മുംബൈ: മഹാരാഷ്ട്രയിലെ ഛത്രപതി സംഭാജിനഗറിൽ അഞ്ചും ഏഴും വയസുള്ള ആൺമക്കളെ പിതാവ് കനാലിലേക്ക് എറിഞ്ഞു. പൈത്തൺ പട്ടണത്തിൽ തിങ്കളാഴ്ച വൈകുന്നേരമാണ് സംഭവം. ഏഴ് വയസുകാരനായ ആര്യൻ, അഞ്ച് വയസുകാരനായ ശ്യാം എന്നിവരെയാണ് പിതാവ് സോമനാഥ് ദാമോദർ റോഡ്ഗെ (40) കനാലിലേക്ക് എറിഞ്ഞത്. സംഭവത്തിൽ പ്രതിയെ പൊലീസ് അറസ്റ്റ് ചെയ്തു. ചോക്ലേറ്റും വടാ പാവും വാങ്ങിനൽകാമെന്ന് പറഞ്ഞ് വിശ്വസിപ്പിച്ചാണ് സോമനാഥ് കുട്ടികളെ തന്റെസ്കൂട്ടറിൽ പുറത്തേക്ക് കൂട്ടിക്കൊണ്ടുപോയത്. കനാലിന് സമീപമെത്തിയ ശേഷം ഇയാൾ കുട്ടികളെ വെള്ളത്തിലേക്ക് എറിയാൻ ശ്രമിക്കുകയായിരുന്നു. ‘അച്ഛാ… ഞങ്ങൾ മരിച്ചുപോകും, ദയവായി ഇത് ചെയ്യരുത്’ എന്ന് കുട്ടികൾ കരഞ്ഞുകൊണ്ട് അപേക്ഷിച്ചെങ്കിലും, പിതാവ് ഇത് വകവെക്കാതെ അവരെ കനാലിലേക്ക് എറിയുകയായിരുന്നുവെന്നാണ് വിവരം. ഇത് തടയാൻ ശ്രമിച്ച പ്രദേശത്തെ കർഷകർക്ക് നേരെ സോമനാഥ് കല്ലെറിയുകയും അസഭ്യം പറയുകയും ചെയ്തു.തുടർന്ന് കർഷകർ നൽകിയ വിവരത്തിന്റെ അടിസ്ഥാനത്തിൽ സ്ഥലത്തെത്തിയ പൊലീസ് പ്രതിയെ പിടികൂടുകയായിരുന്നു.…
Read MoreCategory: Top News
മോസ്കിനുള്ളിൽ ഒളിച്ചിരുന്ന ലഷ്കർ-ഇ-തൊയ്ബ കമാൻഡർ ലത്തീഫ് ഭട്ടിനെ സുരക്ഷാ സേന ഏറ്റുമുട്ടലിൽ വധിച്ചു
കുൽഗാം: ജമ്മു കശ്മീരിലെ കുൽഗാം ജില്ലയിൽ മോസ്കിനുള്ളിൽ ഒളിച്ചിരുന്ന ലഷ്കർ-ഇ-തൊയ്ബ കമാൻഡർ ലത്തീഫ് ഭട്ടിനെ സുരക്ഷാ സേന ഏറ്റുമുട്ടലിൽ വധിച്ചു. ദക്ഷിണ കശ്മീരിൽ സജീവമായിരുന്ന അവസാനത്തെ പ്രാദേശിക ഭീകര കമാൻഡറായിരുന്നു ഇയാൾ എന്ന് ഉദ്യോഗസ്ഥർ സ്ഥിരീകരിച്ചു. കുൽഗാം ജില്ലയിലെ സംഗൽപോറ ഗ്രാമത്തിലെ ഒരു മൂന്ന് നില മോസ്കിനുള്ളിലാണ് ലത്തീഫ് ഭട്ട് ഒളിച്ചിരുന്നത്. രഹസ്യവിവരത്തെ തുടർന്ന് പുലർച്ചെയാണ് ഇന്ത്യൻ സൈന്യവും ജമ്മു കശ്മീർ പൊലീസും സി.ആർ.പി.എഫും സംയുക്തമായി പ്രദേശം വളഞ്ഞത്. ആരാധനാലയത്തിന് കേടുപാടുകൾ സംഭവിക്കാതിരിക്കാൻ സുരക്ഷാ സേന അതീവ സംയമനം പാലിച്ചിരുന്നു. വീഡിയോ കോളിലൂടെയും ഉച്ചഭാഷിണികളിലൂടെയും കീഴടങ്ങാൻ ഉദ്യോഗസ്ഥർ ആവശ്യപ്പെട്ടെങ്കിലും ഇയാൾ വിസമ്മതിക്കുകയും സേനയ്ക്ക് നേരെ വെടിയുതിർക്കുകയുമായിരുന്നു. തുടർന്നുണ്ടായ പ്രത്യാക്രമണത്തിലാണ് ഭീകരൻ കൊല്ലപ്പെട്ടത്. നവംബർ 11-ന് അഖ്റനിലെ സി.