തൃശൂർ: എൽപിഎസ്ടി സമരവുമായി ബന്ധപ്പെട്ട് പ്രതികരണവുമായി സിപിഎം സംസ്ഥാന സെക്രട്ടറി എം. വി ഗോവിന്ദൻ. വളർമതിയുടെ ആരോഗ്യനില ഗുരുതമാണെന്ന റിപ്പോർട്ടുകൾ ആശങ്കാജനകമാണ്. അധികാരത്തിലെത്തിയാൽ ഒരാഴ്ചകൊണ്ട് പ്രശ്നം പരിഹരിക്കുമെന്ന് നേരത്തെ വാഗ്ദാനം നൽകിയവർ ഇപ്പോൾ തിരിഞ്ഞുനോക്കാത്ത അവസ്ഥയാണ്. അടിയന്തരമായി പ്രശ്നത്തിൽ ഇടപെട്ട് പരിഹാരം കാണണം. കേരളത്തിലെ ജനങ്ങൾ ഒറ്റക്കെട്ടായി പറയാൻ തുടങ്ങിയിട്ട് ദിവസങ്ങളായെന്നും എംവി ഗോവിന്ദൻ പറഞ്ഞു. കോൺഗ്രസിൽ ഇപ്പോൾ കൂട്ടത്തല്ലാണ് നടക്കുന്നത്. ഓരോ പത്രസമ്മേളനത്തിലും മുഖ്യമന്ത്രി കളവുപറയുകയാണെന്നും ഗോവിന്ദൻ ആരോപിച്ചു. മന്ത്രിമാർക്ക് പുതിയ വാഹനങ്ങൾ വാങ്ങാനുള്ള സർക്കാർ തീരുമാനത്തെയും അദ്ദേഹം വിമർശിച്ചു. സർക്കാരിന്റെ പിടിപ്പുകേടാണ് ഇത്തരം നടപടികളിലൂടെ പുറത്തുവരുന്നതെന്നും എം.വി. ഗോവിന്ദൻ കൂട്ടിച്ചേർത്തു.
Read MoreCategory: Top News
‘മോദി എന്റെ ഫോൺ ചോർത്തുന്നു’; രാഹുലിന് മറുപടിയുമായി സാം പിട്രോദ
ന്യൂഡൽഹി: പ്രധാനമന്ത്രി നരേന്ദ്ര മോദി തന്റെ ഫോൺ ചോർത്തുന്നുവെന്ന ലോക്സഭാ പ്രതിപക്ഷ നേതാവ് രാഹുൽ ഗാന്ധിയുടെ ഗുരുതര ആരോപണത്തിന് പിന്നാലെ, പ്രധാനമന്ത്രിയെ പ്രതിരോധിക്കുന്ന നിലപാടുമായി ഇന്ത്യൻ ഓവർസീസ് കോൺഗ്രസ് അധ്യക്ഷൻ സാം പിത്രോദ രംഗത്തെത്തി. പ്രധാനമന്ത്രി ഫോണുകൾ ചോർത്താറില്ലെന്ന് എൻഡിടിവിക്ക് നൽകിയ പ്രത്യേക അഭിമുഖത്തിൽ പിത്രോദ വ്യക്തമാക്കി. അടുത്തിടെ പ്രധാനമന്ത്രിയുമായി ഉത്സവകാല ആശംസകൾ കൈമാറിയതിലൂടെ വാർത്തകളിൽ നിറഞ്ഞുനിന്ന പിത്രോദയുടെ ഈ പ്രസ്താവന കോൺഗ്രസിനുള്ളിലും രാഷ്ട്രീയ വൃത്തങ്ങളിലും വലിയ ചർച്ചയായിട്ടുണ്ട്. കേന്ദ്ര സർക്കാർ തന്നെ നിരീക്ഷിക്കുകയാണെന്നും പ്രധാനമന്ത്രി