Category: Editor’s Pick

ചിക്കന്‍ വിഭവങ്ങള്‍ കഴിക്കാന്‍ ഏറെ ഇഷ്ടപ്പെടുന്നവരാണ് മലയാളികള്‍. കെഎഫ്‌സിയിലും മറ്റ് ലോകോത്തര ബ്രാന്‍ഡുകളുടെ ചിക്കന്‍ വിഭവങ്ങള്‍ക്കും ഇവിടെ വലിയ മാര്‍ക്കറ്റാണ്. എന്നാല്‍ കേരളത്തില്‍ ഉള്‍പ്പെടെ വില്ക്കുന്ന ഇറച്ചിക്കോഴികളില്‍ കടുപ്പമേറിയ ആന്റിബയോട്ടിക് കുത്തിവെയ്ക്കുന്നതായി കണ്ടെത്തല്‍. ജീവന്‍ അപകടത്തിലായ രോഗികളില്‍ അവസാന ചികിത്സക്കായി പ്രയോഗിക്കുന്ന കോളിസ്റ്റിന്‍ എന്ന ആന്റിബയോട്ടിക് ആണ് ഇറച്ചി കോഴികളില്‍ കുത്തിവക്കുന്നത്. ഗുരുതരാവസ്ഥയിലുള്ള രോഗികളില്‍ മരുന്നുകളൊന്നും ഫലിക്കാതെ വരുമ്പോള്‍ മാത്രം ഡോക്ടര്‍മാര്‍ പ്രയോഗിക്കുന്ന മരുന്നാണ് കോളിസ്റ്റിന്‍. കേരളത്തിലേക്ക് കയറ്റി അയയ്ക്കുന്ന ഇറച്ചിക്കോഴികളിലേറെയും വരുന്നത് തമിഴ്‌നാട്ടില്‍ നിന്നാണ്. കോഴികളുടെ വളര്‍ച്ചയെ ത്വരിതപ്പെടുത്താന്‍ ഉല്‍പ്പാദകര്‍ കോളിസ്റ്റിന്‍ വ്യാപകമായി ഉപയോഗിച്ചു വരുന്നതെന്ന് ദി ബ്യൂറോ ഓഫ് ഇന്‍വെസ്റ്റിഗേറ്റീവ്‌സ് ജേണലിസം റിപ്പോര്‍ട്ട് ചെയ്യുന്നു. ഇത് നല്‍കുന്ന കോഴികള്‍ക്ക് രോഗങ്ങള്‍ പിടിപെടാന്‍ സാധ്യത കുറയുകയും വേഗത്തില്‍ വളര്‍ച്ച പ്രാപിക്കുകയും ചെയ്യും. മനുഷ്യരില്‍ നിയന്ത്രിതമായി ഉപയോഗിക്കുന്ന കോളിസ്റ്റില്‍ മൃഗങ്ങളില്‍ പ്രയോഗിക്കുന്നത് ലോകാരോഗ്യ സംഘടന വിലക്കിയിട്ടുണ്ടെന്നും പഠനം…

തിരുവനന്തപുരം ശാസ്തമംഗലത്തെ കൂട്ട ആത്മഹത്യയ്ക്കു പിന്നില്‍ മകന്‍ ജീവനൊടുക്കിയതിന്റെ മനോവിഷമത്തില്‍ മാതാപിതാക്കളും ജീവനൊടുക്കിയതാകാമെന്ന് പോലീസ്. ശാസ്തമംഗലം പണിക്കേഴ്‌സ് ലൈന്‍ വനമാലിയില്‍ സുകുമാരന്‍ നായര്‍ (65), ഭാര്യ ആനന്ദവല്ലി (55) ഇവരുടെ മകന്‍ സനാതനന്‍ (30) എന്നിവരെയാണ് ഇക്കഴിഞ്ഞ ശനിയാഴ്ച രാത്രിയില്‍ വീട്ടിനകത്ത് തൂങ്ങി മരിച്ച നിലയില്‍ കണ്ടെത്തിയത്. കണ്ണിന് അസുഖബാധിതനായിരുന്ന