പാടിയ പാട്ടിന് പ്രതിഫലം കിട്ടാതിരുന്ന സംഭവങ്ങള് ജീവിതത്തില് ഏറെ ഉണ്ടായിട്ടുണ്ടെന്ന് മധു ബാലകൃഷ്ണൻ. പ്രത്യക്ഷത്തില് എന്നെ ഒതുക്കാന് ശ്രമിച്ചിട്ടുണ്ടോ എന്ന് ചോദിച്ചാല് എനിക്കും അറിയില്ല. പരോക്ഷത്തില് അങ്ങനെ പലരും പറഞ്ഞു കേട്ടിട്ടുണ്ട്. എന്നാല് എനിക്ക് നേരിട്ട് ഒരു അനുഭവം ഉണ്ടായിട്ടില്ല. അങ്ങനെ ഉണ്ടെന്ന് പലരും പറഞ്ഞു കേട്ടിരുന്നു എന്ന് അദ്ദേഹം പറഞ്ഞു.
പാടാന് വിളിച്ചിട്ടും പിന്നീട് പല പാട്ടുകള് നഷ്ടപ്പെട്ടിട്ടുള്ള അവസ്ഥകള് ഉണ്ടായിട്ടുണ്ട്. ഏതൊക്കെ പാട്ടുകള് ആണെന്ന് എനിക്ക് പറയാന് സാധിക്കില്ല. ഒരിക്കല് എയര്പോര്ട്ടില് ബോര്ഡിംഗ് പാസ് എടുത്തു നിന്നപ്പോള് ആണ് അറിയുന്നത് ആ അവസരം പോയെന്ന്. അങ്ങനെ തിരിച്ചു വരേണ്ടി വന്ന ആള് കൂടിയാണ് ഞാൻ.
ചിലര് അവരുടെ അവസ്ഥകള് പറയുമ്പോള് പൈസ വാങ്ങാതെ ഞാന് പാടി കൊടുത്തിട്ടുമുണ്ട്. ഇന്ത്യയ്ക്കു പുറത്തുള്ള ചില പരിപാടികള്ക്ക് പങ്കെടുത്തതിന്റെയടക്കം പൈസ കിട്ടാതിരുന്ന അവസ്ഥകളും എനിക്ക് ഉണ്ടായിട്ടുണ്ട്.
എന്ന് കരുതി ദേഷ്യം വരുന്ന ആളല്ല ഞാൻ. പക്ഷെ ദേഷ്യം വന്നാല് നല്ലത് പോലെ വരികയും കുറച്ചു സമയം കൊണ്ട് അത് മാറുകയും ചെയ്യുന്ന പ്രകൃതമാണ് എനിക്കെന്ന് മധു ബാലകൃഷ്ണൻ പറഞ്ഞു.