വൈദ്യുത ബില്ല് കുറയ്ക്കാൻ പല തരത്തിലുള്ള മാർഗങ്ങൾ നമ്മൾ സ്വീകരിക്കാറുണ്ട്. ഉപയോഗ ശേഷം ലൈറ്റുകളും ഫാനുകളുമൊക്കെ നമ്മൾ ഓഫ് ചെയ്യാറുണ്ട്. അഥവാ മറന്നാൽ തന്നെയും വീട്ടിലുള്ള മറ്റാരെങ്കിലുമൊക്കെ അത് ഓഫ് ചെയ്യാറുമുണ്ട്. കറണ്ട് ബില്ല് കുറയ്ക്കാൻ പ്രാർഥിച്ചാൽ മതിയെന്ന് പറയുകയാണ് പാകിസ്ഥാനിൽ നിന്നുള്ളൊരു പുരോഹിതൻ.
വൈദ്യുതി ബില്ല് നിയന്ത്രിക്കാനായി ആത്മീയമായ ഒരു വഴിയുണ്ടെന്ന് പറഞ്ഞുകൊണ്ടാണ് അദ്ദേഹം തന്‍റെ നിർദ്ദേശം മുന്നോട്ട് വയ്ക്കുന്നത്. ‘മാസത്തിൽ രണ്ടുതവണ ചൂണ്ടുവിരൽ ഉപയോഗിച്ച് വൈദ്യുതി മീറ്ററിൽ ‘സം സം’ എന്ന രണ്ട് വാക്കുകൾ എഴുതണം.
ഇന്ന് ഒരു തവണ ഇത് ചെയ്തതിന് ശേഷം വീണ്ടും 15 ദിവസങ്ങൾക്ക് ശേഷം ഇതേ കാര്യം ആവർത്തിക്കണം. ദൈവം അനുവദിച്ചാൽ നിങ്ങളുടെ വൈദ്യുതി ബില്ല് തീർച്ചയായും കുറയുമെന്നും വീഡിയോയിലൂടെ മൗലാന ആസാദ് ജമീല്‍ പറയുന്നു.