സനാതനന്റെ മൃതദേഹത്തിന് മറ്റ് മൃതദേഹങ്ങള്‍ക്ക് പുറമെ ഒരു ദിവസത്തില്‍ കൂടുതല്‍ പഴക്കമുണ്ടെന്ന് പോലീസ് കണ്ടെത്തിയിരുന്നു. കണ്ണിന്റെ അസുഖത്തെ തുടര്‍ന്ന് ചികിത്സയിലായിരുന്ന സനാതനന്‍ വീട്ടില്‍ മാതാപിതാക്കളില്ലാത്ത സമയത്ത് ആത്മഹത്യ ചെയ്തതാകാമെന്നാണ് പോലീസ് നിഗമനം. സുകുമാരന്‍നായരും ആനന്ദവല്ലിയും വീട്ടിലെത്തിയസമയം മകന്‍ മരിച്ച വിവരം അറിഞ്ഞതിന്റെ മനോവിഷമത്തില്‍ ഇരുവരും ആത്മഹത്യ ചെയ്തതാകാമെന്ന നിഗമനത്തിലാണ് പോലീസ്. മൃതദേഹങ്ങളില്‍ മുറിവുകളൊ ചതവുകളൊ കണ്ടെത്തിയിട്ടില്ലെന്ന് പോലീസ് പറഞ്ഞു. പോലീസ് സ്റ്റേഷനിലേക്ക് കത്ത് അയച്ച ശേഷമാണ് സുകുമാരന്‍നായരും ആനന്ദവല്ലിയും തൂങ്ങിമരിച്ചത്. പ്രദേശവാസികളുമായും ബന്ധുക്കളുമായി വലിയ അടുപ്പം…

സിപിഎം സംസ്ഥാന സെക്രട്ടറി ബിനോയ് കോടിയേരിക്കെതിരായ പണംതട്ടിപ്പ് കേസില്‍ കുരുക്ക് മുറുകുന്നു. ദുബായ് വിമാനത്താവളത്തില്‍ ബിനോയ് കോടിയേരിയെ തടഞ്ഞതോടെ കേസ് പുതിയൊരു ഘട്ടത്തിലേക്ക് നീങ്ങുകയാണ്. ബിനോയിയെ ദുബായിലെ വിമാനത്താവളത്തില്‍ പോലീസ് തടഞ്ഞുവെന്നാണ് വിവരം. പോലീസ് നിര്‍ദേശത്തെത്തുടര്‍ന്ന് എമിഗ്രേഷന്‍ അധികൃതരാണ് ബിനോയിയെ തടഞ്ഞത്. ജാസ് ടൂറിസം നല്‍കിയ ചെക്ക് കേസിലാണ് നടപടി. സിപിഎം സമ്മേളനം നടക്കുന്നതിനിടെ കോടിയേരി ബാലകൃഷ്ണും പുതിയ നീക്കം തിരിച്ചടിയായിട്ടുണ്ട്. പാര്‍ട്ടിയില്‍ കോടിയേരിക്കെതിരേ പുതിയ ചേരി രൂപപ്പെടുന്നുണ്ട്. സംസ്ഥാന സമ്മേളനത്തില്‍ കോടിയേരിക്കെതിരേ രൂക്ഷ വിമര്‍ശനം ഉയരാന്‍ സാധ്യതയുണ്ട്. അതേസമയം, കോടിയേരി ബാലകൃഷ്ണന്റെ മകന്‍ ബിനോയ് കോടിയേരിക്ക് എതിരായ പണം തട്ടിപ്പ് പരാതി ഇതാദ്യമായി കേന്ദ്രനേതൃത്വം സ്ഥിരീകരിച്ചു. ഇലക്ടറല്‍ ബോണ്ട് സംബന്ധിച്ച പാര്‍ട്ടി നിലപാട് വിശദീകരിക്കാന്‍ വിളിച്ചുചേര്‍ത്ത വാര്‍ത്തസമ്മേളനത്തില്‍ സിപിഎം ജനറല്‍ സെക്രട്ടറി സീതാറാം യെച്ചൂരിയാണ് നേതൃത്വത്തിന് പരാതി ലഭിച്ചിരുന്നതായി സമ്മതിച്ചത്. കേന്ദ്ര നേതൃത്വത്തിലെ ഒരു വിഭാഗവും…

