Set us Home Page

പ​രി​യാ​രം പോ​ലീ​സ് സ്റ്റേ​ഷ​നിൽ സി​നി​മാ ഷൂ​ട്ടിം​ഗ്,  നടനോടൊപ്പം സെൽഫിഎടുക്കുന്ന തിരക്കിൽ പോലീസുകാർ; പരാതിക്കാർ വലഞ്ഞു; ഒടുവിൽ സിനിമാ സ്റ്റെലിൽ…. 

പ​രി​യാ​രം: പോ​ലീ​സ് സ്റ്റേ​ഷ​ൻ സി​നി​മാ ഷൂ​ട്ടിം​ഗി​ന് വി​ട്ട് ന​ൽ​കി​യ​തോ​ടെ സ്റ്റേ​ഷ​നി​ൽ പ​രാ​തി​യു​മാ​യി എ​ത്തി​യ​വ​ർ വ​ല​ഞ്ഞു. പ​രി​യാ​രം മെ​ഡി​ക്ക​ൽ കോ​ള​ജ് പോ​ലീ​സ് സ്റ്റേ​ഷ​നാ​ണ് ഇ​ന്ന​ലെ രാ​വി​ലെ മു​ത​ൽ ഷൂ​ട്ടിം​ഗ് സം​ഘം കൈ​യ​ട​ക്കി​യ​ത്. ഷൂ​ട്ടിം​ഗ് സാ​മ​ഗ്രി​ക​ളും വാ​ഹ​ന​ങ്ങ​ളും കൊ​ണ്ട് സ്റ്റേ​ഷ​നും പ​രി​സ​ര​ങ്ങ​ളും നി​റ​ഞ്ഞ​തോ​ടെ പ​രാ​തി​ക്കാ​ർ​ക്ക് അ​ക​ത്തേ​ക്കു പോ​യി​ട്ട് സ്റ്റേ​ഷ​ൻ പ​രി​സ​ര​ത്തു പോ​ലും ക​ട​ക്കാ​ൻ പ​റ്റാ​താ​യി.

പോ​ലീ​സു​കാ​ർ പ​ല​രും ന​ട​ൻ ജ​യ​സൂ​ര്യ​യു​മൊ​ത്ത് സെ​ൽ​ഫി​യെ​ടു​ക്കാ​നു​ള്ള ആ​വേ​ശ​ത്തി​ലാ​യ​തോ​ടെ സ്റ്റേ​ഷ​ൻ മൊ​ത്ത​ത്തി​ൽ കു​ത്ത​ഴി​ഞ്ഞ അ​വ​സ്ഥ​യി​ലാ​യി. പ​രാ​തി​യു​മാ​യും മ​റ്റാ​വ​ശ്യ​ങ്ങ​ൾ​ക്കും സ്റ്റേ​ഷ​നി​ലെ​ത്തി​യ​വ​രെ സി​നി​മാ ഷൂ​ട്ടിം​ഗു​കാ​ർ ത​ട​ഞ്ഞ​തോ​ടെ പ​ല​രും സി​ഐ കെ.​വി.​ബാ​ബു​വി​നെ ഫോ​ണി​ൽ ബ​ന്ധ​പ്പെ​ട്ടു. ജി​ല്ലാ പോ​ലീ​സ് മേ​ധാ​വി വി​ളി​ച്ചു​ചേ​ർ​ത്ത ഒ​രു അ​ടി​യ​ന്തി​ര യോ​ഗ​ത്തി​ലാ​യ​തി​നാ​ൽ അ​ദ്ദേ​ഹം സ്റ്റേ​ഷ​നി​ൽ ഉ​ണ്ടാ​യി​രു​ന്നി​ല്ല.

വി​വ​ര​മ​റി​ഞ്ഞ ഉ​ട​ൻ സ്റ്റേ​ഷ​നു​മാ​യി ബ​ന്ധ​പ്പെ​ട്ട അ​ദ്ദേ​ഹം പ​രാ​തി​ക്കാ​രെ ത​ട​യ​രു​തെ​ന്ന് നി​ർ​ദേ​ശം ന​ൽ​കി. ഇ​ത് സി​നി​മ​യു​മാ​യി ബ​ന്ധ​പ്പെ​ട്ട​വ​ർ ത​ന്നെ അ​നൗ​ൺ​സ് ചെ​യ്ത​തോ​ടെ​യാ​ണു പ​രാ​തി​ക്കാ​ർ​ക്ക് സ്റ്റേ​ഷ​നി​ലേ​ക്ക് പ്ര​വേ​ശ​നം ല​ഭി​ച്ച​ത്.
ഉ​ച്ച​ക്ക് ശേ​ഷം സി ​ഐ കെ.​വി.​ബാ​ബു സ്ഥ​ല​ത്തെ​ത്തി​യ​തോ​ടെ​യാ​ണ് പി​രി​മു​റു​ക്കം അ​യ​ഞ്ഞ​ത്.

രാഷ്ട്രദീപിക വാര്‍ത്തകള്‍ ഫേസ്ബുക്കില്‍ പിന്തുടരാന്‍ ഞങ്ങളുടെ പേജ് ലൈക്ക് ചെയ്യൂ...

https://www.facebook.com/RashtraDeepika/

LATEST NEWS