ആർ.പി.എഫ് ചെക്ക്പോസ്റ്റിന് നേരെ നടന്ന ആക്രമണത്തിലെ പ്രധാന പ്രതിയായിരുന്നു ലത്തീഫ് ഭട്ട്. ഈ ആക്രമണത്തിൽ മൂന്ന് സി.ആർ.പി.എഫ് ജവാന്മാർക്ക് പരിക്കേറ്റിരുന്നു.…
Read Moreആശുപത്രിയിലെ കൂട്ടിരിപ്പുകാരുടെ വാർഡിലെ ബെഡുകളിൽ ചത്ത എലിയും പൂച്ചയും: അന്വേഷണ റിപ്പോർട്ട് വ്യാഴാഴ്ച കൈമാറും
പേരൂർക്കട: ഗവ. ജില്ലാ ആശുപത്രിയിലെ കൂട്ടിരിപ്പുകാരുടെ വാർഡിലെ ബെഡുകളിൽ പൂച്ചകളെയും ഒരു ചത്ത എലിയെയും കണ്ടെത്തിയ സംഭവത്തിൽ അന്വേഷണ റിപ്പോർട്ട് വ്യാഴാഴ്ച കൈമാറും. ഇത് സംബന്ധിച്ചുള്ള അന്വേഷണം അന്തിമഘട്ടത്തിൽ എത്തിയതായി ജില്ലാ മെഡിക്കൽ ഓഫീസർ ബിന്ദു മോഹൻ അറിയിച്ചു. റിപ്പോർട്ട് ഡിഎച്ച്എസിനാണ് കൈമാറുന്നത്. ദിവസങ്ങൾക്കു മുമ്പാണ് സംഭവം ആശുപത്രിയിലെ സ്ത്രീകളുടെ വാർഡിനോട് ചേർന്നുള്ള കൂട്ടിരിപ്പുകാരുടെ വാർഡിൽ ഇട്ടിരിക്കുന്ന ബെഡുകളിൽ ചത്ത എലിയേയും ഉറങ്ങുന്ന പൂച്ചയെയും കണ്ടെത്തിയത്. ഇതിന്റെ വീഡിയോ പ്രചരിച്ചതോടെ വൻ വിവാദമായി തീരുകയും സോഷ്യൽ മീഡിയകളിൽ ട്രോളുകളായി പ്രത്യക്ഷപ്പെടുകയും ചെയ്തതിരുന്നു. സംഭവം ശ്രദ്ധയിൽപ്പെട്ട ഉടൻതന്നെ ആരോഗ്യമന്ത്രി കെ. മുരളീധരൻ ഇടപെടുകയും അടിയന്തരമായി ശുചീകരണം നടത്താനും വിശദീകരണം നൽകാനും ആവശ്യപ്പെടുകയുമായിരുന്നു. അതേസമയം അറ്റകുറ്റപ്പണിക്ക് വേണ്ടി അടച്ചിട്ട വാർഡ് ആണെന്നും അതിനുള്ളിൽ എങ്ങനെയോ പൂച്ചയും എലിയും കയറിയതാണെന്നുമാണ് ആശുപത്രി സൂപ്രണ്ട് നൽകിയ വിശദീകരണം. രോഗികൾക്ക് ഡോക്ടറുടെ സേവനവും മരുന്നും…
Read Moreജപ്തിക്കിടെ വീട്ടമ്മ ആത്മഹത്യ ചെയ്ത സംഭവത്തിൽ പ്രതിഷേധിച്ച് ബാങ്കിന് മുന്നിൽ നടന്ന സമരത്തിൽ കേസെടുത്ത് പൊലിസ്