നരേന്ദ്ര മോദി തന്റെ ഫോൺ ചോർത്തുന്നുണ്ടെന്നും വെള്ളിയാഴ്ചയാണ് രാഹുൽ ഗാന്ധി ആരോപിച്ചത്. പ്രധാനമന്ത്രിയെ പരസ്യമായ സംവാദത്തിന് വെല്ലുവിളിച്ചുകൊണ്ട് കോൺഗ്രസ് ‘എക്സിൽ’ പങ്കുവെച്ച വീഡിയോയിലായിരുന്നു രാഹുലിന്റെ പരാമർശങ്ങൾ. “പ്രധാനമന്ത്രി എന്റെ ഫോൺ ചോർത്തുന്നതിനാൽ അദ്ദേഹത്തിന് ഇക്കാര്യങ്ങളെല്ലാം അറിയാം. നേർക്കുനേർ സംവാദത്തിന് അദ്ദേഹം തയ്യാറാകുന്ന ദിവസം, ആരാണ് വിദേശശക്തികളുടെ നിയന്ത്രണത്തിലുള്ളതെന്നും, ആരാണ് ദേശവിരുദ്ധനെന്നും,…
Read Moreപശുവിനെ കൊന്നത് കടുവയോ? ജഡം കാണാതായതോടെ പുത്തുമലയിൽ ഭീതി
മേപ്പാടി: പുത്തുമല എസ്റ്റേറ്റിൽ കടുവയുടെ സാന്നിധ്യമുണ്ടെന്ന സംശയം ശക്തമാകുന്നു. വ്യാഴാഴ്ച വൈകുന്നേരം എസ്റ്റേറ്റിൽ പശുവിനെ കൊന്നത് കടുവയാണെന്നാണ് നാട്ടുകാർ സംശയിക്കുന്നത്. എന്നാൽ, വനംവകുപ്പ് ഉദ്യോഗസ്ഥർ നടത്തിയ പരിശോധനയിൽ പശുവിനെ കൊന്നത് പുലിയാണെന്നായിരുന്നു പ്രാഥമിക നിഗമനം. എന്നാൽ സംഭവത്തിന് പിന്നാലെ പശുവിന്റെ ജഡം അപ്രത്യക്ഷമായതോടെയാണ് പ്രദേശവാസികൾക്കിടയിൽ കടുവാഭീതി ഉയർന്നത്. ഇരയെ കൊന്നശേഷം ഭക്ഷിച്ച് ബാക്കി ശരീരഭാഗങ്ങൾ ഉപേക്ഷിക്കുന്നതാണ് പുലിയുടെ പതിവ്. എന്നാൽ ഇരയുടെ ജഡം പൂർണമായും കടിച്ചെടുത്ത് കൊണ്ടുപോകുന്നത് കടുവകളുടെ രീതിയാണെന്നാണ് നാട്ടുകാർ ചൂണ്ടിക്കാട്ടുന്നത്. പശുവിനെ ആക്രമിച്ചത് കടുവയാണോ പുലിയാണോ എന്ന കാര്യത്തിൽ വ്യക്തത വരുത്തണമെന്നാണ് നാട്ടുകാരുടെ ആവശ്യം. ഏതായാലും എസ്റ്റേറ്റിൽ വന്യമൃഗത്തിന്റെ സാന്നിധ്യം ജനങ്ങളെ കടുത്ത ആശങ്കയിലാക്കിയിരിക്കുകയാണ്. പ്രദേശത്തെ ജനങ്ങളുടെ സുരക്ഷ ഉറപ്പാക്കാൻ അടിയന്തര നടപടി സ്വീകരിക്കണമെന്നും വന്യമൃഗത്തെ എത്രയും വേഗം കാട്ടിലേക്ക് തുരത്തണമെന്നുമാണ് നാട്ടുകാരുടെ ആവശ്യം.
