഗ്രഹണം -റോ ജോ തോമസ് . എഡിറ്റിംഗ് -ഡോൺ മാക്സ്. പശ്ചാത്തല സംഗീതം – ഫോർ മ്യൂസിക്ക്. കലാസംവിധാനം – രാജേഷ്.കെ. സൂര്യ. മേക്കപ്പ് – മാലൂസ്. കെ.പി. കോസ്റ്റ്യും ഡിസൈൻ – ബബിഷാ കെ. രാജേന്ദ്രൻ, ഡിസൈൻ – പ്രമേഷ് പ്രഭാകർ. സ്റ്റിൽസ് – ജയ്സൺ ഫോട്ടോ ലാന്റ്. ചീഫ് അസോസിയേറ്റ് ഡയറക്ടർ – അമൽ ദേവ് – കെ.ആർ. പ്രൊജക്റ്റ് – ഡിസൈൻ ടെറ്റസ് ജോൺ. പ്രൊഡക്ഷൻ എക്സിക്യൂട്ടീവ്സ് – പ്രണവ് മോഹൻ, ആന്റണി കുട്ടമ്പുഴ. പ്രൊഡക്ഷൻ- കൺട്രോളർ – നന്ദു പൊതുവാൾ. പിആർഒ- വാഴൂർ ജോസ്.