കോഴിക്കോട്: ജപ്തിക്കിടെ വീട്ടമ്മ ആത്മഹത്യ ചെയ്ത സംഭവത്തിൽ പ്രതിഷേധിച്ച് നടുവണ്ണൂര് എസ്ബിഐ ബാങ്കിന് മുന്നിൽ ഇന്നലെ നടന്ന സമരത്തിൽ കേസെടുത്ത് പൊലിസ്. ഗതാഗത തടസമുണ്ടാക്കിയതിന് അടക്കം രണ്ട് കേസുകളാണ് ബാലുശേരി പൊലിസ് രജിസ്റ്റർ ചെയ്തത്. ഗതാഗത തടസമുണ്ടാക്കിയതിന് കണ്ടാലറിയുന്ന 10 പേരുള്പ്പടെ 200 ഓളം പേര്ക്കെതിരെയും പൊലിസ് ബാരിക്കേഡ് തകര്ത്ത് ബാങ്കിന് ഉള്ളിലേക്ക് കയറാന് ശ്രമിച്ചതിനെതിരെ കണ്ടാലറിയുന്ന ആറു പേരുള്പ്പടെ 200 ഓളം പേര്ക്കെതിരെയുമാണ് കേസെടുത്തത്. കടം എഴുതി തള്ളണമെന്നും നഷ്ടപരിഹാരം നൽകണമെന്നും ആവശ്യപ്പെട്ടാണ് ഇന്നലെ രാവിലെ 10.30 മുതല് നാല് മണിക്കൂറോളം പേരാമ്പ്ര- കോഴിക്കോട് റോഡ് തടഞ്ഞ് കവിതയുടെ മൃതദേഹവുമായി ജനകീയ പ്രതിഷേധം നടന്നത്. ജപ്തി നടപടികള് വ്യവസ്ഥകൾ പാലിച്ചെന്ന് ബാങ്ക് അധികൃതര് കോഴിക്കോട്: ജപ്തി നടപടികള്ക്കിടെ വീട്ടമ്മ ആത്മഹത്യചെയ്ത സംഭവത്തില് വിശദീകരണവുമായി സൗത്ത് ഇന്ത്യന് ബാങ്ക്. വായ്പാ തിരിച്ചുപിടിക്കൽ നടപടികൾ നിലവിലുള്ള നിയമവ്യവസ്ഥകളും കോടതി…
Read Moreഡൽഹി നിയമ മന്ത്രി കപിൽ മിശ്രയുടെ ഓഫിസിന് സമീപം വെടിവയ്പ്പ്; യുവാവ് കൊല്ലപ്പെട്ടു
ന്യൂഡൽഹി: വടക്കുകിഴക്കൻ ഡൽഹിയിലെ ഖജൂരി ഖാസിൽ മന്ത്രിയുടെ ഓഫിസിന് സമീപമുണ്ടായ വെടിവയ്പ്പിൽ യുവാവ് കൊല്ലപ്പെട്ടു. ഡൽഹി നിയമ മന്ത്രി കപിൽ മിശ്രയുടെ ഓഫിസിന് സമീപമാണ് സംഭവം. ബൈക്കിലെത്തിയ രണ്ടംഗ സംഘം യുവാവിന് നേരെ 15-20 തവണ വെടിയുതിർത്തെന്ന് പൊലിസ് പറഞ്ഞു. മുസ്തഫാബാദ് സ്വദേശിയായ സമീർ ആണ് കൊല്ലപ്പെട്ടത്. യുവാവിനെ വെടിവച്ചതിനു പിന്നാലെ അക്രമികൾ സംഭവസ്ഥലത്തുനിന്ന് രക്ഷപ്പെട്ടു. വെടിയേറ്റ സമീറിനെ ഉടൻ അടുത്തുള്ള ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. മന്ത്രിയുടെ ഓഫിസ് സ്ഥിതി ചെയ്യുന്ന സുരക്ഷയുള്ള സ്ഥലത്ത് ഇത്തരത്തിൽ ആക്രമണം നടന്നത് ജനങ്ങളിൽ ആശങ്കയുണ്ടാക്കിയിട്ടുണ്ട്. അക്രമികളെ തിരിച്ചറിയുന്നതിനും അവർ രക്ഷപ്പെട്ട വഴി കണ്ടെത്താനുമായി പ്രദേശത്തെ സിസിടിവി ദൃശ്യങ്ങൾ പൊലിസ് വിശദമായി പരിശോധിച്ചുവരികയാണ്. കൊലപാതകത്തിന് പിന്നിലെ യഥാർഥ കാരണം കണ്ടെത്താൻ വിശദമായ അന്വേഷണം നടന്നുവരികയാണെന്ന് അധികൃതർ അറിയിച്ചു.