Read Moreപ്രധാനമന്ത്രിക്ക് ആശംസ നേർന്നതിൽ വിവാദമെന്തിന്? ‘മോദിയുമായുള്ളത് വ്യക്തിബന്ധം’; വിശദീകരണവുമായി സാം പിട്രോദ
ന്യൂഡൽഹി: പ്രധാനമന്ത്രി നരേന്ദ്ര മോദിയുമായി ഉത്സവകാല ആശംസകൾ കൈമാറിയതിനെച്ചൊല്ലി ഉയർന്ന വിവാദങ്ങളിൽ വിശദീകരണവുമായി ഇന്ത്യൻ ഓവർസീസ് കോൺഗ്രസ് അധ്യക്ഷൻ സാം പിത്രോദ. പ്രധാനമന്ത്രിയുമായുള്ള തന്റെ സൗഹൃദം തികച്ചും വ്യക്തിപരമാണെന്നും, പാർട്ടിയുടെ രാഷ്ട്രീയ നിലപാടുകളുമായി അതിനെ കൂട്ടിക്കുഴയ്ക്കേണ്ടതില്ലെന്നും എൻഡി ടിവിക്ക് നൽകിയ അഭിമുഖത്തിൽ അദ്ദേഹം വ്യക്തമാക്കി. ദീപാവലി, പുതുവത്സര ആശംസകൾ കൈമാറിയതിന് ഇത്രയധികം ശ്രദ്ധ ലഭിച്ചത് തന്നെ അത്ഭുതപ്പെടുത്തിയെന്ന് പിത്രോദ പറഞ്ഞു. “വ്യക്തിബന്ധങ്ങളെ രാഷ്ട്രീയ എതിർപ്പുകളിൽ നിന്ന് വേർതിരിച്ചു കാണാൻ എനിക്ക് സാധിക്കും. എന്റെ വ്യക്തിപരമായ ബന്ധങ്ങൾ രാഷ്ട്രീയ നിലപാടുകളിൽ ഇടപെടാറില്ല,”അദ്ദേഹം പറഞ്ഞു. പ്രധാനമന്ത്രിയായ ശേഷം മോദിയെ നേരിട്ട് കണ്ടിട്ടില്ലെങ്കിലും, തനിക്കും ഭാര്യയ്ക്കും അദ്ദേഹം ആശംസകൾ അയച്ചപ്പോൾ തിരിച്ച് ആശംസ അറിയിക്കുക എന്ന തികച്ചും മാനുഷികമായ കാര്യമാണ് താൻ ചെയ്തതെന്നും പിത്രോദ കൂട്ടിച്ചേർത്തു. ഗുജറാത്തിലെ പല രാഷ്ട്രീയ നേതാക്കളുമായും തനിക്ക് വ്യക്തിപരമായ സൗഹൃദമുണ്ടെന്നും അദ്ദേഹം ഓർമിപ്പിച്ചു. കോൺഗ്രസ് പ്രധാനമന്ത്രിക്കെതിരെ…
Read Moreകോൺഗ്രസിലെ ഏറ്റവും മുതിർന്ന നേതാവായ തനിക്ക് ആരുടെയും വക്കാലത്ത്ആവശ്യമില്ലെന്നും വിമർശനമുണ്ടെങ്കിൽ പരസ്യമായി ഉന്നയിക്കണമെന്നും രാജ്മോഹൻ ഉണ്ണിത്താൻ
കാസർഗോഡ്: കെപിസിസി ഭാരവാഹി യോഗത്തിൽ തനിക്കെതിരെ രൂക്ഷവിമർശനം ഉയർന്നെന്ന വാർത്തകളിൽ പ്രതികരിച്ച് രാജ്മോഹൻ ഉണ്ണിത്താൻ എംപി. പാർട്ടിക്കുള്ളിൽ നടക്കുന്ന കാര്യങ്ങളെക്കുറിച്ച് രഹസ്യചർച്ചകൾക്ക് മറുപടി പറയാനില്ലെന്നും വിമർശനമുണ്ടെങ്കിൽ പരസ്യമായി ഉന്നയിക്കണമെന്നും അദ്ദേഹം തുറന്നടിച്ചു. ആണത്തമുണ്ടെങ്കിൽ ഇതൊക്കെ പരസ്യമായി പറയണം. അതല്ലേ അതിന്റെ ഒരു മര്യാദ. രഹസ്യമായി പറയുന്ന കാര്യങ്ങളെക്കുറിച്ച് ഞാൻ എങ്ങനെയാണ് പ്രതികരിക്കുക എന്നായിരുന്നു ഉണ്ണിത്താന്റെ ചോദ്യം.