ഇന്ത്യയില്‍ കുറ്റകൃത്യങ്ങളില്‍ മുന്നില്‍ നില്‍ക്കുന്ന സംസ്ഥാനങ്ങളില്‍ ഒന്നാണ് ബിഹാര്‍. ഇപ്പോള്‍ ഇവിടെ നിന്ന് കേള്‍ക്കുന്ന വാര്‍ത്തകളിലൊന്ന് കേരളത്തിലെ യുവാക്കളെ ചെറുതായെങ്കിലും ആകര്‍ഷിക്കുന്നതാണ്. മറ്റൊന്നുമല്ല, ബിഹാറില്‍ യുവാക്കളെ തട്ടിക്കൊണ്ടുപോയി വിവാഹം കഴിക്കുന്നത് വളരെയധികം കൂടിയിരിക്കുന്നു. കഴിഞ്ഞവര്‍ഷം ബിഹാറില്‍ നിര്‍ബന്ധിത വിവാഹത്തിന് തട്ടിക്കൊണ്ടുപോയത് മൂവായിരത്തിലധികം യുവാക്കളെ. ‘പകടുവാ വിവാഹ്’ എന്ന പേരില്‍ ബിഹാറില്‍ അറിയപ്പെടുന്ന നിര്‍ബന്ധിത വിവാഹത്തിന് വേണ്ടി 3405 യുവാക്കളെയാണ് ഇരയാക്കിയത്. നിര്‍ബന്ധപൂര്‍വം വിവാഹം കഴിപ്പിച്ച പട്‌നയിലെ ഒരു എന്‍ജിനീയര്‍ വധുവിനെ സ്വീകരിക്കാതിരുന്നത് ദേശീയമാധ്യമങ്ങളില്‍ വാര്‍ത്തയായിരുന്നു. 2016-ല്‍ 3070, 2015-ല്‍ 3000, 2014-ല്‍ 2526 എന്നിങ്ങനെയാണ് തട്ടിക്കൊണ്ടുപോകപ്പെട്ട യുവാക്കളുടെ കണക്ക്. പോലീസ് രേഖകള്‍പ്രകാരം ദിവസവും ശരാശരി ഒമ്പത് ‘പകടുവാ വിവാഹ’ങ്ങളാണ് സംസ്ഥാനത്ത് നടക്കുന്നത്. പെണ്‍കുട്ടികളുടെ കുടുംബാംഗങ്ങളാണ് യുവാക്കളെ തട്ടിക്കൊണ്ടുപോകുന്നത്. ചിലപ്പോള്‍ കുറ്റവാളികളെ ഉപയോഗിച്ചുപോലും ഇത് നടത്താറുണ്ട്. 18 വയസിനു മുകളിലുള്ള യുവാക്കളുടെ തട്ടിക്കൊണ്ടുപോകല്‍ കേസുകളില്‍ ബിഹാറാണ് മുന്നിലെന്ന് ദേശീയ…

വിമണ്‍ ഇന്‍ സിനിമ കളക്ടീവിന് ബദലായി തുടങ്ങിയ ഫെഫ്കയുടെ വനിതാ സംഘടനയിലേക്ക് പ്രമുഖരായ നടിമാരെല്ലാം എത്തും. ഏവരും ആകാംക്ഷയോടെ കാത്തിരുന്ന മഞ്ജു വാര്യരും പുതിയ സംഘടനയുമായി സഹകരിക്കാന്‍ സന്നദ്ധത അറിയിച്ചിട്ടുണ്ട്. എന്നാല്‍ ഡബ്ല്യുസിസി അംഗങ്ങളെ ഇതിലേക്ക് ക്ഷണിച്ചതുമില്ല. കൊച്ചിയില്‍ ഇങ്ങനെയൊരു മീറ്റിംഗ് നടക്കാന്‍ പോകുന്ന കാര്യം വിമണ്‍ കളക്ടീവിലെ അംഗങ്ങള്‍ കുറച്ചു ദിവസം മുമ്പ് അറിഞ്ഞിരുന്നു. മമ്മൂട്ടിയെ വിമര്‍ശിച്ച പാര്‍വതിയുടെയും റിമ കല്ലിംഗലിന്റെയും നീക്കത്തോട് മഞ്ജു മുഖംതിരിച്ചിരുന്നു. ഇതില്‍ മഞ്ജുവിന് അമര്‍ഷവും ഉണ്ടായിരുന്നു. ഡബ്ല്യുസിസിയുടെ ആദ്യ മീറ്റിംഗുകളില്‍ സജീവമായിരുന്ന ലേഡി സൂപ്പര്‍ സ്റ്റാര്‍ പിന്നീട് അവരുമായി ഒരകലം പാലിച്ചായിരുന്നു കഴിഞ്ഞിരുന്നത്. ഇതോടെ മഞ്ജുവിനെ മുന്നില്‍ നിര്‍ത്തി വനിതാ സംഘടന രൂപീകരിക്കാന്‍ താരസംഘടന അമ്മ തുനിഞ്ഞിറങ്ങിയിരുന്നു. എന്നാല്‍ വേണ്ടത്ര പിന്തുണ ലഭിക്കാതെ ഇരുന്നതോടെ ആ ഉദ്യാമം പാളി. പുതിയ സംഘടന ഡബ്ല്യുസിസിക്ക് എതിരല്ലെന്നാണ് സംഘടനയ്ക്ക് നേതൃത്വം നല്കുന്ന ഭാഗ്യലക്ഷ്മി…

ഓസ്‌ട്രേലിയയില്‍ കൊല്ലപ്പെട്ട സാം എബ്രഹാം വധക്കേസില്‍ വിക്ടോറിയന്‍ സുപ്രീം കോടതിയില്‍ നടക്കുന്ന അന്തിമ വിചാരണയുടെ അഞ്ചാം ദിവസമാണ് സിഡ്നിയില്‍ നിന്നുള്ള ഫോറന്‍സിക് വിദഗ്ധനും ടോക്‌സിക്കോളജിസ്റ്റുമായ പ്രൊഫസര്‍ നരേന്ദ്ര ഗുഞ്ചനെ പ്രോസിക്യൂഷന്‍ കോടതിയില്‍ ഹാജരാക്കിയത്. സാമിന്റെ മരണകാരണം സയനേയ്ഡ് തന്നെയാണെന്നും അത് വായിലൂടെ ശരീരത്തില്‍ പ്രവേശിച്ചതാണ് മരണകാരണമെന്നും അദ്ദേഹം ജൂറിക്ക് മുന്നില്‍ വ്യക്തമാക്കി. ഒരു ലിറ്ററിന് ഒരു മില്ലിഗ്രാം സയനേയ്ഡ് ശരീരത്തില്‍ പ്രവേശിച്ചാല്‍ അത് മരണത്തിലേക്ക് നയിക്കാം. എന്നാല്‍ സാമിന്റെ രക്തത്തില്‍ ഒരു ലിറ്ററിന് 35 മില്ലിഗ്രാം എന്ന കണക്കിനാണ് സയനേയ്ഡിന്റെ അംശം കണ്ടെത്തിയിരിക്കുന്നത്. ഇത് വളരെ അപകടകരമായ അളവാണെന്നും ശ്വാസത്തിലൂടെയോ ത്വക്കിലൂടെയോ ശരീരത്തില്‍ പ്രവേശിച്ചാല്‍ ഇത്രയധികം അളവ് രക്തത്തില്‍ പ്രകടമാകില്ല എന്ന് പ്രൊഫസര്‍ ഗുഞ്ചന്‍ കോടതിയെ അറിയിച്ചു. ചില ഭക്ഷണവസ്തുക്കള്‍ ഒരുപാട് കൂടിയ അളവില്‍ ശരീരത്തില്‍ പ്രവേശിച്ചാലും സയനൈഡിന്റെ അംശം ഉണ്ടാകാമെന്നും, എന്നാല്‍ ഇത്രയും അപകടകരമായ അളവില്‍…