Read Moreജയബാലകൃഷ്ണന്റെ ചിത്രത്തില് തിരിതെളിച്ച് ഭദ്രകീർത്തിയും കുടുംബാംഗങ്ങളും ‘ശ്രീകൃഷ്ണ ടീ സ്റ്റാള്’ പുനരാരംഭിച്ചു
കൊച്ചി: അച്ഛന്റെ ജീവനായിരുന്ന തട്ടുകടയുടെ പ്രവർത്തനം ഭദ്രകീർത്തിയും കുടുംബാംഗങ്ങളും പുനരാരംഭിച്ചു. ചേരാനല്ലൂരില് ജഡ്ജിയുടെ മകന് ഓടിച്ച ആഡംബരകാര് ഇടിച്ചു കൊല്ലപ്പെട്ട ജയബാലകൃഷ്ണന്റെ തട്ടുകട ‘ശ്രീകൃഷ്ണ ടീ സ്റ്റാള്’ വീണ്ടും പ്രവർത്തനം തുടങ്ങി. മകള് ഭദ്രകീര്ത്തിയുടെ നേതൃത്വത്തില് ജയബാലകൃഷ്ണന്റെ ഭാര്യയും മകനും ചേര്ന്നാണു കട തുറന്നത്. ഹൈദരാബാദിലെ ജോലി ഉപേക്ഷിച്ച മകള്തന്നെയാണ് പ്രവര്ത്തനങ്ങള്ക്കു മുന്നില്. ജയബാലകൃഷ്ണന്റെ വേര്പാടിലും നാട്ടുകാരുടെയും മാധ്യമങ്ങളുടെയും പൂര്ണ പിന്തുണയോടെയാണു കട പുനരാരംഭിക്കാന് കുടുംബം തീരുമാനിച്ചത്. ജയബാലകൃഷ്ണന് മുന്പ് നടത്തിവന്ന അതേ രീതിയില് യാതൊരു മാറ്റവുമില്ലാതെ ദോശയും ചമ്മന്തിയും ഓംലെറ്റും നല്കി തട്ടുകട മുന്നോട്ടുകൊണ്ടുപോകാനാണ് ഇവരുടെ തീരുമാനം. ഇന്നലെ വൈകുന്നേരം ജയബാലകൃഷ്ണന്റെ ചിത്രത്തില് തിരിതെളിച്ചാണ് ചിറ്റൂര് നിവാസികള്ക്ക് ഏറെ പ്രിയപ്പെട്ട കടയുടെ പ്രവര്ത്തനം പുനരാരംഭിച്ചത്. ജയബാലകൃഷ്ണന്റെ കൈപ്പുണ്യം അറിഞ്ഞ ചിറ്റൂരിലെ പ്രദേശവാസികളും അവിടെയുണ്ടായിരുന്നു.