സർക്കാരിനെതിരെയും കോൺഗ്രസ് നേതാക്കളായ അടൂർ പ്രകാശ്, സണ്ണി ജോസഫ്, കെ.സി. വേണുഗോപാൽ എന്നിവർക്കെതിരെയും കഴിഞ്ഞ ദിവസങ്ങളിൽ ഉണ്ണിത്താൻ രൂക്ഷവിമർശനം ഉന്നയിച്ചിരുന്നു. ഇതിനെ തുടർന്നാണ് കെപിസിസി ഭാരവാഹി യോഗത്തിൽ അദ്ദേഹത്തിനെതിരെ വിമർശനമുയർന്നത്. ഉണ്ണിത്താനെ നിയന്ത്രിച്ചില്ലെങ്കിൽ അത് പാർട്ടിക്ക് തിരിച്ചടിയാകുമെന്ന ആശങ്കയും യോഗത്തിൽ ഉയർന്നിരുന്നു. നിയന്ത്രണമുണ്ടായില്ലെങ്കിൽ പരസ്യമായി പ്രതികരിക്കുമെന്ന് കാസർഗോഡ് ഡിസിസിയും മുന്നറിയിപ്പ് നൽകിയിരുന്നു. 1968ൽ രാഷ്ട്രീയപ്രവർത്തനം തുടങ്ങിയ താൻ കോൺഗ്രസിലെ ഏറ്റവും മുതിർന്ന നേതാവാണെന്നും വിമർശനം ഉന്നയിക്കുന്നവർ അന്ന് ജനിച്ചിട്ടുപോലുമുണ്ടാകില്ലെന്നും അദ്ദേഹം പറഞ്ഞു.…
Read More‘ലീഗിന് അമിത പരിഗണന, അവഗണന ഇനി സഹിക്കില്ല’ – കോൺഗ്രസിനുള്ളിൽ പോര്
തിരുവനന്തപുരം: ബോർഡ്-കോർപ്പറേഷൻ പദവികളുടെ വീതംവെപ്പിലും അധികാര പങ്കാളിത്തത്തിലും മുസ്ലിം ലീഗിന് മാത്രമാണ് പരിഗണന ലഭിക്കുന്നതെന്നും കോൺഗ്രസിലെ ഗ്രൂപ്പുകൾ അവഗണിക്കപ്പെടുകയാണെന്നും കെപിസിസി യോഗത്തിലടക്കം വിമർശനം. കോൺഗ്രസുകാർക്ക് ലഭിക്കേണ്ട പദവികൾ പോലും, അമിത പരിഗണന ലഭിക്കുന്ന ലീഗിൽ നിന്നാണ് അറിയുന്നതെന്നും ഭാരവാഹി യോഗത്തിൽ വിമർശനമുയർന്നു. ഭരണം മാറി ആറ് മാസമായിട്ടും ബോർഡ്-കോർപ്പറേഷൻ പദവികളിൽ സിപിഎം നേതാക്കൾ തന്നെ തുടരുന്നത് ഭരണമാറ്റത്തിന്റെ പ്രതീതി ഇല്ലാതാക്കുന്നുവെന്നും ചില മന്ത്രിമാരുടെ ജില്ലാ സന്ദർശനങ്ങൾ പോലും പ്രാദേശിക നേതാക്കളെ അറിയിക്കുന്നില്ലെന്നും യോഗത്തിൽ പരാതി ഉയർന്നു. മന്ത്രിസഭയിൽ ലീഗിന് അഞ്ച് മന്ത്രിസ്ഥാനങ്ങളും ആറ് ബോർഡ്-കോർപ്പറേഷൻ പദവികളും ലഭിച്ചതിനെ ചൊല്ലി മുന്നണിക്കുള്ളിൽ ചർച്ചകൾ നടന്നിരുന്നു. ലീഗിന്റെ സമ്മർദ്ദത്തിന് വഴങ്ങിയാണ് പല തീരുമാനങ്ങളും എടുക്കുന്നതെന്ന് പ്രതിപക്ഷ പാർട്ടികളും ചില സാമുദായിക നേതാക്കളും ആരോപിക്കുന്നുമുണ്ട്. ഇനിയും അവഗണന സഹിക്കേണ്ടതില്ലെന്ന പൊതുവികാരമാണ് എ ഗ്രൂപ്പിനുള്ളത്. പദവി വിഭജന ചർച്ചകളിൽ ഗ്രൂപ്പ് പ്രതിനിധിയെ ഉൾപ്പെടുത്തുന്നതടക്കമുള്ള…
