ആ​റ​ള​ത്ത് കാ​ട്ടാ​ന​യി​റ​ങ്ങി 3 കു​ടി​ലു​ക​ൾ ത​ക​ർ​ത്തു; ഗ​ർ​ഭി​ണി ഉ​ൾ​പ്പെ​ടെ 2 സ്ത്രീ​ക​ൾ​ക്കു പ​രി​ക്ക്

ഇ​രി​ട്ടി: ആ​റ​ളം ഫാം ​പു​ന​ര​ധി​വാ​സ മേ​ഖ​ല​യി​ൽ കാ​ട്ടാ​ന‍​യി​റ​ങ്ങി മൂ​ന്ന് കു​ടി​ലു​ക​ൾ ത​ക​ർ​ത്തു. ഓ​ടിര​ക്ഷ​പ്പെ​ടു​ന്ന​തി​നി​ടെ ഗ​ർ​ഭി​ണി ഉ​ൾ​പ്പെ​ടെ 2 സ്ത്രീ​ക​ൾ​ക്കു പ​രി​ക്കേറ്റു. ഗ​ർ​ഭി​ണി​യാ​യ അ​ശ്വ​തി, ലീ​ന എ​ന്നി​വ​ർ അ​ത്ഭു​ത​ക​ര​മാ​യാണ് ആ​ന​യു​ടെ തു​മ്പി​കൈ​ക്ക് മു​ന്നി​ൽനി​ന്ന് ര​ക്ഷ​പ്പെ​ട്ട​ത്. പു​ന​ര​ധി​വാ​സ മേ​ഖ​ല​യി​ലെ ബ്ലോ​ക്ക് ഒ​ൻ​പ​തി​ൽ പൂ​ക്കു​ണ്ട് മേ​ഖ​ല​യി​ലാ​യി​രു​ന്നു ഇ​ന്നു​പു​ല​ർ​ച്ചെ അ​ഞ്ചോ​ടെ​യാ​യി​രു​ന്നു കാ​ട്ടാ​ന​യു​ടെ ആ​ക്ര​മ​ണം.

പൂ​ക്കു​ണ്ടി​ലെ ഷീ​ന നാ​രാ​യ​ണ​ൻ, ലീ​ന, ത​ങ്ക​മ്മ എ​ന്നി​വ​ർ താ​മ​സി​ക്കു​ന്ന കു​ടി​ലു​ക​ളാ​ണ് ആ​ന ത​ക​ർ​ത്ത​ത്. ത​ക​ർ​ന്ന ആ​ന​മ​തി​ലി​നോ​ട് ചേ​ർ​ന്നുള്ള വ​ന്യ​ജീ​വി സ​ങ്കേ​ത​ത്തി​ൽ നി​ന്നി​റ​ങ്ങി​യ ആ​ന​യാ​ണ് ആ​ക്ര​മ​ണം അ​ഴി​ച്ചു​വി​ട്ട​ത്. പു​റ​ത്തി​റ​ങ്ങി​യ ര​ണ്ട് ആ​ന​ക​ളി​ൽ ഒ​രാ​ന​യാ​ണ് കു​ടി​ലി​നുനേ​രേ ആ​ക്ര​മ​ണം ന​ട​ത്തി​യ​ത്. ആ​ന കു​ടി​ലി​ന് നേ​രേ തി​രി​ഞ്ഞ​തോ​ടെ ഓ​ടിര​ക്ഷ​പ്പെ​ടു​ന്ന​തി​നി​ട​യി​ലാ​ണ് ലീ​നയ്​ക്കും ഗ​ർ​ഭി​ണി​യാ​യ ബ​ന്ധു​വിനും പ​രി​ക്കേ​റ്റ​ത്.