Read Moreജപ്തി നടപടികൾക്കിടെ വീട്ടമ്മ ആത്മഹത്യ ചെയ്ത സംഭവത്തിൽ നടുവണ്ണൂരിൽ ബാങ്കിനു മുന്നിൽ പ്രതിഷേധം
കോഴിക്കോട്: പേരാമ്പ്ര കൂത്താളിയിൽ ബാങ്ക് ജപ്തി നടപടികൾക്കിടെ വീട്ടമ്മ ജീവനൊടുക്കിയ സംഭവത്തിൽ ജനകീയ പ്രതിഷേധം ശക്തമാകുന്നു. കൂത്താളി സ്വദേശിനി കവിത (42) ആണ് മരിച്ചത്. വെള്ളിയാഴ്ച രാവിലെ അഡ്വക്കേറ്റ് കമ്മീഷണറും പോലീസും ബാങ്ക് ഉദ്യോഗസ്ഥരും ചേർന്ന് കവിതയുടെ വീട്ടിൽ ജപ്തി നടപടികൾക്കായി എത്തിയപ്പോഴാണ് സംഭവം നടന്നത്. ഉദ്യോഗസ്ഥർ എത്തിയതിന് പിന്നാലെ കവിതയെ വീടിന് പിന്നിലുള്ള പഴയ തറവാട്ടു വീട്ടിൽ തൂങ്ങിമരിച്ച നിലയിൽ കണ്ടെത്തുകയായിരുന്നു.
Read Moreമിനി കൂപ്പർ അപകടക്കേസിലെ മുഖ്യപ്രതി സുഹൈൽ സജീവ് ഇന്ന് ബോസ്റ്റൽ സ്കൂളിൽ നിന്ന് പുറത്തിറങ്ങും
കൊച്ചി: നെടുമ്പാശേരി മിനി കൂപ്പർ അപകടക്കേസിലെ മുഖ്യപ്രതി സുഹൈൽ സജീവ് ഇന്ന് ബോസ്റ്റൽ സ്കൂളിൽ നിന്ന് പുറത്തിറങ്ങും. 36 ദിവസത്തിന് ശേഷമാണ് സുഹൈൽ മോചിതനാകുന്നത്. സുഹൈൽ ഒഴികെ മറ്റ് മൂന്ന് പ്രതികൾ നേരത്തെ ജാമ്യം ലഭിച്ച് പുറത്തിറങ്ങിയിരുന്നു. എന്നാൽ, സുഹൈൽ സജീവിന്റെ മോചനം പത്ത് ദിവസത്തേക്ക് കൂടി നീട്ടാനായിരുന്നു ഹൈക്കോടതി നിർദേശം. അതേസമയം, കേസിൽ അതിവേഗം കുറ്റപത്രം സമര്പ്പിക്കാനൊരുങ്ങുകയാണ് അന്വേഷണസംഘം. സുഹൈലിനെതിരായ കൂടുതല് ഡിജിറ്റൽ തെളിവുകൾ ശേഖരിക്കുകയാണ് അന്വേഷണസംഘം. ഒക്ടോബർ 11ന് പുലർച്ചെ 1.45ന് നെടുമ്പാശേരി എയര്പോർട്ട് റോഡിൽ വെച്ചാണ് അപകടം ഉണ്ടായത്. സുഹൈൽ സജീവ് മദ്യപിച്ച് ഓടിച്ച വാഹനമിടിച്ച് വയനാട് മടക്കിമല സ്വദേശിനി ദേവിക സന്തോഷ്, പാലക്കാട് മണ്ണാർക്കാട് സ്വദേശി ഗോപിക, കർണാടക സുള്യ സ്വദേശി ഇയാസ് എന്നിവരാണ് മരിച്ചത്.