Read Moreഗതാഗത നിയമം തെറ്റിച്ചതിന് പിഴ അടക്കണമെന്ന് മെസേജ്: കാണേണ്ട താമസം ഒറ്റ ക്ലിക്ക്, യുവാവിന് നഷ്ടമായത് മൂന്നു ലക്ഷം രൂപ
കൊച്ചി: ഗതാഗത നിയമം തെറ്റിച്ചതിന് പിഴ അടക്കണമെന്ന് ആവശ്യപ്പെട്ട് വന്ന സന്ദേശത്തിന്റെ ലിങ്കില് കയറിയ യുവാവിന് ക്രെഡിറ്റ് കാര്ഡില് നിന്ന് മൂന്നു ലക്ഷം രൂപ നഷ്ടമായി. മുനമ്പം മാണിബസാര് സ്വദേശിയായ യുവാവിനാണ് പണം നഷ്ടമായത്. മോട്ടോര് വാഹന വകുപ്പില് നിന്നുള്ളതാണെന്ന് തെറ്റിദ്ധരിപ്പിക്കുന്ന രീതിയിലുള്ള സന്ദേശത്തില് 500 രൂപ പിഴ അടക്കാനാണ് ആവശ്യപ്പെട്ടിരുന്നത്. ഇതിനായി ഒരു ലിങ്കും അതില് കൊടുത്തിരുന്നു. ഇത് പ്രകാരം പണം അടക്കാനായി ലിങ്കില് കയറുകയും ഒടിപി വരികയും ചെയ്തു. ഒടിപി നല്കിയതിനു ശേഷം അല്പ സമയത്തിനുള്ളില് തന്നെ പണം നഷ്ടപ്പെടുകയായിരുന്നു. കാക്കനാടുള്ള ഒരു ബാങ്കിന്റെ ഇന്ഫോസിസ് ശാഖയിലെ ക്രെഡിറ്റ് കാര്ഡില് നിന്നും മറ്റൊരു അജ്ഞാത അക്കൗണ്ടിലേക്കാണ് മൂന്നു ലക്ഷം രൂപ മാറ്റിയത്. പണം നഷ്ടപ്പെട്ട യുവാവ് മുനമ്പം പൊലിസില് പരാതി നല്കി.
Read Moreനിർമല സീതാരാമന്റെ പേരിൽ തട്ടിപ്പ്; ദമ്പതികൾക്ക് നഷ്ടമായത് മൂന്നു ലക്ഷം, ബാങ്ക് ജീവനക്കാരന്റെ ഇടപെടൽ സഹായമായി
കോഴിക്കോട്: വടകരയിൽ കേന്ദ്ര ധനമന്ത്രി നിർമ്മല സീതാരാമന്റെ വ്യാജ കാണിച്ച് ദമ്പതികളിൽ നിന്ന് 3 ലക്ഷം രൂപ സൈബർ തട്ടിപ്പ് സംഘം തട്ടിയെടുത്തു. ഫേസ്ബുക്കിൽ വന്ന വ്യാജ നിക്ഷേപ പരസ്യത്തിലൂടെയാണ് തട്ടിപ്പ് സംഘം ദമ്പതികളെ വലയിലാക്കിയത്. കേന്ദ്രമന്ത്രിയുടെ വ്യാജ വീഡിയോ കണ്ട് വിശ്വസിച്ച ഇവർ ഉയർന്ന ലാഭം പ്രതീക്ഷിച്ച് പണം നിക്ഷേപിക്കുകയായിരുന്നു. പല തവണകളായുള്ള ഇടപാടുകളിലൂടെ ആകെ 3 ലക്ഷം രൂപയാണ് ദമ്പതികൾക്ക് നഷ്ടമായത്. ദമ്പതികൾ വീണ്ടും കൂടുതൽ പണം കൈമാറാൻ ശ്രമിക്കുന്നതിനിടെ ബാങ്ക് ജീവനക്കാരൻ നടത്തിയ കൃത്യമായ ഇടപെടലാണ് കുടുതൽ നഷ്ടങ്ങൾ ഒഴിവാക്കിയത്. സൈബർ ക്രൈം വിഭാഗവും വടകര പോലീസും കേസെടുത്ത് അന്വേഷണം ആരംഭിച്ചിട്ടുണ്ട്.