അ​ശ്വ​തി​യു​ടെ ചെ​വി​ക്ക് സ​മീ​പ​ത്താ​യാ​ണ് പ​രി​ക്ക്. പ​രി​ക്കേ​റ്റ ര​ണ്ടു​പേ​രെ​യും പേ​രാ​വൂ​ർ താ​ലൂ​ക്ക് ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. തു​ട​ർ​ന്ന് ഗ​ർ​ഭി​ണി​യെ കൂ​ടു​ത​ൽ ചി​കി​ത്സ​യ്ക്കാ​യി ക​ണ്ണൂ​രി​ലേ​ക്ക് മാ​റ്റി. ഇ​തോ​ടെ മൂ​ന്നു​മാ​സ​ത്തി​നു​ള്ളി​ൽ പു​ന​ര​ധി​വാ​സ മേ​ഖ​ല​യി​ൽ കാ​ട്ടാ​ന ത​ക​ർ​ക്കു​ന്ന പ​തി​നാ​ലാ​മ​ത്തെ വീ​ടാ​ണി​ത്.

ഇ​ന്ന​ലെ​യാ​ണ് അ​യ്യ​ൻ​കു​ന്ന് പ​ഞ്ചാ​യ​ത്തി​ലെ ക​ച്ചേ​രി​ക​ട​വി​ൽ ഗൃ​ഹ​നാ​ഥ​യെ കാ​ട്ടാ​ന ആ​ക്ര​മി​ച്ച് പ​രി​ക്കേൽ​പ്പി​ച്ച സം​ഭ​വം ന​ട​ന്ന​ത്. വാ​രി​യെ​ല്ലു​ക​ൾ​ക്ക് പൊ​ട്ട​ൽ സം​ഭ​വി​ച്ച ഇ​വ​രെ ക​ണ്ണൂ​രി​ലെ സ്വ​കാ​ര്യ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു.

‘വ​ന​പാ​ല​ക​ർ മോ​ശ​മാ​യി പെ​രു​മാ​റി​’
കാ​ട്ടാ​ന​യു​ടെ ആ​ക്ര​മ​ണം ന​ട​ന്ന സ്ഥ​ല​ത്തെ​ത്തി​യ വ​ന​പാ​ല​ക സം​ഘ​ത്തി​ലെ ഉ​ദ്യോ​ഗ​സ്ഥ​ർ ത​ങ്ങ​ളോ​ട് മോ​ശ​മാ​യി പെ​രു​മാ​റി​യ​താ​യി പരിക്കേറ്റ ലീ​ന പ​റ​യു​ന്നു. ആ​ക്ര​മ​ണ​ത്തി​ൽ​പ്പെ​ട്ട​വ​ർ സം​ഭ​വ​ത്തി​ൽ പ്ര​തി​ഷേ​ധി​ച്ച് വ​ന​പാ​ല​ക​രു​ടെ വാ​ഹ​ന​ത്തി​ൽ ആ​ശു​പ​ത്രി​യി​ലേ​ക്ക് പോ​കാ​ൻ ത​യാ​റാ​യി​ല്ല.

വേ​റെ വാ​ഹ​ന​ത്തി​നാ​യി ശ്ര​മി​ച്ചെ​ങ്കി​ലും ല​ഭി​ക്കാ​തെ വ​ന്ന​തോ​ടെ നാ​ട്ടു​കാ​ർ ചേ​ർ​ന്ന് അ​നു​ന​യി​പ്പി​ച്ച് വ​നംവ​കു​പ്പ് വാ​ഹ​ന​ത്തി​ൽ ക​യ​റ്റി പേ​രാ​വൂ​ർ താ​ലൂ​ക്ക് ആ​ശു​പ​ത്രി​യി​ലേ​ക്ക് അ​യയ്​ക്കു​ക​യാ​യി​രു​ന്നു. ഇ​ന്ന​ലെ ആ​റ​ളം ഫാം ​സ്കൂ​ൾ പ​രി​സ​ര​ത്ത് പ​ത്തി​ല​ധി​കം വ​രു​ന്ന കാ​ട്ടാ​ന​ക്കൂ​ട്ടം ത​മ്പ​ടി​ച്ച് ഭീ​ഷ​ണി സൃ​ഷ്ടി​ച്ചി​രു​ന്നു.എ​ന്നാ​ൽ, ആ​ന​ക്കൂ​ട്ട​ത്തെ തു​ര​ത്താ​ൻ വ​നം​വ​കു​പ്പ് ത​യാ​റാ​യി​ല്ല.