വാല് എന്ന ചിത്രത്തിൽ ഒന്നിച്ചഭിനയിക്കുന്പോഴാണ് ചിന്പുവും ഹൻസികയും പ്രണയത്തിലായത്. തങ്ങൾ പ്രണയത്തിലാണെന്നും വിവാഹം ഉടൻ ഉണ്ടാവും എന്നും ഇരുവരും ഒൗദ്യോഗികമായി പ്രഖ്യാപിക്കുകയും ചെയ്തു.
എന്നാൽ വാല് റിലീസ് ആവും മുന്പേ ഈ ജോഡികൾ വേർപിരിഞ്ഞു. ഇപ്പോഴിതാ ചിന്പുവും ഹൻസികയും ഒന്നിക്കുന്നു. നവാഗതനായ യു ആർ ജമീൽ സംവിധാനം ചെയ്യുന്ന മഹാ എന്ന ചിത്രത്തിലാണ് ഇരുവരും വീണ്ടും ഒന്നിച്ചഭിനയിക്കുന്നത്. ഹൻസികയുടെ അന്പതാമത്തെ ചിത്രമായ മഹായിൽ ചിന്പു അതിഥി വേഷത്തിലാണ് എത്തുന്നത്.
ചിത്രത്തിൽ ചിന്പു ഫ്ളാഷ്ബാക്കിൽ എത്തുന്നതിനാൽ അൽപം ദൈർഘ്യമുള്ള അതിഥിവേഷമാണെന്നാണ് റിപ്പോർട്ട്.ചിത്രത്തിൽ ചിന്പു വരുന്ന പോർഷന്റെ പോസ്റ്ററും പുറത്തുവിട്ടു. ചിന്പുവും ഹൻസികയും റൊമാൻസ് ചെയ്യുന്ന പോസ്റ്റർ ഇതിനോടകം വൈറലായി.
ചിന്പുവും ഹൻസികയും ഒരുമിച്ചുള്ള പോസ്റ്ററും ലുക്കും ആരാധകർ ഏറ്റെടുത്തിരിക്കുകയാണ്. വിഷയം ചർച്ചയായി എന്ന് തോന്നിയപ്പോൾ ഹൻസിക പ്രതികരണവുമായി എത്തി. ചിന്പുവിന്റെ കൈ കോർത്തിട്ട് പിടിക്കുന്ന ചിത്രത്തോടൊപ്പമാണ് ഹൻസികയുടെ പ്രതികരണം.
വീണ്ടും ചിന്പുവിനൊപ്പം ഒന്നിക്കാൻ കഴിഞ്ഞതിൽ സന്തോഷമുണ്ടെന്ന് ഹൻസിക എഴുതി. ഇരുവരും വീണ്ടുമൊന്നിച്ചത് സിനിമയിൽ മാത്രമാണോ, അതോ ജീവിതത്തിലും ഒന്നിച്ചോ എന്നാണ് ആരാധകരുടെ ചോദ്യം.