Read Moreകൺസൾട്ടിംഗ് റൂമിൽ സീനിയർ ഡോക്ടർ കടന്നുപിടിക്കാൻ ശ്രമിച്ചു; കേസെടുത്തെങ്കിലും അറസ്റ്റ് ചെയ്തില്ല
തിരുവനന്തപുരം: കൺസൾട്ടിംഗ് റൂമിൽ യുവ ഡോക്ടറെ സീനിയർ ഡോക്ടർ പീഡിപ്പിക്കാൻ ശ്രമിച്ചു. പിജി വിദ്യാർഥിനിയായ യുവ ഡോക്ടർക്ക് നേരെ സീനിയർ ഡോക്ടറുടെ ഭാഗത്തുനിന്ന് ലൈംഗിക അതിക്രമം ഉണ്ടായതായാണ് പരാതി. സംഭവത്തിൽ സീനിയർ ഡോക്ടറായ ഡോ. വിനുവിനെതിരെ പോലീസ് കേസെടുത്തു. നെടുമങ്ങാട് ജില്ലാ ആശുപത്രിയിലാണ് സംഭവം. കൺസൾട്ടിംഗ് റൂമിൽ പഠനസംബന്ധമായ കാര്യങ്ങൾ നടക്കുന്നതിനിടെ സീനിയർ ഡോക്ടർ കടന്നുപിടിക്കാൻ ശ്രമിക്കുകയായിരുന്നു എന്നാണ് പ്രാഥമിക വിവരം. അതിക്രമം ചെറുത്ത യുവ ഡോക്ടർ മുറിയിൽനിന്ന് പുറത്തേക്ക് ഓടി രക്ഷപ്പെടുകയും തുടർന്ന് മറ്റ് ഡോക്ടർമാരുടെ സഹായം തേടുകയുമായിരുന്നു. അടുത്തിടെയാണ് ഡോ. ബിനു നെടുമങ്ങാട് ജില്ലാ ആശുപത്രിയിൽ ജോലിയിൽ പ്രവേശിച്ചത്. ഇയാൾക്കെതിരെ പോലീസ് കേസെടുത്തിട്ടുണ്ടെങ്കിലും അറസ്റ്റോ കസ്റ്റഡിയോ രേഖപ്പെടുത്തിയതായി നിലവിൽ വിവരങ്ങളില്ല. സംഭവത്തിൽ പോലീസ് അന്വേഷണം ഊർജിതമാക്കിയിട്ടുണ്ട്.
Read Moreകേരളത്തിന്റെ പോക്കിത് എങ്ങോട്ട്… കഴിഞ്ഞ വര്ഷം എക്സൈസ് രജിസ്റ്റര് ചെയ്തത് 12,568 ലഹരിക്കേസുകള്
കൊച്ചി: സംസ്ഥാനത്ത് കഴിഞ്ഞ വര്ഷം എക്സൈസ് രജിസ്റ്റര് ചെയ്തത് 12,568 ലഹരിക്കേസുകള്. 2025 ജനുവരി ഒന്നുമുതല് ഡിസംബര് 31 വരെയുള്ള കണക്കുകളാണിത്. ഇക്കാലയളവില് 2,692.39 കിലോ കഞ്ചാവാണ് പിടിച്ചെടുത്തത്. 12916.33 ഗ്രാം ഹാഷിഷ് ഓയിലും 1,840.44 ഗ്രാം ബ്രൗണ് ഷുഗറും 3,644. 98 ഗ്രാം എംഡിഎംഎയും ഇക്കാലയളവില് പിടിച്ചെടുത്തു. 5.5 ഗ്രാം എല്എസ്ഡി, 1.46 ഗ്രാം കൊക്കെയ്ന്, 243.93 ഗ്രാം ചരസ്, 6585 ഗ്രാം മെത്താഫിറ്റാമിന് എന്നിവയും എക്സൈസ് പിടിച്ചെടുത്ത ലഹരിവസ്തുക്കളില് പെടുന്നു. കഴിഞ്ഞ വര്ഷം 5,582 കഞ്ചാവ് ചെടികളാണ് പിടിച്ചെടുത്തത്. ഈ കേസുകളിലായി 7,032 പേര് ശിക്ഷിക്കപ്പെട്ടു. അതേസമയം ഇത്രയധികം കേസുകള് ഉണ്ടായിട്ടും മൂന്ന് കേസുകളില് മാത്രമാണ് മയക്കുമരുന്നിന്റെ ഉറവിടം കണ്ടെത്താന് എക്സൈസിന് കഴിഞ്ഞുള്ളൂ. പത്തനംതിട്ട, ആലപ്പുഴ, കാസര്ഗോഡ് എന്നിവിടങ്ങളില് രജിസ്റ്റര് ചെയ്ത കേസുകളാണത്. മുന് വര്ഷങ്ങളെ അപേക്ഷിച്ച് ലഹരിക്കേസുകള് വര്ധിക്കുന്നതായാണ് കണക്കുകള് സൂചിപ്പിക്കുന്നത്. 2024…
Read More