തൊടുപുഴ: കഞ്ഞിക്കുഴി പഞ്ചായത്തിൽ ആഫ്രിക്കൻ പന്നിപ്പനി സ്ഥിരീകരിച്ചു. പഞ്ചായത്തിലെ ഒന്നാം വാർഡിൽപ്പെട്ട ഫാമുകളിലാണ് രോഗലക്ഷണങ്ങളോടെ പന്നികൾ ചത്തത്. ഇതേത്തുടർന്ന് നിയന്ത്രണമേർപ്പെടുത്തി ജില്ലാ കളക്ടർ ഉത്തരവായി. പന്നി ഫാമിന് ഒരു കിലോമീറ്റർ ചുറ്റളവ് രോഗബാധിത പ്രദേശമായും 10 കിലോമീറ്റർ ചുറ്റളവ് രോഗനിരീക്ഷണ മേഖലയായും പ്രഖ്യാപിച്ചു. രോഗബാധിത മേഖലയിലോ പുറത്തേക്കോ പന്നികളെയും പന്നി മാംസം, തീറ്റ സാധനങ്ങൾ എന്നിവ കൊണ്ടു പോകുന്നതും വിതരണം ചെയ്യുന്നതും നിരോധിച്ചു. മറ്റ് പ്രദേശങ്ങളിൽനിന്നു കൊണ്ടുവരുന്നതിനും വിൽപ്പന നടത്തുന്നതിനും നിയന്ത്രണമുണ്ട്. കഞ്ഞിക്കുഴിക്കു പുറമേ ഉടുന്പന്നൂർ, വണ്ണപ്പുറം, അടിമാലി പഞ്ചായത്തുകളിലെ ചില വാർഡുകൾ രോഗനിരീക്ഷണ മേഖലയിൽ ഉൾപ്പെടുന്നുണ്ട്. കഞ്ഞിക്കുഴി പഞ്ചായത്തിലെ ഒന്നാം വാർഡിലെ പന്നി ഫാമിൽ ഏതാനും ദിവസം മുന്പ് പന്നികൾ കൂട്ടത്തോടെ ചത്തിരുന്നു. ഇതേത്തുടർന്ന് ഇവയിൽനിന്നു ശേഖരിച്ച സാന്പിളുകൾ ഭോപ്പാലിലെ വൈറോളജി ലാബിലയച്ച് നടത്തിയ പരിശോധനയിലാണ് പന്നിപ്പനി സ്ഥിരീകരിച്ചത്. തുടർന്നാണ് ആക്‌ഷൻ പ്ലാൻ അനുസരിച്ചുള്ള മുൻകരുതൽ…
Read Moreഇടുക്കിയിൽ ആശങ്ക വിതച്ച് ആഫ്രിക്കൻ പന്നിപ്പനി; രോഗം കണ്ടെത്തിയത് കഞ്ഞിക്കുഴി പഞ്ചായത്തിൽ
