എഎംഎംഎയില്‍ നിന്ന് ഞാന്‍ രാജി ഫെയ്‌സ് ബുക്കില്‍ മാത്രമല്ല പ്രഖ്യാപിച്ചത്. പ്രസിഡന്‍റിനും ജനറല്‍ സെക്രട്ടറിക്കും പേഴ്സണല്‍ നമ്പറിലേക്ക് രാജി അയച്ചു കൊടുത്തു. എഎംഎംഎക്ക് മെയില്‍ ചെയ്യുകയും ചെയ്യതു.
ഈ രണ്ടുപേരും എന്നെ വിളിച്ചിട്ടില്ല. പക്ഷെ ഈ രാജി വാര്‍ത്ത അറിഞ്ഞനിമിഷം ആദ്യം എന്നെ വിളിച്ചത് സുരേഷേട്ടനാണ്.
ഇദ്ദേഹത്തിന്‍റെ രാഷ്ട്രീയത്തെ ഞാന്‍ പലപ്പോഴും വിമര്‍ശിച്ചിട്ടുണ്ടെങ്കിലും അദ്ദേഹം എന്നോട് പറഞ്ഞു നിങ്ങളെപ്പോലെയൊരാള്‍ ഇതില്‍ നിന്ന് വിട്ടു പോകരുത്.
സംഘടനയുടെ ഉള്ളില്‍ നിന്ന് പോരാടണം എന്ന്. ഇനി അതിനുള്ളില്‍ നില്‍ക്കുന്നതില്‍ ഒരു അര്‍ഥവുമില്ലെന്ന് പറഞ്ഞ് എല്ലാ ബഹുമാനത്തോടെയും സ്‌നേഹപൂര്‍വം ഞാന്‍ സുരേഷേട്ടന്‍റെ വാക്കുകളെ നിരസിച്ചു.
എങ്കിലും പല സൂപ്പര്‍ നടന്‍മാര്‍ക്കും ഇല്ലാത്ത ഈ മനുഷ്യന്‍റെ മനുഷ്യത്വത്തോട് ഞാന്‍ നന്ദിയുള്ളവനാണ്. ഈ മനുഷ്യനെ ഓര്‍ക്കാതെ പോയാല്‍ അത് വലിയ നന്ദികേടാവും. -ഹരീഷ് പേരടി