ആരോഗ്യമന്ത്രി കെ.കെ. ശൈലജയ്ക്കു പിന്നാലെ സ്പീക്കര്‍ പി.ശ്രീരാമകൃഷ്ണനും കണ്ണടവിവാദത്തില്‍. സ്പീക്കര്‍ കണ്ണട വാങ്ങിയ വകയില്‍ കൈപ്പറ്റിയത് 49,900 രൂപയെന്നാണ് റിപ്പോര്‍ട്ട്. ചികിത്സായിനത്തില്‍ 4,25,594 രൂപ വാങ്ങിയെന്നും വിവരാവകാശ രേഖ വ്യക്തമാക്കുന്നു. സ്പീക്കറുടെ കണ്ണടയുടെ ലെന്‍സിന് 45,000 രൂപയും ഫ്രെയിമിന് 4,900 രൂപയും കൈപറ്റിയെന്നാണ് നിയമസഭ സെക്രട്ടറിയേറ്റ് വിവരാവകാശ അപേക്ഷയ്ക്ക് നല്‍കിയ മറുപടിയില്‍ പറയുന്നത്.

20,000 രൂപയുടെ കള്ളനോട്ടുകളടക്കം ഏഴര ലക്ഷം രൂപയുമായി പശ്ചിമ മംഗാള്‍ സ്വദേശിനികളായ രണ്ടു യുവതികളും പൊന്‍കുന്നം സ്വദേശിയായ യുവാവും അറസ്റ്റില്‍. പൊന്‍കുന്നം മാളിയേക്കല്‍ അനൂപ് വര്‍ഗീസ് (45), മുംബൈയില്‍ താമസിക്കുന്ന പശ്ചിമബംഗാള്‍ സ്വദേശികളും സഹോദരിമാരുമായ സുഹാന ഷേക്ക് (27), സാഹിം (20) എന്നിവരാണു നേര്യമംഗലത്തിനു സമീപം തലക്കോട് ഫോറസ്റ്റ് ചെക്കുപോസ്റ്റില്‍നിന്നു പിടിയിലായത്. അടിമാലിക്കു സമീപം ഇരുമ്പുപാലത്തുനിന്നു ലഭിച്ച വിവരത്തിന്റെ അടിസ്ഥാനത്തില്‍ ഊന്നുകല്‍ പോലീസാണ് ഇന്നലെ വൈകുന്നേരത്തോടെ പ്രതികളെ പിടികൂടിയത്. പ്രതികളില്‍നിന്നു 2000ത്തിന്റെ 11 കള്ളനോട്ടുകള്‍ ഉള്‍പ്പെടെ 7.50 ലക്ഷം രൂപ കണ്ടെടുത്തതെന്നു പോലീസ് പറഞ്ഞു. മൂന്നാറില്‍ പോയി മടങ്ങുകയായിരുന്നു മൂവരും. കാറില്‍ ഇവരുടെ പക്കലുണ്ടായിരുന്ന രണ്ട് ബാഗുകളിലാണ് നോട്ടുകള്‍ സൂക്ഷിച്ചിരുന്നത്. നല്ല നോട്ടുകള്‍ക്കൊപ്പം ഇടകലര്‍ത്തിയാണു കള്ളനോട്ടുകള്‍ സൂക്ഷിച്ചിരുന്നത്. കള്ളനോട്ട് വേട്ടയറിഞ്ഞ് നൂറുകണക്കിനാളുകള്‍ ചെക്ക്‌പോസ്റ്റില്‍ തടിച്ചുകൂടിയിരുന്നു. ഇരുമ്പുപാലത്തുള്ള ഒരു ബേക്കറിയില്‍നിന്ന് 650 രൂപയുടെ സാധനങ്ങള്‍ വാങ്ങിയശേഷം 2000ന്റെ നോട്ടുകള്‍…