Read Moreഡ്രൈവിംഗിലെ ദുഷ്പേര് മാറ്റുമെന്ന് മമ്മൂട്ടി, ഗതാഗത നിയമലംഘനങ്ങളില് കർശന നിർദേശവുമായി മുഖ്യമന്ത്രി
കൊച്ചി: ഡ്രൈവിംഗില് ദുഷ്പേരുള്ള തന്നെ ഗതാഗതവകുപ്പിന്റെ ജീവ സുയാത്ര മിഷന് പദ്ധതിയുടെ ബ്രാന്ഡ് അംബാസഡറാക്കിയത് അദ്ഭുതപ്പെടുത്തിയെന്ന് നടന് മമ്മൂട്ടി. കാറുകളോടുള്ള താത്പര്യം കാരണം അത്യാവശ്യം വേഗത്തില് വാഹനമോടിക്കാന് ആഗ്രഹിക്കുന്നയാളാണു താന്. പക്ഷേ, നന്നാകാന് തീരുമാനിച്ചതിന്റെ ഭാഗമായി ഇപ്പോള് സ്വന്തമായി ഡ്രൈവ് ചെയ്യുന്നത് ഒഴിവാക്കിയിരിക്കുകയാണെന്നും എറണാകുളം ടൗണ്ഹാളില് നടന്ന ഗതാഗതവകുപ്പിന്റെ റോഡ് സുരക്ഷ ഉറപ്പാക്കുന്നതിനായുള്ള ജീവ സുയാത്ര മിഷന് പദ്ധതിയുടെ ഉദ്ഘാടനച്ചടങ്ങില് മുഖ്യപ്രഭാഷണം നടത്തവേ മമ്മൂട്ടി പറഞ്ഞു. റോഡപകടങ്ങളില് 99 ശതമാനവും മാനുഷികമായ പിഴവുകളില്നിന്നുണ്ടാകുന്നതാണ്. അമിതവേഗവും അശ്രദ്ധയുമാണു പ്രധാന കാരണങ്ങള്. റേസിംഗിനുള്ള സ്ഥലമല്ല പൊതുവഴികള്. അതിന് അതിന്റേതായ സ്ഥലങ്ങള് കണ്ടെത്തണം.ബസുകളുടെ മത്സരയോട്ടം നിയന്ത്രിക്കാന് ട്രിപ്പിന്റെ സമയം ക്രമീകരിക്കേണ്ടതുണ്ടെങ്കില് അതു ചെയ്യണം. നമ്മുടെ സുരക്ഷപോലെ മറ്റുള്ളവരുടെ ജീവനും സംരക്ഷിക്കാനുള്ള ബാധ്യത ഓരോരുത്തര്ക്കും ഉണ്ടെന്നും മമ്മൂട്ടി പറഞ്ഞു. ആരു വിളിച്ചാലും ചെവി കൊടുക്കേണ്ട; ഗതാഗത നിയമലംഘനങ്ങളില് കർശന നിർദേശവുമായി മുഖ്യമന്ത്രി കൊച്ചി:…
Read Moreസ്വന്തം തോക്കിൽ നിന്നും അബദ്ധത്തിൽ വെടിയേറ്റതെന്ന് സംശയം; യുവാവിനെ റോഡിൽ മരിച്ച നിലയിൽ കണ്ടെത്തി
കാസർഗോഡ്: ബോവിക്കാനത്ത് യുവാവിനെ വെടിയേറ്റ് മരിച്ച നിലയിൽ കണ്ടെത്തി. കാട്ടിപ്പള്ളം സ്വദേശി ഹൈദർ അലി (27) ആണ് മരിച്ചത്. ഞായറാഴ്ച അർധരാത്രി കഴിഞ്ഞ് 12:10-ഓടെ വീടിന് സമീപമുള്ള റോഡിലാണ് മൃതദേഹം കണ്ടെത്തിയത്. ബൈക്ക് അപകടത്തിൽ പെട്ടാണ് മരണം സംഭവിച്ചതെന്നായിരുന്നു പ്രാഥമിക നിഗമനം. എന്നാൽ പിന്നീട് നടത്തിയ പരിശോധനയിൽ കവിളിന് താഴെ വെടിയേറ്റ പാടുകളും സമീപത്തായി തോക്കും കണ്ടെത്തുകയായിരുന്നു. കൈവശമുണ്ടായിരുന്ന സ്വന്തം തോക്കിൽ നിന്നും അബദ്ധത്തിൽ വെടിയേറ്റതാകാമെന്നാണ് പൊലീസിന്റെ പ്രാഥമിക നിഗമനം. സംഭവസ്ഥലത്ത് ജില്ലാ പൊലീസ് മേധാവി പി. നിധിൻ രാജ്, ബേക്കൽ ഡിവൈഎസ്പി കെ. വിനോദ് കുമാർ എന്നിവരടങ്ങിയ ഉന്നത ഉദ്യോഗസ്ഥ സംഘം എത്തി പരിശോധന നടത്തി. കാസർഗോഡ് ഗവ. ജനറൽ ആശുപത്രിയിൽ പോസ്റ്റ്മോർട്ടത്തിന് ശേഷം മൃതദേഹം ബന്ധുക്കൾക്ക് കൈമാറി.
Read More