ഇംഫാല്‍: മണിപ്പുരില്‍ വീണ്ടും അക്രമം. ബെഥേല്‍, കോട്രുക് അടക്കമുള്ള ഗ്രാമങ്ങള്‍ക്കു സമീപമുള്ള കുന്നുകളില്‍ വെടിവയ്പുണ്ടായി. പലയിടത്തും ഇപ്പോഴും വെടിവയ്പു തുടരുകയാണ്.
ബിഷ്ണുപുരും ചുരാചന്ദ്പുരും അടക്കമുള്ള സംഘര്‍ഷമേഖലകളില്‍ സുരക്ഷാസേന നടത്തിയ പരിശോധനയില്‍ ആയുധങ്ങളും ലഹരിമരുന്നുകളും പിടിച്ചെടുത്തു.
ഗ്രനേഡുകള്‍, തോക്കുകള്‍, വെടിയുണ്ടകള്‍ തുടങ്ങിയവയാണ് കണ്ടെത്തിയത്. സംഭവത്തില്‍ നാലു പേരെ പോലീസ് അറസ്റ്റ് ചെയ്തു.
അതേസമയം കലാപവുമായി ബന്ധപ്പെട്ടുള്ള 11 കേസുകള്‍ അന്വേഷിക്കാന്‍ സിബിഐ 53 അംഗ സംഘത്തെ രൂപീകരിച്ചു.
ഇതില്‍ 29 പേര്‍ വനിതാ ഉദ്യോഗസ്ഥരാണ്. ഇത്രയധികം വനിതാ ഉദ്യോഗസ്ഥരെ ഉള്‍പ്പെടുത്തി സിബിഐ അന്വേഷണ സംഘം രൂപീകരിക്കുന്നത് ഇതാദ്യമായാണ്.
